ياراكب اللي جديد ومشترى توه=الموتر اللي عليه العين شفقانه
شاص(ن)جزيل القوافي فيه محلوه=في ذمتي لاصخر القيفان من شانه
وصفه مثل وقفت الحاكم على قوه=وباقي المواتر وزانه مثل صبيانه
لون المخاييل لونه حزت عشوه=والبرق مشيوف فوق اطراف بيبانه
غمارته تعجب اللي مختلف جوه=لافك بابه سلامي فوق سكانه
وان دق سلفه مثل ماترعد النوه=ودك تهلل وترج الله سبحانه
صوت المكينه سوات مذيع(ن)ينوه=ولا مثل مصرفه بالنقد مليانه
وليا عطيته ثنين وصابك حموه=تقول يقرى انقليزي صوت شكمانه
يكفخ من العزم كن القاع متشوه=لاجيت خلفه تقول طيار شيهانه
لاثار عجه وصيج واشتغل ضوه=يوصل غريب الوطن ربعه وخلانه
واليا عرض مشيته من شافه يتوه=بنت(ن)تغنج وشبه الوصف كالدانه
تعشق سليل الزعامه لنه مفوه=جتها فعوله مع أهل الطيب منصانه
تزعل ولد عمها ماعندها مروه=وترضي بداله وتقهر كل عدوانه
سواقه اللي يسوقه يحتم الخوه=من خلقته مايشيل الحرمه وزانه

المشاركة الأصلية كتبت بواسطة أبن حشيان (المشاركة 1203099) يأأأأأأأأأأأأأأأأأأأأأأأأأأأسلالالالالالالالالالال الالام والله مدري ويش اقول لك يابو عبدالله لاكن الشاص يستاهل المدح ولايهون اخوه الكبير الكسز عموما صح لسانك يالمبدع كما عودتنا دايما الله لالالالايهينك

المشاركة الأصلية كتبت بواسطة نشمي مقعد نايف العتيبي (المشاركة 1203102) صح لسااااانك جزله من شاعر جزل

المشاركة الأصلية كتبت بواسطة سعد بن مطلق المقاطي (المشاركة 1203117) ودك تهلل وترج الله سبحانه نامل التركيز على هذا الشطر انا ليس اعرف منك على العموم صح لسانك

المشاركة الأصلية كتبت بواسطة ضاوي الشيباني (المشاركة 1203120) هلا ومرحبا وش في هذا الشطر ياسعد صح بدنك ورد لي خبر

المشاركة الأصلية كتبت بواسطة ضاوي الشيباني (المشاركة 1203123) يعني>>>تطلب الله يستر عليه

المشاركة الأصلية كتبت بواسطة محمد العتيبي (المشاركة 1203127) ضاوي الشيباني .. صح الله لساااانك .. قصيده رائعه .. والشاص يستاهل .. تحيتي ..

وصفه مثل وقفت الحاكم على قوه=وباقي المواتر وزانه مثل صبيانه

سواقه اللي يسوقه يحتم الخوه=من خلقته مايشيل الحرمه وزانه

المشاركة الأصلية كتبت بواسطة عـقـــــــــــاب (المشاركة 1203359) وصفه مثل وقفت الحاكم على قوه=وباقي المواتر وزانه مثل صبيانه بيزعـــل عـــــلاك الفكســــــار واللكـــــــزز يابـــــن مشــــــــيب سواقه اللي يسوقه يحتم الخوه=من خلقته مايشيل الحرمه وزانه هههههههههههههههههههههههههههههههههههههههههههههههههه هاي طيّـــــــــــب تحــــــــــــده الظروف يابن مشيب في يوم من الايام صح لساااااااااااااااااااااااااااااااااااااااااااااااا نك وبيض الله وجهكـ وتحيتي تقبالها بصدر رحب

المشاركة الأصلية كتبت بواسطة محمد الذيابي (المشاركة 1203583) صح لسانكـ ياضاوي وصف لايعلى عليه

المشاركة الأصلية كتبت بواسطة فايز بن سرحان الثبيتي (المشاركة 1208066) اسمحلي القبك بشاعر الوصف ضاوي الشيباني كل مره تدهشنا بنصوصك الفاخره وفكرك السامي تاكد انني في قائمة المتابعين لقلمك ... الف شكر ياضاوي وصح لسانك على هذا الابداع " وابشر بالتنسيق والتقييم "

المشاركة الأصلية كتبت بواسطة مرزوق حمدان العتيبي (المشاركة 1208178) .. . صح لسانك ... والشاص يستاهل ابدعت فالوصف ياضاوي ....

المشاركة الأصلية كتبت بواسطة عزارم (المشاركة 1209144) صح لسااااااااااااانك ياطيب