هذا السنه ماهي قريبه من العام = والعام فرقه عن سنتنا قليلي
والفرق فأول عشر فالشهر يازعام = واللي بقى من شهرنا هد حيلي
أصوم وفطر شوق وعد الأيام = أبا خليلي لو مبطى خليلي
أليا ذكرت اللي مضا كيف أبا نام = والشوق في صدري غداله عويلي
أعيش في الواقع وفكر فالاحلام = وابكي ندم واللي مضا مستحيلي
ياما على فرقاه عضيت الابهام = وياما دموعي فوق خدي تسيلي
فرقاه هم وغم وجروح والام = الا بعد فرقاه واويل ويلي
لا جات من يمه ذعاذيع الانسام = على كثر مابي تزايد غليلي
افرح برقمه لاتصل بين الارقام = وتنضح عيوني مثل نضح الصميلي
ويروح قلبي سبته عشرت اقسام = أليا تصل ثم قال متى تجيلي
يهيب يادنيا التعاسه والاوهام = اللي علانا كل يومٍ تميلي
مافادني عقبه كثير التندام = والله يالالا الله قفى حصيلي
أنا محب وكيف في حبه ألام = من لامني عساه بم الفتيلي
من كف شغمومٍ على الهوش مقدام= مظرابه فالقلب ماهس ميلي
أليا تناخوا بالعزاوي والاسام = وقامو مقام الصدق دون الدخيلي
ولا عساهم يحكمونه بلا اثام = ويروح راسه عند حد الصقيلي
الحب بلوى والمحبه لها احكام = وأناحبيبي ماخلقه مثيلي
جعل العذارى من شروره أليا الشام = ومن الحجاز ألحد وادي عصيلي
فدوة غناة الروح ترفات الاقدام = دعج العيون منقضات الجديلي
ماهوب حب الكام يامشغل الكام = حب الاصاله والغرام الاصيلي
اللي ليا صاب الفتى طاح ماقام = وان قام مادور لحبه بديلي
لو تنزل الاهرام فديار صدام = ولن ظلع اطويق عنا يزيلي
ولاهوب حب اشقير راع التهظام = اللي يغنيبه معاه العقيلي
علمبها عمار يازعام مادام = شال الوصاه وراس مثله طويلي
اللي ثنا لأم الخلاخل والحزام = وفتكها يوم المحايل تحيلي
افتكها من وصل قطاع الارحام = وشتال حملٍ فوق ظهره ثقيلي
أليا شرب وكبود خلق الله أحيام = يسرح ولا يطري علاه المقيلي
والعصر فالدمام ويرد الاعلام = وجيه والقى عند خالي خليلي
أنا ماسندها على رخو الاعظام = اللي ماهوب كفون لكسب الجميلي
عميلي اللي ماقفه ضربة حسام = هذاك بين اهل المواقف عميلي

المشاركة الأصلية كتبت بواسطة محمد العتيبي (المشاركة 1087625) جعل العذارى من شروره أليا الشام ومن الحجاز ألحد وادي عصيلـي اووووه تبا تزعلنا ياطلال :) صح الله لسانك تحيتي ..

المشاركة الأصلية كتبت بواسطة ابن صنهوت (المشاركة 1087691) هههههههههههههههههههههههههههههههههههههههههههههههههه ههههههههههههههههههههههه مسرعك يالهواوي الله يقطع ابليسك يابو رررررغـــــــــــــــــــــــــــــــــــــــــــد بس اشوى وقفت عند اعصيل ما تعديت ههههه ماهوب حب الكام يامشغـل الكـام=حب الاصالـه والغـرام الاصيلـي اللي ليا صاب الفتى طـاح ماقـام=وان قـام مـادور لحبـه بديلـي لو تنزل الاهـرام فديـار صـدام=ولن ظلـع اطويـق عنـا يزيلـي ولاهوب حب اشقير راع التهظـام=اللـي يغنيبـه مـعـاه العقيـلـي علمبهـا عمـار يازعـام مـادام=شال الوصاه وراس مثله طويلـي اللي ثنـا لأم الخلاخـل والحـزام=وفتكهـا يـوم المحايـل تحيلـي افتكها من وصل قطـاع الارحـام=وشتال حملٍ فوق ظهـره ثقيلـي أليا شرب وكبود خلق الله أحيـام=يسرح ولا يطري عـلاه المقيلـي والعصر فالدمـام ويـرد الاعـلام=وجيه والقى عنـد خالـي خليلـي صح لسان يابو رغد مبدع كعادتك لاعدمناك

صح بدنكــ

شكراً لك على المرور الكريم

تحياتي

المشاركة الأصلية كتبت بواسطة سـعـد الـعـازمـي (المشاركة 1087927) الا بعـد فرقـاه واويـل ويـلـي صح لسانك شاعر ومبدع ولافيها شك تقبل مروري

المشاركة الأصلية كتبت بواسطة خلف المطيري (المشاركة 1087961) صح السانك وهذا الهوي ماهو غرامن صناعي

المشاركة الأصلية كتبت بواسطة عبد الرحمن بن صالح الفرهود (المشاركة 1088091) عميلي اللي ماقفه ضربـة حسـام هذاك بين اهل المواقـف عميلـي صح السانك قصيده مميزه من مميز

المشاركة الأصلية كتبت بواسطة ابن سرحان الثبيتي (المشاركة 1093085) صح لسانك يابو ناشي "

المشاركة الأصلية كتبت بواسطة سيف الهبيش (المشاركة 1093243) أنــــا مــحــب وكــيــف فــــي حــبــه ألام مــــن لامــنــي عــســـاه بـــــم الـفـتـيـلـي من كف شغمومٍ على الهوش مقـدام مــظــرابــه فـالـقــلــب مـــاهـــس مــيــلــي صح السانك ياطلال لاعدمناك يا ذيب

المشاركة الأصلية كتبت بواسطة مرزوق الصواط (المشاركة 1097452) ههههههههههههههههههههه الله لايلومك أبو رغد عندي سالفة معاناتك ... لكن لا عاد تعودها صح لسانك ملايين طلال بن ناشي ولا يسدون قصيدة مميزة كتميز شاعرها .... دائماً للإبداع موعد معك بن ناشي سلمت ولا فض فوك ,,, تقبل مروررررري ,,,