قصيدتي المرسله له :

يافهيد انا لي حول خمسة عشر يوم=العين عن حلو المنام محرومه
امشي ولا كني مع الناس مهموم=واضحك وقلبي ماتكبه همومه
ماذقت لي راحه ولاذقت لي نوم=جافتني الثنتين راحه ونومه
اليا غفيت ايمرني طيف وحلوم=اتصحي اللي غارق في حلومه
الهم يطردني وأنا اطيح واقوم=واخذ مع الاحزان طيحه وقومه
ياخوك انا بالوقت هايم ومحروم=وراع الولع يافهيد ماحدن يلومه
اسرح مع الافكار والقلب ملزوم=في حب منهي جت لقلبي لزومه
من عقبها يافهيد وعلومي علوم=تطــري بــقـلبي كل ليلن ويومه
حبيتها حبن عن الشين معصوم=ولغيرها نفس الجريح معصومه
الزين له عندي مقامات ورقوم=وعندي مناة الروح بأول رقومه
من حبها عندي غدا الحب مرسوم=في وسط قلبي ماتغير رسومه
بنت عفيفه ماهي سلالة رخوم=ونفسي عليها يابو غازي كتومه
بنت ابدوي فالمهمات زيزوم=متردد من بين ربعه وقومه
ماريدها ياكود بطباع وسلوم=حسب دواخل وقتنا مع سلومه
وانكان مالله كاتب يجمع القوم=في فرحتي فيها وليل العزومه
قبري تراه اهون من العيش محروم=واقعد على جرح الزمان وسهومه
اما بردن يشفي القلب ويدوم=ولابلاش امن القصيد وعلومه

الرد من فهيد :

يامرحبا باللي بنى القاف مكلوم=ومن داخل الأعماق بيّن اكلومه
عام البحر ثم سام جزل الدرر سوم=ولولا الجواهر كان كبيت عومه
جاني امسند بعد ماصار محكوم=في حب غرو(ن) مغلي(ن) سعر سومه
يامرحبا بأخوي في مقدم القوم=لا شب ضوه نار أبويه شعومه
وأنته رميت القلب وأركيت بسهوم=كن الليالي للذيابه نقومه
وقوّمت هم(ن) داخل الجوف ملموم=يرقب على قد الشعر صوت قومه
وأثعى ونادى له جماعات وهموم=يقول يم القلب جولوا بحومه
وسرت سوات الجيش في ليلة الصوم=يم الفؤاد اللي كثيرة اثلومه
وقامت تنادب ميسمٍ صار محموم=وكثرت على القلب المعنى وشومه
ماهوب لجل أترك فزيعة ومحشوم=لكن خوف الوضع تكثر احثومه
حطيتني مابين حاسم ومحسوم=قدم الخلايق والليالي حسومه
وأنا لها واقف ولانيب مليوم=مادام تملك هالوصوف العدومه
إن كانها بالجاه والعلم مزموم=نجيب جاه(ن) مثل جاه الحكومه
وإن كانها بالعرف لا شك مفهوم=معنا كنوز(ن) كل نفس(ن) ترومه
وألحين أقول العلم واضح ومعلوم=والله يجعلها علينا رحومه
وإليا قست لا شك لك قسم مقسوم=وعند الزمن باقي حلول الخصومه
يقولها حر(ن) امضرّا على الحوم=ما كل مانبغاه يأتي بهومه

المشاركة الأصلية كتبت بواسطة فيحان العطاوي (المشاركة 1083435) صح لسانك يامحمد

المشاركة الأصلية كتبت بواسطة طلال ناشي (المشاركة 1083476) الله الله يابو غازي صح ألسااااااااانك والسااااااااان فهيد شااااااامخه وراقة لي تحياتي

المشاركة الأصلية كتبت بواسطة أبو مرحبا (المشاركة 1084007) مساجله رائعه صح السانك والسان اخوك فهيد بن غازي النخيش تقبل مروري

المشاركة الأصلية كتبت بواسطة نشا العتيبي (المشاركة 1084098) صح لسانك يبو غازي محمد وصح لسانك يا فهيد قصيده رئعه وردها بالمثل رائع بيض الله وجهك ننتظر جديدك فـ الابداع

المشاركة الأصلية كتبت بواسطة @ـايل (المشاركة 1085540) مرحبا فيك بعد غيبه .. ونعم بك وبأخيك يابو غازي وامدكم الله بالصحه صحت الالسن والقلوب سجّل اعجابي ولاتحرمنا الجديد

المشاركة الأصلية كتبت بواسطة بن رفااع (المشاركة 1085548) صحت السنتكم ياعيال غازي على هالمساجلة الرائعة تحياتي لك

المشاركة الأصلية كتبت بواسطة سعود العصيمي (المشاركة 1085584) مبدع انت واخووك يابو غااااازي صح لسااانك مليااااار وصح لسااااان فهيد مليااااار مساجله راااائعه يابو غازي

المشاركة الأصلية كتبت بواسطة الشامان (المشاركة 1085636) نعم فيك وفي فهيد وصحت الالسنه والقلوب ودمتم

المشاركة الأصلية كتبت بواسطة عيضه الثبيتي (المشاركة 1085896) ياسلم يابو غازي مبدع كما عهدناك تحياتي

المشاركة الأصلية كتبت بواسطة بناخي الايداء (المشاركة 1085904) محمد غازي صح لسانك وصح لسان فهيد ابداااااع من الشاعرين تحيتي

المشاركة الأصلية كتبت بواسطة سـعـد الـعـازمـي (المشاركة 1087908) صحت لسانك ولسان فهيد ابداع جميل كعادتك يامحمد وتحياتي لك

المشاركة الأصلية كتبت بواسطة سعد بن مطلق المقاطي (المشاركة 1088538) إن كانهـا بالجـاه والعلـم مـزمـوم نجيب جاه(ن) مثـل جـاه الحكومـه صحت السنتكم

المشاركة الأصلية كتبت بواسطة ابراهيم الزراقي (المشاركة 1088951) الله على الابداع صح لسانكـ وصح لسان اخوكـ وكل عام وانت بخير يامحمد

المشاركة الأصلية كتبت بواسطة طارق النفيعي (المشاركة 1089365) الله عليك يابو غازي صح لسانك ولسان اخوك ..

المشاركة الأصلية كتبت بواسطة ابو شوق الازوري (المشاركة 1089377) صح لسانك يبو غازي محمد وصح لسانك يا فهيد قصيده رئعه وردها بالمثل رائع بيض الله وجهك ننتظر جديدك فـ الابداع تحياتي ................. ابو شوق الازوري