تعال يابراهيم واسمع مني//واحسب حسابك زين قبل اتغني=
وش قصة ابن الذئب وابن الجني// اللي كتبها للعرب يقراها=
اللي كتبها يالجذع يقراها=
تعال يابراهيم مافيه معذار= هات الحقيقه لا تضيع الحقيقه!!
ناساً تطبق لعبة القط والفار= يالله عساها كلها في حريقه!!

الجن يا أبن اثبيت ما أضعف ناعه=وأن شاف عين الذيب صابه راعه
والمسلم إن صلى يجر اكراعه=اللي كتبها للعرب يقراها
قرب من الدله وقرب من النار=وأخذ الك فنجالٍ يداوا الشقيقه
ترا حمام الدار لو غادر الدار=يمكن تعشاه الحرار الطليقه

المشاركة الأصلية كتبت بواسطة نوآف الغنامي (المشاركة 1137918) ههههههههههه يا سلآم سلّم صح لسانك يالعوووود مبدع وكلآمكـــ خطييييير :) بس أنت اولى ماتقول انك تنعس ؟؟ :)

العلم سده علم وانته تدري// وترى الذكي يحسب حسابه بدري=
الامر لله المقدر يجري// واللي كتبها للعرب يقراها=
واللي كتبها يالجذع يقراها=
الدله اللي مابها بن وابهار= تبا تسبب داخل الصدر ضيقه!!
كان انت فاهم فالمعاني وبيطار= وقت لها بالثانيه والدقيقه!!

اليا بدا لك علم عده عده=واشره على اللي ما يجيك برده
يا الصاحب اللي ما هرج من جده=اللي كتبها للعرب يقراها
عندك خبر لكن ضيعت الأخبار=أبو فهد ما شفت هجمت فريقه
الطايره ما جالها اليوم طيار=طيارها غايب و ورط رفيقه

العلم حولك وانت منته حوله//وتيقى صديقي لو خسرت الجوله=
لكن قل وش موقعك فالدوله// واللي كتبها للعرب يقراها=
اللي كتبها يالجذع يقراها=
غروك مخلفة الهقاوي والافكار=وانا على ماقلت عندي وثيقه!!
ترى الحذر ياخوك مارد الاقدار= والسر في قاع البحور العميقه!!

تراك مسرع والطريق مراقب=تبا تعاقب مير رحت معاقب
الكل شيطانٍ شهابٍ ثاقب=اللي كتبها للعرب يقراها

معك استشاري يحكم الراي والشار=ويعالج الوجعان بأحسن طريقه
ميز بردك وأفهمه يا أبن الأحرار=الذيب دايم صيدته ما تعيقه