ابداء بذكر الرب علا َم الاحوال = رب ٍ ليا ضاقت علينا دعيناه
فرَاج هم العبد ليا جاه غربال = مابين كاف ونون جزله عطاياه
يا الله طلبتك وانت تدري عن الحال = يا ملتجاء من زاد همه وعناه
والبارحه دمعي من العين همال = من ما تشوف العين عزاه عزاه
بشار يسفك في دماء شيب واطفال = راحوا ضحايا غدر واجرام ما اطغاه
شام العروبه صار للفرس مدهال = كيف العرب فعل الطواغيت ترضاه
واين الحميه يا صناديد الابطال = ليه المجوس يدنسونه وننساه
كيف الروافض يدعمونه بالاموال = وسلاحهم بالبطش منا ضحاياه
يكفي تخاذل ياعرب صمت واذلال = عار ٍ علينا والفضيحه تقفَاه
نبكي على بغداد من فوق الاطلال = واهوازنا قبله من الغيض ننعاه
حتى الخليج الهم طمايع ولا زال = ضمن الخطط في بالهم لو تركناه
واليوم يا شام العرب فيك الاهوال = حسبي على من كان هاذي سواياه
واين الضمير الحي في كل رجال = الى متى حنا على الضيم نقواه
ماعاد ينفع صمت واعذار تنقال = هزوا عروش البطش في كل منحاه
طاحت رموز الشر سارق ومحتال = واللي عليه الدور شانت حلاياه
ومدمر الاجيال لوصال لو جال = في كل زنقه شايل ٍ داه برداه
ان كان ما ذدنا عن الدين جهال = والا نبي ندفع ثمن ما جهلناه
يا خادم البيتين يا ذرب الافعال = نظرتك تكفي وافعل اللي توراه

المشاركة الأصلية كتبت بواسطة أبن حشيان (المشاركة 1207918) متعب ثواب الجعيد صح لسانك والله لايهينك يالغالي ونشالله بتسمع عن الشام الاخبار الزينه لن لكل ظالم نهايه حتميه والمسلمين انشالله حضهم زين والله معهم في كل الاحوال وموعودون بالنصر باذن الله

المشاركة الأصلية كتبت بواسطة سعد بن مطلق المقاطي (المشاركة 1207934) صح لساااااااااااانك

المشاركة الأصلية كتبت بواسطة حد الرهيّف (المشاركة 1207938) صح الله لسانك وعافاك وقواك يابو ثواب وهذا أضعف الايمان نحن اخواننا المسلمين. لاهنت

المشاركة الأصلية كتبت بواسطة محمد الذيابي (المشاركة 1207992) صح لسااااااااااااانه

المشاركة الأصلية كتبت بواسطة مرزوق حمدان العتيبي (المشاركة 1208181) .. . صح لسانك ... مشاعر غير مستغربه لاهنت ....