رفيقي اللي ما يجملني ليا ضاق الطريق = واضحيت أشيل هموم بقعاء كلبوها من عناي
في ذمتي لأشطب تلفونه ولا عاده رفيق = وان كانني دقيت جواله عسى يقطع رجاي
مالي بخوة خاطر من علمي الطيب يضيق = يكنّ في داخله شيّ ما يقرّب له مداي
يضحك لي بسنّه ومشواره مع الضّحكة عريق = والغبن يسري في عروقه والحسد رايح وجاي
احصّله متصدّر المجلس ليا جيت الفريق = وان شافني قام يتلبّب لي ويظهر لي غلاي
والمشكله لامن عطيت الباب ما يمدي أويق = من طيب راسه قام يشذبني ويطعن في قفاي
تقول لامن جاتني النعمة توفّا له شقيق = همّه يعيّن زلة من خطوتي ولا حكاي
ما يدري اني ما حسبته فاق ولا ما يفيق = لكن انا معطيه كرت احمر .. وكلمة باي باي
ماني بقايل له ترا كلمتك هاذي ما تليق = ولاهو بسامع من لساني كلمه ووجهه وراي
أشووم عن مثله ولامن جيت اولعها حريق = ذكرت وشني في عيون الناس وش هو مستواي
وان كان ما عيّنت غيره في هذ الدنيا صديق = والله لأبقى طول عمري من خلايه في خلاي
ألقى بداله قرم .. له فالقمة العليا بريق = حرّ يلبي لي ليا احتجته قبل يسمع نداي
صداقة على النقا والطيب والساس الوثيق = وحفظ المروه والعنوه من وفاه ومن وفاي
ادراه وارفع قالته لانه كما الاخ الشقيق = وهو يساعدني على الشدات ويعزّز بناي
انومسه ولا اتسمع في جنابه خيق بيق = واسعى لكسب رضاه .. وهو يجتلد يبغى رضاي
كذا كذا طعم الرفق ولاّ بلاش من الرّفيق = والله يسلّم ساعة الشّدّة تبيّن لي اصدقاي !!

المشاركة الأصلية كتبت بواسطة فهد الشيباني (المشاركة 1186556) ياسلام يارايد صح السانك وعز الله انك صدقت لافض فووك ..

المشاركة الأصلية كتبت بواسطة فهد الزهراني (المشاركة 1186561) صدقت يارائد صح لسانك وفكرك .. مبدع في كل احوالك

المشاركة الأصلية كتبت بواسطة عبدالرحمن الـعتيبي (المشاركة 1186620) صح لسانك والله صدقت يارائد بالتوفيق

المشاركة الأصلية كتبت بواسطة محمد الذيابي (المشاركة 1186672) صح لسانك يارائد جزله من شاعر جزل

المشاركة الأصلية كتبت بواسطة محمد ابن رووق (المشاركة 1187312) تقول لامن جاتني النعمة توفّا له شقيق همّه يعيّن زلة من خطوتي ولا حكاي الله الله رايد الكيرعاني صغير سن كبير عقل

المشاركة الأصلية كتبت بواسطة فهد علي العازمي (المشاركة 1187342) صح لساااااااااااااانك يارايد جزله يالغااااااااالي