المنتدى اللي فيه شجعان وقروم = عيال عم وكلهم من قبيلة
ربعٍ على الطالات ما فيهم رخوم = عتيبة الهيلا هل المستحيلة
واللي معاهم من هل الطيب محشوم = يروح ما يشكي من الربع ميلة
من روس قوم وعزوته تنطح القوم = لا ناش رأس الزند خشم الفتيلة
يا ميت النيران يا سلالة البوم = ما يستوي لك وانت ما تستويله
لا صرت من جزل التعابير محروم = لا عاد تبدي في الرجوم الطويلة
ما أنت بعلى بعض التدابير ملزوم = اللي عواقبها عليك الفشيلة
ارتح وفي ما يطلق الوجه مخدوم = الحمل يلقاله بعيرٍ يشيله
حنا رياجيل ولنا دل وسلوم = والكل منا عارفٍ وش حصيله
وقفاتنا تشهد لها الفرس والروم = اليا وقفنا بالسيوف الصقيلة
بوجيهنا نقلط ولو يكثر الحوم = وعلومنا ما تختلف كل ليلة
وانته تروج علم وعلومك علوم = خلف السناح وتدعي بالجزيلة
مرسول قومٍ تنقل الكبر والزوم = ما منك عز وعيشتك ويش هيله
ما تحمل الشرهه ولا تحمل اللوم = عميلك الدنفوس وانته عميلة
ان طعتني خلك من الشات للروم = وسولف مع نجل العيون الكحيلة
كلٍ على قده تفصل له هدوم = للشيخ بشت ولأم دندوش شيلة
إن قلت أبا عدل خطأ ما أنت معصوم = لابد تخطي يوم بأيَت وسيلة
والناس عاشت بين ظالم ومظلوم = واللي بدون إثبات وش يدعيله
وراه ما يأكل ويشبع من الدوم = ماله ومال ام الشحم والهزيلة
والرزق عند الله مقدر ومقسوم = يسعى ورزقه بذن ربه يجيله
ياراكب اللي فوقه العفش محزوم = شاصٍ مديل اخر سنتنا مديله
عليه بأمر الجمرك أرقوم وختوم = أليا نتعش بثنين يطرب عويله
أوداعة الله معك لا تطري النوم = حتى تلبق عند راع الكحيله
القاضي اللي ماقضا فم كلثوم = حلال عقد المبهمات المهيله
لون من دونه ظلاعين ورجوم = انا ردي الرابعه ماعنيله
أما يعدل ميلها من هذا اليوم = ولا مداج العوج يلقى بديله
هاظت هواجيسي وفي خاطري كوم = والهرج يكفي عن كثيره قليله
أن كان سيف الحق يالربع مثلوم = لا بارك الله في يمينٍ تشيله

المشاركة الأصلية كتبت بواسطة @ـايل (المشاركة 1140404) قصيده اتت في محلها وفي وقتها طلال ناشي صح لسانك يالقرم سجّل اعجابي وحظوري الاول .. ..

المشاركة الأصلية كتبت بواسطة محمد الحميدي (المشاركة 1140414) طلال ناشي صح لسانك على الابداع

المشاركة الأصلية كتبت بواسطة بناخي الايداء (المشاركة 1140448) الله الله الله هاذي قصيده ارض جو طلال ناشي صح لسانك علي الابداع بس ياليت توضح مناسبة القصيده تحيتي

المشاركة الأصلية كتبت بواسطة @$عريب الساس$@ (المشاركة 1140452) يستاهلون صح لسانك ياشيخ

المشاركة الأصلية كتبت بواسطة عبدالله الجـــذع (المشاركة 1142754) صح لسانك يابو رغد وماعليك زود والله لايهينك انت طيب ومايجي منك غير الطيب ننتظر جديدك محبك

المشاركة الأصلية كتبت بواسطة عـاشـق الحقـيـقـة (المشاركة 1144471) صحّ لسانك .. إن كان سيف الحق يالربـع مثلـوم لا بـارك الله فـي يميـنٍ تشيلـه بيت شامخ باذخ !

المشاركة الأصلية كتبت بواسطة محمد العتيبي (المشاركة 1145120) طلال انت رائع ياطلال .. صح لسااانك ..

المشاركة الأصلية كتبت بواسطة ابن صنهوت (المشاركة 1147236) صح لسانك يابو رررغد مبدع كعادتك

المشاركة الأصلية كتبت بواسطة فهد علي العازمي (المشاركة 1140407) صح لساااااانك لين ترضى شامخة بشمووووووخك ويستاهلون ربعنا هل الفطّر الشيب بيض الله وجهــكـ

المشاركة الأصلية كتبت بواسطة فهد رشيد الزلامي (المشاركة 1140481) صـــــ لــســانـك ــــــــــح صـــــ لــســانـك ــــــــــح صـــــ لــســانـك ــــــــــح تحياتي وإعجابي

المشاركة الأصلية كتبت بواسطة معلا إبراهيم الأسعدي (المشاركة 1140485) صح السااانك يا طلال ابداع غير مستغرب من شاعر مثك بارك الله فيك

المشاركة الأصلية كتبت بواسطة أخو جوزا (المشاركة 1140551) صح لسانك يابو بدر

المشاركة الأصلية كتبت بواسطة عبدالله عوض (المشاركة 1147268) صح لسااانك يابن ناشي عز الله انك كفوو يا ابيض الوجه تشهدلك المرجله على قصيدتك ومن قبلها تشهد فعوولك والطيب ما يستغرب من اهله يابعدي تقبل تحيتي أخوكـ / عبدالله الغضباني

المشاركة الأصلية كتبت بواسطة ابو جاسم القلاع (المشاركة 1148808) ماهي غريبه منك يابو ناشي وصح الله السانك ويستاهلون اعتيبه