|
بعد انقطاع 8 سنوات الزلامي وسوار الذهب يتواجهان
بادئ ذي بدء احب ان انوه ان الموضوع منقول من أحد المنتديات
التقى عبدالله الميزاني في حفلة مكه يوم الخميس الماضي 27\10\1431 هـ والتي ضمت كل من رشيد الزلامي وعبدالله الميزاني وحميد الفهمي ويعد هذا اللقاء هو الاول لهما بعد انقطاع دام 8 سنوات كانت البدايه مع عبدالحميد الفهمي وعبدالله الميزاني بعدها قام الميزاني وغير الطاروق وطلب الزلامي عبدالله الميزاني ياسلام الله سلام يعم ويخص الزلامي الزلامي كان من عاد وثمود وسجلوها ان بغيت اسرق سواد الكحل من عين الحرامي من يصدق في امها ماهو مكذب باسم ابوها رشيد الزلامي مرحبا ترحيبة تغنيك عن شرب وطعامي ياكذا والا كذا والا كذا والا اتركوها العشيه شفت لي مجنون يقطع في النوامي مير خش فهضبة دون البهيته لعنبوها عبدالله الميزاني والله مستعد ارجع النجدي تهامي بس اخاف من النهايه خربوها صلحوها يارشيد انته ذخيرة زيد يامال الرحامي والعوالي كبوا الديره سنه عقب انزلوها رشيد الزلامي ماتهم الكلمه اللي ماتنقص من مقامي وانت لاضويتها جاها رجال سرحوها موكدين ان الليالي كلها برد وسلامي قبل هذا الليل عاندني رجاجيل كلوها عبدالله الميزاني نوب توجعني كلاي ونوب توجعني عظامي هب يالروقه ليا شافوا عماله وظفوها ليه يوم تورد القرحان لحياض الهيامي يحسبون لحملها بعض الاوادم وحملوها رشيد الزلامي انتبه يارجل تكلم بحشمه واحترامي لاتخلينا نفتش في المخازن كلبوها .... ميسم العتبان في جلمدك حامي نزلوك الديره اللي معك عربان انزلوها عبدالله الميزاني اعرف انك عسكري والعسكري دايم نظامي يالزلامي غيروا هذي الطبيعه غيروها بعدها قام الزلامي بالتغيير وطلب عبدالحميد الفهمي وبعد طاروقهما قام عبدالله الميزاني وطلب رشيد مره اخرى: رشيد بن الزلامي فيه من بعض العلوم علوم ومن لاقد درى يدري وطلع العود من لونه من اول كنت احسب مايحول من سماك نجوم تشوف اللي لنا واللي علاكم ماتشوفه عندها رفض رشيد الزلامي اللعب مع الميزاني وطلب من عبدالحميد الفهمي اللعب بداله رشيد بن الزلامي لو تريح مايجيه اللوم تخالف ياعميل الخير قانونك وقانونه ترى مافيه شي يخفى ترى مافيه شيّ يدوم ترى دنياك مجنونه ترا دنياك ملعونه وحدث بينهما طاروق حامي وبعدها قام عبدالله بالتغيير وطلب رشيد الزلامي للمره الثالثه ليرفض رشيد الزلامي اللعب مع الميزاني مجددا افرق المعركه يابوجميل وألحس النار من مشهابها ليلعب الزلامي مع احد الشعراء الحاضرين والغير مدعويين رسميا وتلى ذلك ثلاث طواريق كانت بين الزلامي والفهمي طاروق ومن ثم طاروقين وهي الاخيره كانت بين الميزاني والفهمي وسلامتكم ::: :: : |
لاهنت يا اخي على النقل
الحقيقه من الطاروق الأول الميزاني هو من طلب الزلامي ولكن لم أجده يستمر في معنى واحد ابياته ( من كل فج عميق ) واخر الطاروق كعادته جاء بأبيات بذيئه ترفع عنها ابو جميل وخيرا ما فعل . وبعدها ليس هناك ما يشجع للعب طاروق أخر . |
اقتباس:
اكيد هو طلب الزلامي اجل فيه احد يطلب الميزاني غير حبيب العازمي بس حبيب واللي غيره يعتبر منتحر لو يطلب الميزاني خف الله يابوفايح مالك عذر الحين الزلامي اكبرها واسمنها الابيات البذيئه ماهي مكشوفه مغطاه بحرفنه الشمس بديك منت ابحاجبن نورها يابو فايح كنت انتظر اللقا هذا من زمان حتي ابين لك انك جانبت الصواب في تقييم الميزاني الميزاني نابغة هذا العصر وباقي شعار مطير يستريحون وغيرهم الاّ قل مايبا يفتح علي نفسه باب نوب توجعني كلاي ونوب توجعني عظامي هب يالروقه ليا شافوا عماله وطفوها والله مجرم وداهيه الميزاني نوب توجعني كلاي ونوب توجعني عظامي هب يالروقه ليا شافوا عماله وطفوها شف الحرفنه يابوفايح والتلاعب فالالفاظ |
أنا حاضر الحفله وفي البيتين الأولى كان الزلامي سريع الرد أما باقي البيوت كان يتأخر وكان واضح عليه الإرتباك وكل ماغنى عبدالله بيت قام يشر بيده ليبين للناس ضعف البيت !! والعكس صحيح وبسبب شايب كسر القاف عبدالله وطلب الميزاني وسبب الزلامي صجه يقول ليه يكسر القاف ويحرض الشايب لكن للأمانه عبدالله في هالطاروق لعب صح كالعاده .
