هذه القصيده موجهه للاخ عبد الله بن حبيليص الذيابي

اليا بدا لازمك جنب عن النيص=اللي لغراتك اليا اقفيت قناص
خلص لسانك من مناداه تخليص =لا تزهمه لو هو ولد عمك الخاص
بع نفعته في سوق شرواه برخيص=إن كنت في سيرة هل الطيب بخاص
عليك باللي للصعايب مفاريص=يوفون لو الحمل فولاذ ورصاص
اليا احتزمت بهم جلا كل تنغيص=وان جيتهم لوّام تبشر بمخلاص
أهل الوفا ما يعتلقهم مناقيص=دايم على مسلك هل الطيب حراص
ردوا سلام مخصص القاف تخصيص=يم الذي لاجاه معناي ما حاص
قولوا نصاك العلم يا بن حبيليص=راسك ولا روس الضعايف والانصاص
الكائدة محص لها الدرب تمحيص=وإسبح بحرها كان تحتاج غواص
لخصت لك من بعض معناي تلخيص=وطوعت لك من شارد افكاري العاص

المشاركة الأصلية كتبت بواسطة ابن سرحان الثبيتي (المشاركة 1098721) اليا بدا لازمـك جنـب عـن النيـص اللـي لغراتـك اليـا اقفيـت قنـاص خلص لسانـك مـن منـاداه تخليـص لا تزهمه لو هو ولـد عمـك الخـاص الله الله ... غالب الذيابي صح لسانك وفكرك وبيض الله وجهك على هالجزاله " قصيده فايف ستااااااارز "

المشاركة الأصلية كتبت بواسطة عيد العازمي (المشاركة 1098782) الكائدة محص لها الـدرب تمحيـص وإسبح بحرها كان تحتـاج غـواص الله الله مبدع ياغالب انشهد درر شعريه وقافيه مميزه كماهي القصيده صح لسانك يالقرم

المشاركة الأصلية كتبت بواسطة عبدالله الجـــذع (المشاركة 1098942) صح لسانك ياغالب على هذه الدره ماشاء الله مبدع في النظم والمحاوره قافيه مميزه وابيات جزله كـ عاده صاحبها الف شكر محبك