بسم الله الرحمن ببدا كلامي=وأقول شي"ن" في ضميري من العام
برتبه وأمشي بحسب النظامي =مدام انا فالشعر لي بصمة إبهام
ألف"ن" أولف من جزيل الكلامي =ثمّ ارتفع به فوق رفّات الاعلام
والباء بنام ولا يجيني منامي =من حظي اللي نايم"ن" طول الايام
والتاء تعبت من الضرم والعسامي = يادلة "ن" فيها السعاده بالاوهـام
والثاء ثلاث سنين قصة غرامي =بين الذنوب وبين تكفير الآثام
والجيم جبت العيد قبل الصيامي =عيد ا لفراق اللي من الهم ماصام
والحاء حظي مايقدر مقامي =وليا نخيته ماسمعني ولا قام
والخاء خلاص الطير ماعاد حامي =طير السعد في ماكره صار منظام
والدال دمع العين عرا عظامي= من لحم جسمي صاير كلي عظام
والذال ذنبي واصلن للغمامي= بلاني اللي يأمر بقطع الأرحام
والرا روى غيري وانا مت ضامي =ماذقت حلو الماء لو انه بالاحلام
والزا زعيم همومي اكبر حرامي=يسرق لذيذ النوم أسهر ولانام
والسين سقت الرجل وقت الظلامي = بديار مافيها دروبن للأقدام
والشين شابت ضحكتي بالفطامي = أجامل ببسمه وانا حزني اكوام
والصاد صار الوقت ضدي محامي =والجور ظالمني ويصدر بالاحكام
والضاد ضاقت بي فجوجن ظوامي=باب السعه مقفول باقفال ولحام
والطا طويت الجرهديّه جهامي = وجيت البحر والموج للموج لطام
والظا ظروفي مثل سهمٍ ورامي =وانا الضحيه والوعد صار قدام
والعين عفت الما وعفت الطعامي=أجوع من همي على كثر الانعام
والغين غافل لين جاني ملامي= والحين اداري كل شامت ولوّام
والفاء فقدتك بإكتراب الحزامي=ياللي من اول خابرك درع وحزام
والقاف قاري دروس في كل عامي =ولا ارتفع صفحه ولا جفت اقلام
والكاف كل مامسيت مدري علامي = ياعقرب الساعه تباطيت الارقام
واللام لو الحزن عضة إبهامي= مآكآن صار الشعر لوحه ورسام
والميم ما تشهد يابدر التمامي =اني نديمك بالسهر كل الاعوام
والنون نحت وناح ورق الحمامي=والحزن له صوت" على طول رنام
والهاء هرجت ولا تحقق مرامي=ضايع كلامي بين بايع وسوام
والواو والله ماتثير إهتمامي =الهرجه أللي بين لاش" ونمام
والياء ياخلاّق احسن ختامي=في جنة الفردوس يارب الانام
وختامها مني صلاة وسلامي =على نبي الله في دين الإسلام

محمد الذيابي صح بدنك وتشرفت بمرورك ،

شكراً لك

قناص / صح بدنك ولا شنت

وشكراً لمرورك العذب ،،

مودتي

متعب الند صح بدنك ، والجزاله بحروفك طال عمرك

شكراً لمرورك ،، تحيتي ومودتي

سعد المسعودي / مرورك .. فخر لي طال عمرك وإشادتك ، وإطراءك هي المكسب ،،

وشكراً لمرورك " طال عمرك وصح بدنــــــــــك "

مودتي

فهد العازمي صح بدنك ، وربي يعافيك

وشكراً على المرور " الرائع ،،


مودتي

فيصل حياك الله وصح بدنك ، وشكرااً على الإطراء والإشاده والمرور الجميل ،،

ومرورك فخر طــال عمرك


انا [ من المبــاريك ]


وتحيتي ومودتي ،

ذعيّر ، العالي " حياك الله " وشكراً .. على مرورك ، العذب ،

ومرورك فخر لي طال عمرررك

صح بدنك ووجهك ابيــض
مودتي ،

المشاركة الأصلية كتبت بواسطة ابن منيع الزلامي (المشاركة 1227649) ونعم والله فيك ياضيف الله كفو والله ومليون نعم ما تكفيك يا ابن العم........ونعم وسبعت نعام ياربعنا .................بيض الله وجهك على القصيده الجزله يعطيك الف عافيه ,,,

صــــــــــــــح ألسااااااااانك

ضيف الله

ألفيه في قمة الروعة ,,

صياغ جميل جداً

وتجانس رهيب بين الصدر والعجز

لله دررركـ


والـواو والله ماتثيـر إهتمـامـي
الهرجه أللـي بيـن لاش" ونمـام


هنآآآ أرفع لكـ القبعه

لا فض فوكـ


واليـاء ياخـلاّق احسـن ختامـي
في جنة الفـردوس يـارب الانـام

وهنااا 000

والعلم عند الله خطاء مطبعي

واليـاء ياخـلاّقي احسـن ختامـي
في جنة الفـردوس يـارب الانـام

تقبل مروري المتواضع

المشاركة الأصلية كتبت بواسطة طلال ناشي (المشاركة 1229151) صــــــــــــــح ألسااااااااانك ضيف الله ألفيه في قمة الروعة ,, صياغ جميل جداً وتجانس رهيب بين الصدر والعجز لله دررركـ والـواو والله ماتثيـر إهتمـامـي الهرجه أللـي بيـن لاش" ونمـام هنآآآ أرفع لكـ القبعه لا فض فوكـ واليـاء ياخـلاّق احسـن ختامـي في جنة الفـردوس يـارب الانـام وهنااا 000 والعلم عند الله خطاء مطبعي واليـاء ياخـلاّقي احسـن ختامـي في جنة الفـردوس يـارب الانـام تقبل مروري المتواضع