مادام تنشد عن همومي وسبتها=أبشر بعزك ببين كل الأسبابي
أعطيك موجز عن القصه وسيرتها=قدّام يكثر عناي وتكثر أنشابي
مع احتفاظي ببعض رموز شفرتها=في دسك مضغوط ماسجلت بكتابي
السالفه من بدت حتى نهايتها=الله وكيلك وجرح القلب ماطابي
عقب البطا جيتها شفقٍ لشوفتها=أسابق خطاي وجل القلب مرتابي
مدري وش اللي بقي لي من محبتها=مدري بقى ولف والاَ سد الابوابي
قلت أستثيره وحدد ويش غايتها=أهديه وردٍ يقدم بين الأحبابي
كان قبلتْ وردتي عرفت نيتها=وإن ماخذتها وضح ماكان لي غابي
قدمت خطوه وعيني يم نظرتها=أشوف فيها رضا والاَ بها عتابي
لمحت فيها خجل مع زود رعشتها=وأهديت ورده وعض الترف بالنابي
حسبي على الثلج ليه يعضْ شفتها =حسبي على النار ليه الثلج ماذابي
حسبي على الردف يوم يضيم مشيتها=حسبي على الردف يقصر ضاف الاسلابي
حسبي على النود لاهب وتقفتها=ياليل راع الهوى من حظه الهابي
أقفت وهي تلتفت تقصر بخطوتها=تغضي بنجلٍ هزعها طول الاهدابي

المشاركة الأصلية كتبت بواسطة مرزوق العتيبي ... الف صح لسانك يانيااااااف ابداع x ابداع وهذي عوايدك تحياتي مقرونه با اعجابي. اخوك.

المشاركة الأصلية كتبت بواسطة ذيبان حسبي على الثلج ليـه يعـضْ شفتهـا --- حسبي على النـار ليـه الثلـج ماذابـي لا اجد كلمات تفي ابداعك حقه ولكن صح لساااااااانك وسلمت هالانامل اللي كتبت هالابيات اخوك ذيبان

المشاركة الأصلية كتبت بواسطة مرزوق العتيبي ... الف صح لسانك يانيااااااف ابداع x ابداع وهذي عوايدك تحياتي مقرونه با اعجابي. اخوك.

المشاركة الأصلية كتبت بواسطة دريد ابن الصمة صح السانك يا نياف .... ابدااااع يفوق الوصف .... ورائعة اتحفتنا بها ... تحياتي...

المشاركة الأصلية كتبت بواسطة المسرّي حسبي على الثلج ليـه يعـضْ شفتهـا -- حسبي على النار ليـه الثلـج ماذابـي حسبي على الردف يوم يضيم مشيتهـا -- حسبي على الردف يقصر ضاف الاسلابي حسبي علـى النـود لاهـب وتقفتهـا -- ياليل راع الهـوى مـن حظـه الهابـي أقفت وهـي تلتفـت تقصـر بخطوتهـا -- تغضي بنجلٍ هزعهـا طـول الاهدابـي قصيده رائعه من شاعر رائع , صح لسانك يا نياف