ماقاعدن صره وفاالبيت حره = واهم شي الي يسل المسايير
ماخافين لي منك مثقال ذره = اعرفك مبطي من عصر سالم الزير
وأهتلت في كل مهبولن تجره = منبوز بدين لامكينه ولاقير
ماهوب ظلعن مرسين ما تفره = صوك الهبايب مثل قمة شمنصير
ولاعاد تقدر تاخذ الناس غره = يابوشنب مهما تدير التفاكير
ولامشي على ساقتك مهما تشره = لين العلم يمشي على ساقة النير
ولاني بمن يبدي على الناس سره = لونها فيها وجيهن مسافير
والي يعرف الوقت كره وفره = يظرب حساب المقبلات المدابير
تشفق على برده لياء ونست حره = وتشفق على حره ليال الزمهرير
ويفر دولابه وخلى مقره = لونه الك اليوم بكره مع الغير
وتراء الرفيق الي مكافيك شره = يسواء الرفيق الي يمانيك باالخير
ابيض وجه لوما غمرك بمسره = لاكن يمكن مايجي منه تقصير
وان جاك وقت البر يلزمك بره = ليا صار مالك من رفيقك معاذير
وصبرن على بعض الاوادم مظره = ماينصبر ف أرضه مثل نافخ الكير
يهف ويغبر على الي يمره = وجهن غبر والي يديره مغابير
تظيقبك منه سعة البال مره = وتروح قوطي ببس لونك بعير
في وقتن اوظاعه مهي مستقره = خلى وسيعين البنايد قوارير
والليث خرف والفهد جاب هره = والكلب ظيف والحصاني خطاطير
يالربع محدن شاف ل الذيب جره = يالله في يومن يجي ذيبه مغير
لين السمانا في يدينه الدره = والحر ترفغه المسابيق ويطير
ياصاحبي لون ف البحردره = جهزت له مبطي جيوشن مغاوير
والله معاين في نجوم المجره = لين السحايب تنثر الما شخاتير
وليا مشيت اطق ثوبي وازره = على شعر صدري عن اهل النواظير
يوم العوالي ياخذون المدره = على وجيه عسوسهم والمداوير
والكايده ل الناس حلوه ومره = ولاينشد عنها خبير الخوابير
ونجبت ل النشاد علمن يسره = عساك سالم يازبون المخاسير
وقافن بنيته ف ابن عمي مقره = باسمه واوصفه عند كل الشواعير
والشعر قدام ان علمك تشره = انشد عنه نقاد والابيالطير
تراء العرب ماتنوخذ في مغره = للقول نقد وللقوافي صواخير

المشاركة الأصلية كتبت بواسطة خنجر الدهاسين (المشاركة 1179327) والله انك قرم ياراعي الزرقا صح لسانك

المشاركة الأصلية كتبت بواسطة محمد الذيابي (المشاركة 1179328) صح لســـــــــــانك

المشاركة الأصلية كتبت بواسطة عبدالرحمن الـعتيبي (المشاركة 1179349) صح لسانك ماشاء الله عليك ابيات جميلة وربي يوفقك ان شاء الله وبكل صراحة قصايدك تعجبني بالتوفيق

المشاركة الأصلية كتبت بواسطة محمد العازمي20 (المشاركة 1179351) ابيات جميلة وصح لسناك ياراعي الزرقاء

المشاركة الأصلية كتبت بواسطة المفتش (المشاركة 1251528) والله معاين في نجوم المجره لان السحايب تنثر الماء شخاتير اقول صح لسانك ولاعدمت بنات افكارك النيره يالعملاق بحق انك العملاق

المشاركة الأصلية كتبت بواسطة حمود بن خيشوم العصيمي (المشاركة 1251541) صح لسانك ما أجمل ما نظمت تحياتي

المشاركة الأصلية كتبت بواسطة سالم الدلبحي (المشاركة 1251664) صح لسانك لكن يافيصل عندما قلت لين العلم يمشي على ساقة النبير هل الجبل يمشا على ساقته وهو جماد ثابت يالا العجب

المشاركة الأصلية كتبت بواسطة عايض جزاء العصيمي (المشاركة 1251672) صح لسانك قصيدة رائعه تقبل مروري وخالص تحياتي

المشاركة الأصلية كتبت بواسطة عناد الشيباني (المشاركة 1251675) صح السااانك مبدع ولايستغرب الابداااع منك وتعيقب على رد الاخ العزيز سالم الدلبحي الشاعر فيصل يعلم ان الجبل مايمشي وهذا هو المطلوب لانه مقصده انه ماهو ماشي ورااااه لين يمشي ظلع العلم ورى النير وهذا الشي مهوب صاير الا بارادة الله تحياتي

المشاركة الأصلية كتبت بواسطة متابع ^_^ (المشاركة 1251721) وصبـرن علـى بـعـض الاوادم مـظـره ماينصبر ف أرضه مثل نافخ الكيـر يــهــف ويـغـبــر عــلـــى الـــــي يــمـــره وجـهـن غـبــر والـــي يـديــره مغـابـيـر تظـيـقـبـك مــنــه ســعــة الــبــال مــــره وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر وتــروح قـوطـي بـبــس لـونــك بـعـيـر صح الله لسانك والله يابو مطر اشهد بالله ان بعض الناس يخلي الواحد ببسي :) انت مبدع :)لآلآلآخر قطره 000 ابو مطر عندك مشكله مع حرف الضاد والظا هناك خلط ياليت تاخذ لك لفه على قوقل لترى الفرق بينهما حتى لا يشوه هذا الخطاء الاملائي ابداعاتك