تكفون يالروقة ورى ذكركم مااااااااااااااااااااااات
 

السلام عليكم ورحمه الله

يشرفني اني اشارككم في هذا المنتدى الغالي لما يحملة من اسم غالي علينا

وهذا موضوعي الأول

هناك مطلع قصيدة مشهور قيلت وتضاربت الروايات في من قالها

والي يقول مطلعها

تكفون ياروقه ورى ذكركم مات****** وانتم ثمان الحام غير العطاوي
قعدت في حوش البقر للموهنات****** مـــكتوب ولا ما عليــــا دعاوي

فمن قائل هذه القصيدة؟؟
وماهي المناسبه؟؟؟

ذكرنا ابشرك مامات ولا راح يموت بمشئت رب السموات .
حنا صيتنا معروف على وقت سلايل جدان الاولى وإلى الحين .................................................. .................................................. ...............وازيدك من الشعر بيت اخذين حقنا دبل في كل مكان .

اخي الكريم مرزوق المغيري

اتمنى التقيد بشروط المنتدى وعدم التطرق الى الكلمات الهابطه والترفع عن هذه الاشياء .

تحياتي

اخوك

النويري

مرزوق المغيري

هلا اخوي

الظاهر انك فاهم الموضوع خطأ

أخوي عاصي
أخوي مرزوق المغيري
القصيده يقال أنها للشاعر ثعيل السميري عندما كان في سجن الشريف
ولكم كل الشكر

عاصي حياك الله مرزوق الرجال ماخطا لكن انت ظني انك ماقريت الموضوع زين والغلطات هذي تتكرر
واعذره ياخوي عاصي
اما سؤالك فكما قال اخونا السويلم
وشكرا تـــحـــيـــاتي

السويلم
شكرا اخوي على المشاركة بس هل تعرف القصة كاملة لسجنه واطلاق سراحة

الكرناف ماينعاف

شكرا على المشاركة
واختلاف الرأي لا يفسد للموضوع قضيه:)

رائع يالسويلم ..
واتمنى ان لانستعجل في الرد .. ولاننسى ان الشعراء احيانا يتجاوزون الخطوط الحمراء وجميعكم يذكر الشاعر الفحل بندر بن سرور الروقي وماذا قال عن الروقه وهو في نوبة غضب ...
تحياتي

الاخ المغيري عاصي نشد عن القائل وعن الناسبه
ولم ينسبها لنفسه او غيره اذا كان عندك معلومه افد نا
تحياتي

اخوي الروقة شمس شارقة ولن تغيب .........

(
برقاوي)

ونعم بالاد روق مرجحة الموازين

اخوي عاصي بانتظار من يفيدك ويفيدنا

تحياتي

من يعرف القصيده وقائلها لا يبخل علينا
حنا الاد روق متيعين المعاشير

قريباً القصه كامله

ياجماعة وراكم قمتوا على بعضكم العلم عندي
القصيدة قالها ثعيل بن رابح السميري وهو بالسجن مرسلها مع واح ويقول

يالله يامعطي العطايا الجزيلات عطني على قد النحى والهقاوي

وفرج لعبدن يسهر الليل مابات مسجون مخذول غريب ن جلاوي

إلى ان قال

تكفون يالروقة ورى حيكم مات ونتم ثماني بدود وايضا العطاوي

تبصروا وخذوا الدعاوي بحيلات قوموا ترى طب البلاوي بلاوي

رجال طب ن للكبود العليلات للجرح اخير من الطبيب المداوي

لاتحضرني القصيدة كاملة رواها لي ابن الشاعر


ولاكن الشاعر لم يسب الروقة مثل ماظن بعض الاخوان بالمعنا الصحيح (ينخا الروقة)

ورى حيكم مات وليس ذكركم



تحياتي ياعيال عمي

هذه القصيده للشاعر ثعيل بن رابح السميرى

مناسبه القصيده سجن ثعيل من قبل الشريف ورد القصيده لطلب مد يد العون من الروقه
واطلاق سراحه هذه المناسبه ويليكم القصيده





يالله يامعط العطايا الجزيلات = عطنا على قد النحا والهقاوى

وفرج لعبد يسهر الليل مابات = مهموم مسجون غريب جلاوى

مسجون فى شط البحر بالمهونات = مكتوب والله ماعليان دعاوى

ولاانى براعى للعلوم الرديات = مير اعطبونى بالقلم والشكاوى

ومن بعدها ياراكبا فوق عيرات = حراير مافوقها الاعراوى

حراير من نسل جيش الشرارات = بنات حرا مع فريق اللحاوى

قطم الفخوذ ولطلب مستعدات = ماصلفقوها فى حماها الشواوى

مسراحها من عندنا الصبح عجلات = مثل القطا اللى لبعد الدار ناوى

يمشن خبت عن الجبال الحفيات = ينصن مكه والقرى والمشاوى

ينصن حى منهم الكتب ماجات = وانا من اول فى رجاهم شفاوى

اهل البيوت اللى على خمس قطبات = الاد روق مشرعين القهاوى

تكفون ياروقه وراء حيكم مات = ونتم ثمان الحام غير العطاوى

تبصرو وخذو الدعاوى بحيلات = وعرف تراء طب البلاوى بلاوى

رجال طب ن للكبود العليلات = للجرح اخير من الطبيب المداوي




تسلم ياذيب السبايا والله لايهينك

اما الشريف عز الله انه كان يقهر الريجيل با السجن ونا جدي الثالث موبص الثامري سجنه الشريف في السجن لين مات لانه كان يسرق والسرق من اول شرف لان الرجال كان يسرق لربعه فكان الشريف حاط جايزه عشرة الاف ريال فرنسي للي يجيب موبص حي ولا ميت وبعد مده درو انه جا وراحو الاذناب تكرمون وعلمو الشريف
ومسكوه في السوق من خلاف ولا مداه يمسك القديمي اللي متحيزمه وقال والله لونكم جاييني من وجهي والله مايبقى منكم احد قالو حنا خابرين يا موبص وسجنوه وحلف الشريف انه مايطلع وفيه شريف يمشي على وجه الا رض وعزمو النفعه الشريف كلهم مابقى نفيعي ولا عتيبي الا توسط لكن الشريف عيا ومات الله يرحمه في السجن با لجدري يقولون والله انه يوم مات انا شايلينه والدود يمش في جسمه

الله يرحمه ويرحم الرقي كذلك اللي كان مسجون اما الا د روق ذكرهم مايموت الر يوم الدين ودمتم

ابن الـــــــــــــــــــــــــــدلوح