|
في الطارووق الكفه متوازنه
وصراحه كانت ابيات عبدالله قووويه ولكن يحقّ لبو جميل الإعتذار من أي شاعر كما يحق لغيره لأن سـوار الذّهب يتوّه ويعتمد اعتماد كلّي على المترادفات والسجع في جلّ طواريقه ويعمّق المعنى الى درجة لا يفهمها الاّ هو !! مع اعجابي به في هالمحاوره تحاياي |
اقتباس:
الشايب اللي قال اكسر الطاروق ياعبدالله ماهو عبدالله اللي قال للشايب واول مره ادري ان مكه فيها مطران خابر المدينه فيها مطران صف عبدالله ثلاث خانات وقوي وابدع صف عبدالله |
اقتباس:
وين البيت اللي مافهمته واعلمك فيه هذا كلام يارايد خل السجع والمترادفات نبا حبكة البيت ورصته ومعناه ورا حبيب العازمي يجاريه ويفهمه ورا محمد المسعودي يجاريه ويفهمه ورا الرياحي يفهمه ورا مستور يفهمه لانهم شعار معني رشيد شاعر نظم جزل وشاعر هجومي فالمحاوره قوي فالهجوم لكن المعني جيدا جدا |
الأخ خلف
أنت شاعر جاوب على الأتي هل استمر الميزاني في معناه الذي طرقه من البدايه ؟؟ وضح ذلك أخر ثلاثه أبيات للميزاني لو وجهت لك ولم ترد عليها هل عليك ملامه ؟؟؟ الأخ المطرفي لست في حاجه لأفلام الأكشن من قابل الجبرتي ومطلق الثبيتي وصياف الحربي رحمهم الله وكان ند لهم ليس من المعقول أن يرتبك او يفكر في شعراء لا يأتون أنصافهم . |
هههههههههه هههههههههههه
يخرب بيت شيطانك يا خلف رشيد شاعر معنى جيد جدا !!!! أتحداك وأعتزل متابعة المحاوره اذا كان عبدالله استمر على معناه في هذا الطاروق !!!! لكي يفهمه الزلامي !!! |
خلف المطيري
اتمنى تحلل القاف كله طيب مافهمت ياخي ! ههههههههه |
اقتباس:
|
اقتباس:
هل هو فرض أن الشاعر يستمر في معناه ؟؟ ياخي كل بيت وله رد والزلامي خبرته في الشعر 60 سنه على كل بيت يجيه يرد على نفس الطريقه وش المانع 3 أرباع طواريق الشعار مايستمرون في معناهم نهائياً |
اقتباس:
ثانيا اللي احرف المعني رشيد الزلامي بيت اللي فيه البهيته واخر ثلاث ابيات مافيها شي مكشوف مغطاه بحرفنه ولم تجرح مسامع الجمهور وهذا هو الصح وراح انزلك محاوره بين الثبيتي وشليويح معناها دمار في دمار لكن مافيها شي مكشوف ابدا وهذا هو الصح وهاذي ملعبه مرات ماتاقف علي قدم وساق واحد تنحرف بسبب احد الشاعرين انا عن نفسي لو وجهت لي الابيات الثلاثه راح افتح فمي مقدر ارد لانها قويه ولازم ردي يكون ند لها ومغطي بحرفنه لكن لو حبيب العازمي راح يرد رد مناسب لها او محمد المسعودي او ملفي المورقي راح يردون رد مناسب وقوي للابيات الثلاثه -------------------------------------------------------------------------------------------------- انا والله ماتفرق معي هذا مطيري ولا عتيبي لاني ادري ان الشعر وهايب من رب العالمين وشفني معجب في شعارية سلطان الجذع وافضل واحد عندي رغم وجود شعار مطير فالمنتدي وهو عتيبي ولاحظ اول مره اشارك فالطريقه هاذي لكن اسوار الذهب يعطيني دافع ادافع عنه يملك مقومات الشعر حتي خصومه معترفين فالشي وراح تشوف الشي هذا لمّا تنزل المحاوره هنا راح اتعرف وش اقصد اذا تفهم في لغة العيون والارتباك الواضح والاطاله فالرد شوف المحاوره فاليوتيوب وتبين الامور |
