ياقلبي الي كل مايظلم الليل=يطري عليه ليا اظلم الليل طاري
ياعناد شب النار وادن المعاميل=انا يابوك لشبة النار ضاري
هات الدلال ودن بالنجر بالحيل=نجر(ن) على صوته يجي الضيف ساري
ثم حط خمس من العويدي على الهيل=والبن خلك لاحمسته مداري
يجل العمس عني ثلاثة فناجيل=برية(ن)ماهي لقمتي تجاري
واكتب وانا بملي عليك التماثيل=ابيات شعر(ن)مايجنك عواري
يوم الروابع مقفيات ومقابيل=نبي نجاوب جايعات الضواري
سرحان هيضني قنيبه مع الليل=كنه عن الي بين الاضلاع داري
ياعناد يامشكاي ود المراسيل=للقرم ابن صنهات سبع الغداري
انصه وخصه عن جميع الرياجيل=وقله يعجل لايطول انتظاري
قل ياسعد خابرك ماتقبل الميل=ولو منت طيب مانصاك المطاري
انته من الهيلا الرجال الحلاحيل=حر(ن) على كسب النواميس ضاري
وانا بعد من لابتن توفي الكيل=وافخر بحمران النواضر واماري
من دون قاصر فالرجال المشاكيل=وان صرت مخطي يقبلون اعتذاري
لني بلايه كل مايقبل الليل=يطري عليه ياجماعه طواري

الله الله الله


هذا الشعر والا باش


لله درك ياجزل


مايمدح الا طيب ولا يُمدح الا طيب



صح لسااااااااانك ملايين


والنعم بحمرااان النواضر ولك حق تفتخر وتماري بربعك

المشاركة الأصلية كتبت بواسطة معجب العتيبي (المشاركة 1080410) صح لسانك يالعقيلي قصيده جزله ملاحظه: تم تغيير حجم الخط والتنسيق ليستطيع الزوار قراءتها

المشاركة الأصلية كتبت بواسطة ناصر المرشدي (المشاركة 1080434) الله الله الله هذا الشعر والا باش لله درك ياجزل مايمدح الا طيب ولا يُمدح الا طيب صح لسااااااااانك ملايين والنعم بحمرااان النواضر ولك حق تفتخر وتماري بربعك

المشاركة الأصلية كتبت بواسطة ولدعساف (المشاركة 1080443) صح لسـانك على هالنص الفاخر يابن عاقل .. ونعم بمطير حمران النواظر !! ,, دمت بود :)!!

المشاركة الأصلية كتبت بواسطة ابن مشيب (المشاركة 1080456) صح السان وكفو بالجميع. تحياتي

المشاركة الأصلية كتبت بواسطة زياد المزرمي (المشاركة 1080469) الله الله صح اللسانك ياولد عااقل انت كفوو والممدوح كفوو قصيده في قمة الروعه والجمال لك خالص تقديري

المشاركة الأصلية كتبت بواسطة عبدالرحمن العقيلي (المشاركة 1080608) قصيدة بكل ماتحمل الكلمة من معنى ياحسن يعطيك العافيه والى الامام تقبل مروري اخوك عبدالرحمن مترورك