لا تحسب أميره بتزهد وتنساك = ياللي ملكت القلب يازين الأطباع
أميرتك تعشقك / تغليك / تهواك = وأنت السبب في قلب أميره ليا ضاع

والله يامير الغنادير لولاك = ماكان قلبي يحترك بين الاضلاع
ولون ماجاني ياغض النهد جاك = اركيت كبدك مثل غيرك على القاع
والشوق خيل في حناياك وابكاك = وعظيت من زود الوله روس الاصباع
دنياي راحت كلبوها في دنياك = وانت تعرف وش عاد عندي من اوضاع
على رغم ذالك عيوني تمناك = يابلسم المجروح من كل الاوجاع
وجدي على شوفك وقربك ولاماك = وجد اليتيم اللي من الوقت ملاع
جعل البنات اللي يمارنك افداك = من قرنة الروسان لرماح ونطاع
وتفداك غالية الجنايب والاملاك = اللي يوصف زينها طيب الناع
عبدالله ابن عون والزين يزهاك = يامن عليك القلب في داخلي ماع

المشاركة الأصلية كتبت بواسطة ضاوي الشيباني (المشاركة 1123568) ياسلام صح السانك أخوي طلال مبدع لاهنت

المشاركة الأصلية كتبت بواسطة نايف المغيبي (المشاركة 1123572) الاخ طلال ناشي مبدع ولك تحيتي

المشاركة الأصلية كتبت بواسطة ابن سرحان الثبيتي (المشاركة 1123822) صح السان الصوت والصدى قصيده غزليه رائعه كما هو انت يابو ناشي "

المشاركة الأصلية كتبت بواسطة الصويت الثبيتي العتيبي (المشاركة 1123848) صح السانك يابو ناشي ولاعدمناك قصيدة غزليه من النوع الثقيل تقبل مروري

المشاركة الأصلية كتبت بواسطة أبو مرحبا (المشاركة 1124142) قصيدة رائعه صح السانك ياابوناشي احترامي

المشاركة الأصلية كتبت بواسطة فهد علي العازمي (المشاركة 1124144) صح لسانك يابو ناشي