1-ياسلام الله عليكم ياهل الحفله سلامي =وياسلام الله على الاصحاب ورجال القبيله
2-والسلام لمن حضر من دون تحديد الاسامي=في محل اهل الكرم والطيب واصحاب الجميله
3-جيتكم من كشب عاني يارفيعين المقامي=وانتم اللي لادعى الداعي نجيه وينعنيله
4-الهدف معروف والغايه نبارك للقطامي=ابن حرومن سمع عن حفلته لازم يجيله
5-العرب جتله من اقصى الدار حشمه واحترامي=غطرفيله ياعنيزه لوسمحتي غطرفيله
6-من سلالة قوم يوم الحرب من شرقن وشامي=يشعلون النار والبارود في خشم الفتيله
7-يوم ضرب السيف فوق الروس في الميدان حامي=فعلهم مخبور والحجه تثبت بالدليله
8-مثل فعلك يارشيد اللي عليه الحظ قامي=انشدو عنه المكان المعتبر ضلع ومسيله
9-وانشدوا شباب ابن فايح وروحوللزلامي=وان بغيتوا تنشدون الهرس ينعشكم صهيله
10-الرواه اللي يعرفون الصدوق من الحرامي=الحرامي للتووبه ماقدريخلي سبيله
11-الكلام اللي اقوله يالربع ماهو كلامي=قول ناس وفعل قومً ماتهاب المستحيله
12-ان ذكرت امجادهم والله مايحلقني ملامي=افتخر بافعالهم وارقى بها راس الطويله
13-فيه مخً فالدماغ وفيه مخً فالعظامي =كيف مافخر في رجال العلم واصحاب الفضيله
14-الحقايق واضحه والنور جلاي الظلامي=ومن يغط النور رجلن يعتبر نقص وفشيله
15-ولاانا لاقلتها من دون احرم من حزامي=والله اني للطم العايل وضده ورتكيله
16-يافهد يابن رحيم يالكريم ابن الكرامي=بارك الله فالاصيل وبارك الله فالاصيله
17-انت جدك يافهد ياجعل خده لرحامي=دون ربعه مايهاب الكايده لوهي ثقيله
18كم عطت يمناه مال وكم سقى من كبد ظامي=والله انه يطلق المسجون ويخلص عميله
19-وانت ابوك مكرم الضيفان والرجل العصامي=يكرم الضيفان والجيران ويزبن دخيله
20وكل عمانك وسبع انعام في وقت الزحامي=السطر في رووسهم والدين واليمنا طويله
21-وانته انسابك هل الوقفات والربع الحشامي=من يكيل الصاع يلقا واحد مثله يكيله
22-يوم وقت القوم والشجعان تعرف بالمرامي=ينقلون المارتين وينقلون المستطيله
23-والدخيل ليازبنهم والله انه مايظامي=دونه اللي فيه حيل ودونه اللي فيه حيله
24-لين ساد الامن والقران دستور النظامي=تحت حكم الدوله اللي للحقوق امست كفيله
25-ظلها ضافي علينا كل يوم وكل عامي=احمد الله وشكره في كل لحظه وانحني له
26-يافهد نبا نختمها على احلامايرامي=الله انه يسعدك في كل يوم وكل لليله

المشاركة الأصلية كتبت بواسطة مرزوق حمدان العتيبي (المشاركة 1195510) .. . رائعه بروعة شاعرها تستحق التثبيت ... صح الله لسانك ياعبدالله وعزالله تجمل ماقفكـ اخوك ..

المشاركة الأصلية كتبت بواسطة أبن حشيان (المشاركة 1195516) عبد الله صح لسان قايلها سوى انت او غيرك المفروض توضح قايل القصيدة بمقدمه توضيحيه الله لايهينك يالغالي

المشاركة الأصلية كتبت بواسطة فهد العازمي العتيبي (المشاركة 1195551) .. صح لسانك ولاهنت قصيده جزله ورائعه ،،،

المشاركة الأصلية كتبت بواسطة أبن حشيان (المشاركة 1195516) عبد الله صح لسان قايلها سوى انت او غيرك المفروض توضح قايل القصيدة بمقدمه توضيحيه الله لايهينك يالغالي

المشاركة الأصلية كتبت بواسطة أبن حشيان (المشاركة 1195516) عبد الله صح لسان قايلها سوى انت او غيرك المفروض توضح قايل القصيدة بمقدمه توضيحيه الله لايهينك يالغالي

المشاركة الأصلية كتبت بواسطة مرزوق حمدان العتيبي (المشاركة 1195510) .. . رائعه بروعة شاعرها تستحق التثبيت ... صح الله لسانك ياعبدالله وعزالله تجمل ماقفكـ اخوك ..

المشاركة الأصلية كتبت بواسطة قرنــاس الصبيحي (المشاركة 1195555) صح لسانك وقصيده جزله من شاعر جزل تحيااااااااااااااااااااتي لك

المشاركة الأصلية كتبت بواسطة الجوراسي (المشاركة 1196295) عبدالله بن قطنان العضياني العتيبي شاعر علم صاحب مفردة جميلة وبيوت نادرة يتفرد باسلوبه بين كل الشعراء عرفته بحر ملي بالآلي والدرر تقرأ قصيدة في حب القبيلة وتقول انه لايجيد الا ذلك ولكن عندما تقرا اغراض الشعر الاخرى تجده اقوى واكثر تمرسا يملك حنجرة ذهبية ويجيد النظم والمحاورة ارجو من الادارة احتواء مثل تلك الموهبه ومع الايام ستتاكدون من صحة مااقول تحياتي

المشاركة الأصلية كتبت بواسطة محمد العضياني (المشاركة 1201772) ابو فهد وش نقووول بس بيض الله وجهك وصح قلبك ملايين ولا تكفي

المشاركة الأصلية كتبت بواسطة فايز بن سرحان الثبيتي (المشاركة 1202853) صح لسانك يالقوبع وافي ووفيت .... متابعين لجديدك هنا