انــــــت ياعا يــــــض !!!!
 

محاوره انتهت قبل قليل
بيني وبين الشاعر المبدع عايض الحبابي
في احد المنتديات ..... الكبيره ...
حبيت انقلها اليكم ...
حيث انها نالت اقبال كثير من الردود جاوز 7 صفحات...
..
مرزوق العتيبي:)

	انت ياعايض كلام الزور ماتترك سبيله = كل ماخلصت لك كذبه تجيب اللي بعدها لاحصل لك واحد ٍ يهرج وماقدم دليله = لاتضيّع معه وقتك واعرفه رايح بيدها

	عايض الحبابي كلّ ماجيت أقنعك ياصاحبي بأية وسيله = ماتصدّق غير نفسك .. لو بلاها ..أمرّ وأدها .!! أما أنا ماقلت غير الصدق وعلوم (ن) جزيله = والحقايق ياوسيع المعرفه عندي سندها

	قمت تجمع لك كلام ٍ مايسرّك في حصيله = من يدوّر للحقيقه عند عايض ماوجدها انت تعرفني مادوّر للنطيحه والهزيله = وان نطحت القوم باكبر يوم ما انشد كم عددها

	رأيك لنفسك وأنا ماهمّــني عدله وميـــــــله = نظرتي قدّام واطْموحي ما ماتت في مهــــدها .! ليش يامرزوق مدحك دايم لنفسك تكــــــيله ؟ = وأنت.. أعرفك لاحتمى الميقاف تبلش في عقدها

	ادري انّه يزعلك طيبي ولا في يديك حيله = كيف يرضى الطيبّه شخص ٍ مع العالم فقدها زاد حملك يالحبابي وانت ماتقدر تشيله = والمخايل فوق راسك دوب مادندن رعدها

	طيبتك يمكن يغيرها الزمن في ظرف ليله .! = والرجال الغانمه توصل مناها ..من جهدها . الحمل حملك .. وأنا ناري تولع في الفتيله = وأنت مثل اللي جروحه من تحت ثوبه جحدها

	ياكثر جمح الحبابي من نثيله في نثيله = اجمحانه بالسهل ولاّ الطويله ماصعدها يحسب ان الكذب يبني مجد ويحقق فضيله = ما درى ان الكلمه اللي قالها كلّ ٍ نقدها

	أبك ..أنا اللي دون ربعه واقف ويشفي غليــــله = آرد الجمــــــّه وغيري مات ضامي ماوردها .! عزّتي للّي عزومه مثل عزمك عزّتيـــــــله = لو بأحسّب كل كذبه قلتها مأحصي عـــددها

	ماتكلمت بخطيّه ماتعرضت لقبيله = اقمع الرجال في خشمه واحطه في لحدها يالحبابي منت قادر للعلوم المستحيله = ليت هاك العود خلاّ الليله اللي مارقدها

	أفتخر بأفعال ربعي لعنبو النفس الذلــيله = لو ركون أبيوتكم من صلب ماطاحت عمدهــــا .! أبك أبوي مخلّف (ن) شيهاااان ماخلّف فشيـــله = وأنت ليت أمّك هذَاك الليل ماجابت ولــدها

	افتخر با افعال ربعك بالمواثيق الاصيله = لاتزودها على غير القدا بالصدق زدها انت بك عاده خطيره في عوايدهـم دخيله = كل واحد يفهم التاريخ بعيونه شهدها

	قلت لك .. مار (المتــنــّح) والله أن مافيه حيله = الهروج العوج والبهتان .. ماني معتمدها عادتي .. من سوّلت له نفسه بقحْطان ..ويـــله ؟؟ = يبشر بضربة مهند عاجله ما طال امدها

صح لسانك ياعايض...
....

مرزووووق العتيبي عايض الحبابي

محاورة ممتعه

لاهنتم

يالنشاما

...
وانت لاهنت يافتى العتبااان..
...
الف شكر لك على حضورك ...

بيض الله
وجهك يا الأجودي

شكرا

محاوره جميله

عايض ومرزوق شعراء يستحقون المتابعه

شعراء كباااااااااار

مشكور يا مرزوق على وضع هذه المحاوره هنا

الله الله
محاوره من النوع الثقيل
شعراء كبار وطاروق جميل يستحق المتابعه
لا هنتو وصحت السنتكم

...
هلا ياولد عوجان
اشكرك على تسجيل كلماتك..
كل الشكر ....

محاوره بين شاعرين غنيين عن التعريف
ومعاني جزله وفتل ونقض

سجلوني من اول المعجبين
تقبلوا تحياتي

...
هلابكم جميعاا..
اسعدني تواجــــدكم وتسجيل انطباعكم..
ماعليــــكم زود ونعدكم بالاجــــمل..
تحياتي

مرزوق

والله ممتعة المحاوره

وصح لساانك وصح لسان الحبابي

وشكرا لنقلك كل ماهو رائع

وتقبل

تحياااااااتي

...

..

صح بدنك ياخلف مرزوق..
شرفتنا لاعدمتك ..
كل الود ..

يعطيكم العافيه مرزوق والحبابي


طاب فالك يامرزوق العتيبي

زاد حملك يالحبابي وانت ماتقـدر تشيله ???**والمخايل فوق راسك دوب مادندن رعدهـا
************************************************** **********************
الحمل حملك .. وأنا ناري تولع فـي الفتيلـه**وأنت مثل اللي جروحه من تحت ثوبه جحدها


والله محاورة رائعه من روعة شعاااااااااارها
يا سلام يا مرزوق ويا سلام يالحبابي
مرزوق " فتل قوي"
الحبابي " نقض شرس"


استمتعت بقراءتها بصراحه

...
تسلم يابـــو علي
الشرف لي طـــال عمرك .
تحياتي

..
اخطار برقاوي
الله انه يعاافيــــك ..
تحياتي

...
المسرّي الله لايهينك
على اقتباسك وتعليقك الرائع
كل الشكر لاعدمتك ..
تحياتي