اقتباس:
دق علي وابشر كل شي واضح ياشبل ارسل جوالك ابخزنه الجوال القديم راح |
اقتباس:
هذي تسجل عليك يا خلف ميه في الميه :rolleyes: ان كان رشيد فالمعنى جيد جدا فانشهد ان اطيب الشعّار بعده تحت المقبول !! |
اقتباس:
الحين وش يفكني من تركي ولد مكه والله هذا كلام الشعار الاولين يقولون لاتهاجم رشيد الزلامي فاول الطاروق يقمعك علي طول ويكرشك خل الطاروق يدرج وتسيطر عليه لادرج طيب افتح موضوع بيني وبينك لحد يشارك فيه واجيب ادلتي وتجيب ادلتك ونترك الحكم للجمهور لكن تبيني اابين لك والموضوع مفتوح كذا ماراح نستفيد شي راح نبلش فالمداخلان من الاعضاء نعم رشيد شاعر هجومي بحت المعني عنده فالدرجه الثانيه ياخوي ترحيبتن محمد المسعودي مشت عليه شف يابوفايح مستور ماقصر رقم صعب واعطي المحاوره حقها وكبر ومالومه لو مايبدع مافي شعر الان لكن عند ك اربع اسماء حبيب ومحمد المسعودي وملفي المورقي واسوار الذهب هولاء هم الشعراء الان غيت تسمع شعر اجمعهم وتمتع |
اقتباس:
ابو محمد الله حيه اي بالله فرض من الشّـاعر البادئ ( المقتدر طبعا ) ان يسيّر المحاوره على معنى واحد أو قد تنحرف الى معنى آخر يخدم المعنى الأساسي أما كلّ بيت محدّر وادي هذي اللي مالها علاج !! أما بالنسبه للناقض ماله الا يحاول يردّ الشاعر للمعنى او يرد على حسب البيوت اللي تجيه |
اقتباس:
الناس تختلف مشاربها انت غلطتني حسب عرفك وهذا حقك لكن انا ماغلطت عديت الحق حسب وجهة نظري رشيد شاعر هجومي بحت وقوي فالهجوم حتي العتبان انفسهم يسمونه مصنفر الشعراء يحرق حرق فالهجوم لكن المعني العميق دوره عند الثبيتي وربعه |
وين الرابط على اليوتيوب
ياخلف |
اقتباس:
:::::::::::::::::::::::::::::::::::::::::::::: |
والمحاوره مثل المعركه يوم منتصر ويوم مهزوم
وعلى العموم كل ن يصلح سيارته <<<<< رشيد الزلامي |
اقتباس:
جزاك الله خير اختصرت علي المسافه يعني السعد يغيب ويحضر بس هذا اللي اقصده |
مساكم الله بالخير جميعاً
اسمح لي يأ أبو فايح أنت وخلف أنا أخالفكم الراي كل ما في الموضوع أن عبدالله الميزاني بدأ يبين لرشيد الزلامي أنه شاعر متمكن مثل رشيد وهذا من حقه وهو والله ما ينظلم معانيه حلوه وقويه وينفرد بأسلوبه ورشيد استغرب جرائته وبين له أن المفروض تعرف قدري وتحاول تستفيد من خبرتي مو تقارن نفسك فيني وهذا من حق رشيد الزلامي كشاعر خبره وهذا على فكره أسلوب جميع الشعراء وأي واحد يروح الآن يطلب شاعر مشهور ويلعب بأ سلوب عبدالله الميزاني راح يواجه بنفس تصرف رشيد الزلامي والدليل على هذا الكلام بيت رشيد قبل هذا الليل عاندني رياجيلٍ كلوها أنا ما اقول أن الميزاني ما بدع أو ابياته ما هي قويه ولا اقول أن الزلامي عاجز عن الرد أو مرتبك أو سهران أنا اتكلم عن اسلوب اعرفه تمام المعرفه تقبلوا مروري |
المعنى شرط اساسي على الشاعر البادع أن لا يحيد عنه الا
