يا الله يامحصي خطايا العبد في يوم الحسـاب=ياعالـم ٍ غيب الصدور اللي تكـن ادرابـهـا
يا الله يالمعبود عـفـوك طالـبـك حسـن الثواب=وانا مــازكـي مـفـردات ٍ مــايحــل انصــابهـا
ماجبت غير الطيبات اللّي يحـلـّبـهـا الـنصـاب=نوادر ٍ وقـت اللقاء تـطـلـق وجـه مـن جـابهـا
فيهـا الجـزاله ممطـره وتـفـكلي تسعين بـاب=وامشي على وضح النقاء وعن الطمان احدابها
اليا لـفـا هـاجوسهـا جتني مثل عـوج الرقـاب=اللي على صـوت المـوده زرفلت يشعـابهـا
كني اشوف اخشومها لن زرفلت مثل الحراب=واحـط وسـمي فــوق خـد الــطـيـبـه وارقـابهـا
أرقـابهـا سما سما سما سمـا مـثـل العـقـاب=اللي على الجـزله كـفـخ من سـطـوته عـلابهـا
بحضوركم جـــزل الـفــرايـد تنحني لي فالخطـاب=واشـد بيت المفـرده بوتادها واطنابهـا
الشعر ديوان العرب منذ القدم والجـزل طـاب=بين الرجـال اللي على الجـزله تحـث اركابهـا
يامرحـبا باللي حـضـرفي حفلنا شيّب وشباب=يامــرحــبـا بالـعـــزوه اللي عـانـيـه لّـقـــرابهـا
يامرحـبـا ترحيبة ٍ تطلع على متن السحـاب=عند الرجـال اهـل الوفـا اللي مايـسـكـر بابهـا
الضـيـف يـلـقـى عـنـدنا من كـل مالـذ وطاب=الّبن الأشـقـر والـشـحـم والعود نـفح اطـيـابهـا
أساعده تاريخنا معروف ترويض الـصعـاب=تاريخـنـا يـشـهــد لـنـا والـنـار مــن شــبـابـهـا
من روس روق أهـل الوفا اللي كل مارد الجواب=قالـوا نعــم باهـل نعم والاد روق أولابـهـا
شــرابة الفنجال في وقت الحرايـب والطـلاب=الـقـسـم مـن راس الـسنـام ولارضيـنـا الابـهـا
ربعي هل النوماس والطالات ستر ام الخضاب=على ســلـُوم أجـــدادنـا والـطيـبه نشـقــابـهـا
برقا وروق أهل الكرم والعرف والعلم الصـواب=ربعي عـتـيـبـه حافـظـه مــوروثها وانسـابـهـا
حنا قـبـيـلـه فـالـمـواقــف لانــذلّ ولانـهــاب=قـبـيـلـة ٍ وســط الجــزيـره عــز مـن يلجـابـهـا
أسهـومـنا وقت اللقاء تارد مـثـل شـلـفـا ذياب=شلفا ذيـاب اللي يـوقـع بـاللحـم مـضـارابهـا
سقم المعادي للعدى لن صار بالدعوى حراب=ياكـم مــن شـيــخ ٍ تـقـصّــر لحيته واشـنابـهـا
من دون قاصر بـالقبائل والقبائل في رحـاب=عاشت رغـد بالـمـمـلكـه والـمـمـلـكـه تزهـابهـا
أخـوان صرنا عقب ماكانت تـناحر واكتـئـاب=اليوم في حكـم الـسـعــود وكـلـنا نحـضـابـهـا
فـي طـاعَة الْلَّه ثـم طـاعـة سَيِّدِي عال الْجَنَاب=حَنـا خـــدَم لـلـمــمـلـكـه وَنـــذَوْد دُوْن تــرَابهـا
في ضــل ابـو متعب على سنة محمد والكتاب=نمشـي على الـسـنـه ولانرضـى بغـيـر اكتابهـا
الله يـردك للوطـن يـاسـيـدي بعــد الغـيـاب=لجـل العـيـون الســاهـره تسعـد بشوف أحبابهـا
وختامهـا صلوا على شفيعـنا يــوم الـحـســاب= شـفـيعـنـا يـوم الحـشــر فـي سـاعــة ٍ نحـيـابهـا

المشاركة الأصلية كتبت بواسطة عبدالله بن صلهام (المشاركة 1156555) أسـاعــده تاريـخـنـا مـعــروف تـرويــض الـصـعــاب كفو يا من تعليت بالقاف فوق متن السحاب صح لسانك يامعلا قصيده وافيه

المشاركة الأصلية كتبت بواسطة عناد الشيباني (المشاركة 1156886) معلا صح الساااااااانك مبدع دائما