ياراكب اللي يهيض صوت ماطوره=صوت المغني ليا دقت مزاميره
اما خلف فالزمان اللي قضى دوره=ولا المعنى ليا قامت جماهيره
جمس مريكي عليه الناس مسحوره=قول العطاوي وتوصيفه وتقريره
وبعده سعد شاعر اكلب وضح الصوره=وعبدالمعين الفحل ترجم لها سيره
وأنا بعد هاضني والنفس ماموره=وغنيت من هيض لاهمن ولاحيره
فوقه غلامن شجيع ومحكمن شوره=والمزهب الكيف والدخان والبيره
ومشعاب سمره وابو عطفه وماصوره=لمضايقات الطريق وقلة الخيره
مسراحه الفجر لامنه سطع نوره=غطا سنا النور لاقامت معاصيره
من دار عودن على توصيف اخو نوره=اللي حمى الدار والمقدار والجيره
اسعود ابن وازع اللي بارزن دوره=في كل علم ثمين وضافي ن خيره
وملفاه قرمن له الرايات منشوره=ابو مناسيب لابعده ولا غيره
تلقى حلالن على الطالات معموره=في مجلسن مايشوف الضيف تقصيره
غار الكرم والبشاشه كثرت احضوره=من كل الأقطاب حي الله مساييره
قدامهم حاتمين طالت اشبوره=امحمد اللي رفع شانه وتقديره
طيبه ومجناه واسلوبه ودستوره=وشاعر وطن علم اهل الحسد والغيره
للعلم الأول محبينه وجمهوره=من جد مالي هدف واحب تمريره
ومجامل الناس مدري ويش منظوره=لاقال له علم ماحدن شاف تأثيره
قل عندنا لغز والرمعات محذوره=واللغز مايتعب الشعار تفسيره
ياويش رجلن وراه ارزاق مستوره=يسلب وينهب ولا تنقص دنانيره
اللي يبا الفايده يبرك تحت زوره=ماتنقص المستفيد ولابها عيره
اليا رضي في ذراه الناس مسروره=واليا غضب شدد السكان والديره
يشيل حمل الجبال ولاشكى جوره=واليا ركض تتعب العالم مشاويره
من ماضي الوقت له وقعات مشهوره=سبحان من دبره في حكم تدبيره

الرد من محمد غازي النخيش :

ياحي جمسً تناغم دورة اسيوره=يشوق راع الهوى ويسوق تعبيره
حيه وياحي محموله ومذخوره=جذبني الصوت ساعة جت مداويره
وبعد الدريول خذ الواجب ومقروره=وأعطاني أمانته وأنكف بتدويره
وأنا تلقيت جزل الشعر وندوره=وعديت أجاباتها من عقب تكبيره
لكن قم يالنديب بحق مسبوره=من فوق جيبً يشد العقل تنويره
من مقدمه للقفا يجذبك ديكوره =يروم درب الوعر من قبل تيسيره
سواقه اللي طموحه يلغي اثبوره=لو تكثر أهل الحسد مايلحقه ضيره
ممشاه من دار عودً معتلن سوره=محمد ولد زايد اللي دام توقيره
ولامات من بعد خلف داخل اوكوره=حرار قومن تشب الضو والنيره
في ظل حكامنا اللي تلغي البوره=مادام قانونها القرآن والسيره
وملفاه راعي حلالً مالها جوره=رجلً يضم العلوم بدون تكريره
حمدان حمدان نسل حويد وجبوره=اللي لهم بالبنان الحر تأشيره
حلو النبا والفعول البيض مذروره=للضيف والفعل معروفً بتشميره
قومن تجيب النقا والطيب من فوره=وحمدان بخصالهم هذي مداخيره
قله ترى الغاليه بالخير مذكوره=يومن رد البرا مافيه تشفيره
حمدان لغزك وصل والحال ميسوره=والمعرفه نور يجلا كل تقتيره
باب اﻷدب يجذب اﻷلباب مظهوره=لاقام يلمع وكلً هدله طيره
البحر كنه اكتابن نغلي اسطوره=جواب لغزً امتكتك من محاضيره
مواقفه ترهب اللي سار بابوره=ياكم وطن من سطو غاب بحذافيره
واللي عرف غبته مع كامل شعوره=يغوص تحته بمعرفته وتفكيره
ويصف درً لقاه بغبة ابحوره=صفة دلالً صفر تكمل بتبهيره
ماخاف من غدره اللي بانت انذوره =لو للخطر فيه والغبات تنذيره
تعيش عالم على خيره ومدروره=وتحوف من فضل ربي من مداريره

المشاركة الأصلية كتبت بواسطة بندر المرشدي (المشاركة 1163591) محمد صح لسااااانك ولسااااان حمدان تقبل تحياتي

المشاركة الأصلية كتبت بواسطة نواف الشيباني (المشاركة 1163609) ياسلااااااااااااام صح الساااااان الشاعر حمدان وصح الساااااااانك يابو غااازي تحيااااتي

المشاركة الأصلية كتبت بواسطة مرزوق حمدان العتيبي (المشاركة 1163661) .. . صوت وصدى امتلأ بالجزاله صح لسان حمدان وصح لسانكــ يابو غازي.. تقبل ودي وتقديري...

المشاركة الأصلية كتبت بواسطة -فواز النفيعي- (المشاركة 1163680) صح لسان حمدان وصح لسانك يا محمد

المشاركة الأصلية كتبت بواسطة زياد المزرمي (المشاركة 1163683) الله الله صح اللسانك الشاعر / حمدان العضياني شاعر جزل بمعنى الكلمه ,, ابيات جعلتني ابحث عنه وصح اللسانك يابو غازي شاعر جزل ومبدع ,, صدى يشفي المكنون يالغالي لله درركم مبدعين خالص التقدير

المشاركة الأصلية كتبت بواسطة المـرشدي (المشاركة 1163861) ياسلااااااااااااام صح الساااااان الشاعر حمدان وصح الساااااااانك يابو غااازي تحيااااتي

المشاركة الأصلية كتبت بواسطة سلطان طلحة (المشاركة 1164119) صحت السنتكم مجاراة رائعه

المشاركة الأصلية كتبت بواسطة علي أبوثنتين (المشاركة 1164232) صح السان الشاعر حمدان ،،، وصح الله السانك يا النخيش ،،،

المشاركة الأصلية كتبت بواسطة فايز بن سرحان الثبيتي (المشاركة 1164666) ياسلاااام صحت السنتكم واقلوبكم " جزاله وسبك عالية المستوى حمدان العضياني \ محمد بن غازي كفيتوا ووفيتوا "

المشاركة الأصلية كتبت بواسطة حاكم الغنامي (المشاركة 1164797) صوت وصدى نخبوووووي صحت السنتكم ولاهنتم

المشاركة الأصلية كتبت بواسطة حاكم الغنامي (المشاركة 1164797) صوت وصدى نخبوووووي صحت السنتكم ولاهنتم