اذا انتهت مناقشتهم منه واتجهوا لمعنى اخر او خصمه لم يفهم المعنى ويكون ذلك بعد ان يوضح له انه غادي ويحاول رده للمعنى او ياتي بيت من الشاعر الناقض يغير المعنى كليا وهو احيانا يعتبر ضعف من البادع أن يمشي مع ما يريد خصمه قبل ان ينهي ما بدأه الميزاني في هذا الطاروق وفي طواريق غيره كثيره يحيد عن المعنى بدون اي مبرر (خلف اين المعنى لاتوضح لي لأني متأكد انه لايوجد معنى ولكن وضح لغيري ) من يقول الزلامي ارتبك ومن هذا القبيل اين البيت الذي يجعله يرتبك كلها عاديه وكان الرد عليها فالصميم بالنسبه لتأخر فالرد الجميع يعرف أن الزلامي من اسرع الشعراء فالرد ولكن لعامل السن دور في ذلك وهذه الملاحظه على جميع كبار السن من الشعراء وهو التأخر فالرد ولنا في ابو مشعاب والناصر عبره |
اقتباس:
خلف المطيري مساك الله بالخير تصدقني اول مرة اشوفك ماتعد الحق على غير العادة والله اني احترمك واقدر طرحك ولكن هالمرة مدري وش فيك ياخوي مع احترامي لك انت وبن عمك الشاعر الكبير عبدالله الميزاني بدري عليكم تربكون او تجارون او تنقدون اقوى شعراء العصر الحالي في المحاورة والنظم الصنفرة رشيد بن زيد الزلامي ، يامسلم خاف الله كيف تقول رشيد الزلامي جيد جدا وتقول ملفي وحبيب ومحمد المسعودي ممتازين ياأخي حبيب العازمي يقول رشيد استاذي، ودائما عندما يبدأ المحاورة مع رشيد يقول يالله تخارجني ,، رشيد الزلامي لايقارن بشعراء العصر الحالي ولايوجد شبيه له في العصر الحالي الا مستور العصيمي ، رشيد الزلامي من مستوى الثبيتي وصياف وشليويح ومستور ، فليس من الانصاف ان تشابهه بعبدالله الميزاني وحبيب العازمي مع انهم شعراء اقوياء ، كلمة اخيرة رشيد اشرس شعراء المحاورة على مر التاريخ بشهادة شليويح المطيري |
اقتباس:
|
اقتباس:
وش الكلام اللي قاعد تقولة ياولد عمي رشيد الزلامي ما ارتبك قدام مطلق ولا ارتبك قدام صياف ولا ارتبك قدام مستور ولا ارتبك قدام شليويح اجل بعد خبرة 60 سنة في المحاورة تبية يرتبك قدام شاعر رغم قوتة ولكن من المستحيل ان يجاري رشيد الزلامي |
أبو فايح
صحيح ما ذكرته لكن بعلمك فالمعني رغم أني ما احب شرح المحاوره يقول عبدالله ياسلام الله سلام يعم ويخص الزلامي الزلامي كان من عاد وثمود وسجلوها ان بغيت اسرق سواد الكحل من عين الحرامي من يصدق في امها ماهو مكذب باسم ابوها الزلامي كان من عاد وثمود وسجلوها الزلامي كان في نظري من جيل لا يتكرر غير جيلي أنا لكن الحين لا أنا وياه من جيل واحد وسجلوها ان بغيت اسرق سواد الكحل من عين الحرامي أن بغيت امشيها على رشيد اقدر امشيها وكل ابياته على معناه اللي بداه لكن رشيد رد عليه ردود قويه بعد هذا لتوضيح وكل شخص له وجهة نظر نحترمها |
علي الثبيتي
يحاول استفزازي من باب المزح يعني لا تصدقونه من حركات العود المعروفه |
من أبيات عبدالله
بيت اعتقد فيه خطأ مطبعي ولكنه ركيك فالتركيب كما يبدو لي وربما أكون مخطئ من اول كنت احسب مايحول من سماك نجوم تشوف اللي لنا واللي علاكم ماتشوفه (اعتقد ما تشوفونه ) لنا = علاكم ( يعني لمن ) المفترض لنا = لكم او تشوف اللي علينا = علاكم |
اقرا هذه المحاورة واتذكر بيت لمطلق الثبيتي يقول فيه انا خايف على ركبتي من رمحة العير**** كمن العير جاهل ولا يعرف مقامي |
