بلاد أدنا ولا تشبه بلادنا جنوب الشام في نجدن ولدنا=وجينا ل الشقاء مدري سعدنا عليك الفت بنا سود الليالي
ثلاث سنين عايش في ربوعك عجزنا ماتعلمنا طبوعك=واعاني دايمن ف آخر سبوعك من الغربه مجال بلا مجالي
بلادن مايناسبني هواها ولابناها ولا مشروب ماها=لون نيرانهم يوضي سناها وتعاقب فوقها صفر الدلالي
شوانا الهم فيها شوي جمري بنارن جمرها سمرن محمري=وأعاني وجعتي حيران ف امري عسى رب الملى ينظر بحالي
ليامن مرني نودن مسري بروحن مثل روح المستظري=خطير انسى الكثير ومعك أسري لك الله يا ذعاذيع الشمالي
لاكن اخاف يجري لي بلاوي تظيعني هراميس الهقاوي=وانا مازلت في امل المداوي مدامن الرشاء فوق المحالي
والاياراكبن من فوق خمسي يهمسن مع طويل الخط همسي=مرامسهن قريبه حول رمسي وطن اصفر عفيف وهن عدالي
تنصن ظلم والخد المحازي علاوي نجد شرقي الحجازي=ملافيهم بخري واعتزازي بني عمي زحازيح العيالي
الادنى حر من حرن مدنا وهيف الحيل سبع الليل منا=هل المعروف وأهل الطيب حنا لياء جاء في هل الطاله مجالي
هل السمحه لياء منا بدينا وهل الغيره لياء منا عدينا=ولياء منا على شين رسينا رسينا مثل ماترس الجبالي
ولاشافيك غيبه يابوخيبه سمعنا لك سواليفن غريبه=حسيب المبتلى ربي حسيبه وانا أعله لياء امداء ف العيالي
تراني خابرك على بصيره طويل لسان ويمينك قصيره=ولا مثلك مريدن ف الجزيره والا ف الشرق الاوسط ظن بالي
لونك للحرايب مستعدي تهاوزني لاكن منته بقدي=لابوك أبي ولاجدك بجدي ولا خالك ب اصيلن مثل خالي

المشاركة الأصلية كتبت بواسطة محمد الذيابي (المشاركة 1230449) ,, صح لساااااااااااانكـ ,,,,

المشاركة الأصلية كتبت بواسطة فهد العازمي العتيبي (المشاركة 1230454) ... صح لسانك ملايين يا ابومطر ولاهنت ،،،

المشاركة الأصلية كتبت بواسطة عايض مثقاب الزراقي (المشاركة 1230531) صح لسانك يا فيصل مبدع ولله درك

المشاركة الأصلية كتبت بواسطة حمود بن خيشوم العصيمي (المشاركة 1230546) فيصل مطر صح لسانك

المشاركة الأصلية كتبت بواسطة أبن حشيان (المشاركة 1230626) الشاعر القدير: فيصل مطر صح لساااااانك واعتلا شانك / انت تعلم ماهذا الكلام؟؟ هل هو قصيدة ام مثل وان كان قصيدة لها تكمله ام لا؟؟ داري ولو اسنت عليه مريفه ،،،، وربعي ولو شحو علي كرام تقبل تحياتي يالغالي

المشاركة الأصلية كتبت بواسطة متعب الند (المشاركة 1230628) صح السانك ........................وعتلى شانك .....قصيده جزله من جزل

المشاركة الأصلية كتبت بواسطة علي الثبيتي (المشاركة 1230648) صواريخ ارض جو هههههههههههههه صح لسااااااااااااااااااانك يافيصل

المشاركة الأصلية كتبت بواسطة فيصل مطر (المشاركة 1230767) الشاعرالقدير/ ابن حشيان صح بدنك وهاذا بيت يظرب به المثل وابي اعطيك كمالته بس لياعطيتني كمالة مايلي وصنفته؟هوبيت ولابيت ونصف والابيتين والامثل؟عليك الكماله والتصينف ابشر بالي تبي يابن حشيان كلن بداره مولع لوكان مسنن ثراها يروح منها بلا ريش ولياء ظف له ريش جاها تحياتي