عبدالله الميزاني ياسلام الله سلام يعم ويخص الزلامي الزلامي كان من عاد وثمود وسجلوها ان بغيت اسرق سواد الكحل من عين الحرامي من يصدق في امها ماهو مكذب باسم ابوها رشيد الزلامي مرحبا ترحيبة تغنيك عن شرب وطعامي ياكذا والا كذا والا كذا والا اتركوها العشيه شفت لي مجنون يقطع في النوامي مير خش فهضبة دون البهيته لعنبوها اللي يقول رشيد جيد جيداً يتمعن في النقض والقوه الشعريه والفطنه من ابو جميل عبدالله الميزاني والله مستعد ارجع النجدي تهامي بس اخاف من النهايه خربوها صلحوها انت دايم مخرب امورك يابن ميزان عسى الله يشفيك يارشيد انته ذخيرة زيد يامال الرحامي والعوالي كبوا الديره سنه عقب انزلوها العوالي كبو ا الديره سنه هنا الميزاني فتل معنى جديد ونشوف وش بيقول له صنفرة الشعراء؟؟ رشيد الزلامي ماتهم الكلمه اللي ماتنقص من مقامي وانت لاضويتها جاها رجال سرحوها هذا رد جزل ووافي على قول عبدالله يوم يقول بيرجع النجدي تهامي فرد عضلاة ومدح ذات و كان رشيد غير مبالي وناقد عليه في هالاسلوب المتكرر. موكدين ان الليالي كلها برد وسلامي قبل هذا الليل عاندني رجاجيل كلوها انظر يوم تقول رشيد جيد جداً فالمعني ابو جميل يقول اذا الدعوى عد فعول وتطاول على القبيله قبلك عطيت ادروس في هالمجال وعلى سبيل المثال الالفين عبدالله الميزاني نوب توجعني كلاي ونوب توجعني عظامي هب يالروقه ليا شافوا عماله وظفوها ليه يوم تورد القرحان لحياض الهيامي يحسبون لحملها بعض الاوادم وحملوها خروج الى مجال اخر وينقز من رصيف الى رصيف وهذا شي ملاحظ عليه في كل محاوراته رشيد الزلامي انتبه يارجل تكلم بحشمه واحترامي لاتخلينا نفتش في المخازن كلبوها .... ميسم العتبان في جلمدك حامي نزلوك الديره اللي معك عربان انزلوها ابو جميل اكتشف ان الرجال غير سوي في معناه ونبهه لعل وعسى ولكن لاحياة لمن تنادي والعوج يموت وهو عوج ثم استمر ابو جميل في الرد على الشطر اللي ذكر فيه سوار العوالي رغم الجنوح من سوار الذهب . عبدالله الميزاني اعرف انك عسكري والعسكري دايم نظامي يالزلامي غيروا هذي الطبيعه غيروها بيت تقليدي اقل مايقال عنه عادي ياشباب بالله عليكم بعد هالفوضويه فالمعني من الميزاني هل الحال يشجع بأن يلعب معه ابو جميل قاف اخر بالطبع لا. |
يالربع تعوذوا من الشيطان
محاوره ضمن المحاورات وكم صار بين الشعار لاتكبرون الموضوع ترونه مايستاهل والله الزلامي رفض اللعب له مبرراته ورؤيته وهو في منزله وسن لا يسمح له بالقبول ببعض المحاورات والميزاني شاعر كبير والمحاورة جميله جدا .. طبعا شخصيا لا يمكن ان اصدق ان الزلامي (وهو الرقم الصعب في تاريخ المحاوره وأنا شخصيا اعتبره الوحيد الذي لازال ثابت على مستواه وكل محاورة تسمع له شي يشدك وعنده طريقة جميلة في الابتعاد عن الروتين في تناول المعاني والذي سئمناه كثيرا من كثيرا من الشعراء كبار وصغار) لا يمكن ان اصدق انه يتحاشي شاعر من عجز او عدم فهم للمعنى او خوف وماشابه ولكن قد يرى نفسه مثلا انه كبير في السن لدرجة لا يرضي فيها ان يسمع بعض الكلام وأنا شخصيا اتفهم جدا هذه النظره . طبعا اعيد ان عبدالله شاعر كبير وعملاق ولكن كثير من الشعراء لعبوا معه وابدعوا فهل يعقل ان يبدع سفر وتركي والقعياني وعبدالحميد الفهمي ولا يبدع رشيد او لا يتحمل الرد والنقاش في طاروق او اثنين ..؟؟ رشيد شاعر كبير وعلى قوته وشاعريته التي لايمكن الانتقاص منها الا انه يميل الى الطورايق الفكاهية التي تدخل على نفسه وعلى من حوله الاستئناس والضحك وهذا ملاحظ ولكن ان يكون الطاروق جدي وقوي ثم يتعرض له بمثل الكلام الذي في آخر الابيات فأعتقد انه زادت قناعته بمدى يرى من تجنب ومقاطعه لعبدالله.. الختام اثنينهم شعراء كبار والموضوع عادي حصل بين كثيرا من الشعراء ولا نقعد نفسر الامور الى امور نحن والشعراء في غنى عنها وسلااااااااااااااامة الجميع.... |
.
.. عندما نقول ان رشيد شاعر كبير نكون صريحين وعندما نقول الميزاني شاعر كبير نكون صريحين كذلك لكن عندما نقارن بين شعراء القبائل نجد ان شعراء عتيبه كجبال الهملايا اشهر واطول سلسله جبليه في العالم وعندما نقارن بين شعراء عتيبه الراحلين والباقين نجد ان رشيد اطولهم قامه مثل قمة جبل افرست اللتي تعلت على سلسلة جبال الهملايا لانه اسطورة العصرين علما بانه اطال الله في عمره كان له هيبه اعظم منها الان وخصوصا في ليال المغتره كانوا يرتبكون منه جميع الشعراء واولهم مطلق وكما قال مطلق لصياف الحريبي ينفض اللحية ويطوي في معمه=طار قلبه من شليويح المطيري والزلامي اما مايخص باعتذاره عن اللعب فانا اؤيده 100% واعادة الطلب من قبل الميزاني ماهو الا محاوله من الميزاني لاثبات نفسه وجدارته على حساب الزلامي وتمشيا مع المثل العامي (جاور غنيٍ واقتبس من ناره) .. . |
بيض الله وجهك يا اخوي الي نقلت المحاوره من يوم سمعت بالحفله وانا ودي اشوف هل لعبو مع بعض او لا وانت جبت المحاوره ولا قصرت لك كل احترامي وتقديري وعندي راي وهو ان واحد يتبرع لنا ويجيب المحاوره فيديو من شريط الحفله عشان تاضح الامور كلها وشكرا لكم |
مزحم العتيبي دامك تقول اني اعد الحق
والله ماعديت غير وجهة نظري ولاحابيت فيها ولاجاملت احد اسوار الذهب شيله من مطير انا اكلمك علي ان اسوار شاعر سعودي اسوار ماهو بدري عليه ياصل مستور ورشيد وكل رجل عاقل مايمشي ورا هواه يقول ماقلته وهذا الصحيح وشهادة الرعيل الاول كله اسوار عمله نادره واسلوب منفرد رغم فارق السن وخبرة الشعراء الاولين لازل اسوار مبدع مع الكبار وشليويح ماشهد له يامزحم ورشيد ماهو بحاجة شهاده شاعر وقوي فالهجوم لكن انتم تبون يتفوق في كل انواع الشعر وهذا مستحيل ميزة رشيد الهجوم ومطلق وشليويح مايخافون منه بل يتحاشونه وغير مرغوب فيه علي ايامهم وارجع لشيبان عتيبه ويعلمونك فالاسباب كشاف معاني مثل حسيبكم يوم القيامه عبدالله المسعود والامثله كثيره وانشد اصحاب الخبره فالشي هذا ومثل ماقلت يامزحم انا اعد الصحيح لو علي اخوي ولاجامل فيه لانه شعر لايودي ولا يجيب سنه كامله واسوار يتعرض لهجوم ماتكلمت لاني ادري الدافع ماهو شعر الدافع شي ثاني وماني بهايب يتشفا فاسوار ويقول مريض واجد المرضي واقواها مرض القلوب وان بغيت اعلومهم بعض الشعار راسلتك علي الخاص وعطيتك كل واحد وامرضه وشوف العين محد قالي فالواحد يتحمد الله انه ماصار شاعر محاوره |
اقتباس:
اخوي خلف المطيري ابي اوضح لك حاجة ، تذكر مقابلة شليويح المطيري على قناة الصحراء قبل سنتين او ثلاث عندما قال انا مستاء من استمرار مستور العصيمي( ورشيد الزلامي ) في ساحة المحاورة الى الان , ومن المفروض اعتزالهم لانه لايوجد شعراء في مستواهم في العصر الحالي . ثانيا انا احترم وجهة نظرك ولكن انت لست افضل من محمد السناني شاعر خنذف يوم قال اقوى شاعر رشيد الزلامي في الوقت الحاضر ثالثا ابي اسئلك سؤال من الاقوى من بين الشعراء التالين رشيد الزلامي حبيب العازمي عبدالله الميزاني ملفي المورقي محمد المسعودي ابيك تجاوب بكل صراحة ولاتقعد تقول هذا افضل في الهجوم وهذا افضل في الدفاع رابعا يوم تقول ان رشيد يكشف المعاني مثل خصمكم في الاخرة عبدالله المسعودي وش يثبت لي وللجميع ان رشيد كاشف المعنى يمكن المعنى غير عن اللي فهموه الناس لان الناس شاكين في حاجة ماطرت على بال عاقل،، ورشيد ماهو عاجز عن دفن المعنى بحيث لايستطيع لا انا ولا انت انن نفسرة |
هههههههههه
ماقعد فيها الا موضوعي في الصوتيات ولا حد قبل عليه ...... ليتي اجلته كم يوم مادريت عن هذا الموضوع اللي اكل الاخضر واليابس .. خلاص ياشباب هدوء وصلت كل وجهات النظر وكل انسان عنده قناعة معينه ووجهة نظر تخصه فلا نحاول ان نفرض آراءنا على احد وليكن عندنا من سعة الصدر ما نتحمل به مثل هذه الآراء والصراحة اشين مافي المحاوره ان لها تآثير سلبي على عشاقها..ومتابعيها.. انا انصح اللي دخل الموضوع ماعاد يرجع عليه وخلاص نكتفي بما تقدم وكفى الله المؤمنين شر القتال |
اركد يالعارضي اركد بينت راسك للضريبه واصبر على مايجيك يومك نقصت من مكانة شاعر عملاق بحجم رشيد وحكمت على قل مستواه في المعنى بلى حجه ولابرهان وانت بهالحكم يظهر انك ماتعرف من الشعر الا اسمه مثل يوم انك نقصت من مكانة العملاق سلطان الهاجري. اقتباس:
وادعي له من قلب صادق ان الله يشفيه ويلبسه بلباس الصحه والعقل . ما ابي الموضوع يخرج عن مساره ولا الكلام عندي كثير. |
يالربع تراكم قولتوني شي ماقلته رشيد شاعر ويمتاز فالهجوم ماذميته ولا اقدر اذمه
وشليويح نعم قال اتنمي يعتزلون لاسباب كثيره صدقت وكل الخمسه اللي ذكرتهم شعار كبار وابطلع من موضوع اسوار ورشيد وحبيب ارجع لمحاورات ملفي ورشيد وشوف هل هم متكافئين فالطاروق ولاّ لا وراح تعرف الجواب من نفسك طواريقهم نار ودمار ومتكافئين بس ابوجميل يتعدا ملفي فالنظم بكثير ومدام استشهدت في شليويح انا ابستشهد فيه يقول لاجانا شاعر جديد مانعرفه مانتعرضه انا ومطلق انخلي مستور يصمصمه لين يجيب اخبره ويقول افضل شاعر عندي مطلق الثبيتي ومستور واحد يقاله معيض الحربي وقلت له رشيد قال شاعر هجومي وماقف قبيله بس يزعل هذا كلامه |
| الساعة الآن »09:27 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd