هاض الغرام وعافت النفس نومها = ونفسي من الفرقا تزايد همومها
والصدر كن موقد الجمر داخله = يصلاه من حر الوقايد سمومها
على الجادل الي نازح البعد دونها = قلبي معاشقها ونفسي ترومها
أرجي مواصلها وأغامر بحبها = وأسوق ماتملك يدي في لزومها
أرخص بها حالي ومالي رضا لها = واللي يغالي بالثمن لا يسومها
نبنوبه يهتز للغي عودها = ولا تعشق الا من نوادر قرومها
اللاش ماترضى تشوفه بعينها = لا شافته تغضي وتضفي هدومها
وتقول الخفرات لا تقبلنه = ومن عاشقت مثله عسى الله يلومها
شومن لبذال الندا كاسب الثنا = نفسه على العليا قوي عزومها
قاسي على القاسي وفي مع الوفا = حلحيل حيال الاجت خصومها
الخصم لا زاره تكسر عزايمه = من دون هومات من اول يهومها
يرجع معيف وميس من مطامعه = عينه تعاني من رمدها اهزومها
قطاف تصطي مع لسانه جروحه = ليا عمست الاريا وذلت رخومها
ليا امست الاريا بفكره يدشها = ويمناه تورد بالمنايا سهومها
في ساعة تذهل بها كل مرضعه = من الحشر فالدنيا ليا شان يومها
هذاك عشقت من يبا العز والشرف = لا صار ذا فعله ومقدام قومها
مقدم مناعير برايه يدلهم = بحلم على الجاهل وغشم لغشومها
واللي يبي منه النصف منصف له = ويبطش الا شاف الخطا من ظلومها
له ميزه يعرف بها قبل غيره = بحلم وصفح لين تاقف علومها
والا انقطع حبل السوى من قبيله = ضده جزاها قمعها في خشومها
ومع ذا يمينه طبعها الجود والصخا = وعوايد لاهله يبين رسومها
مبناه بني قبله وزاد ارتفاعه = على مبانيها وسدد ثلومها
عزز قواعدها على شامخ الصفا = وارست بعد هز المعادي عقوبها
الله يستر على هذاه ومثايله = ويقطع رجال ماتفاخر بقومها
الي يبا الطوله هذي خصايله = يتعب ويسهر لين يصعد رجومها
الحر ماياقع على طامن الوطا = الا ماتعلا الرجم يصك حومها
ينهض ابجنحان تشيله مناكبه = وريش اليو مابه شهر مع انجومها
وخلا حناديها تخاشر غرابها = وخلا درجها ساكن عند بومها
يكفيه ضرباته بساطي مخالبه = ورزقه على اللي خالفه من عدومها
والذل ماينفعك وان صابك القدر = والنفس له وقت لها ومحتومها
ومع ذا ترى ماهاض قلبي وضامري = الا الرجال الي تضيع سلومها
مثل الغراب ومشيته والحمامه = تبا قسوم الناس واخطت قسومها
رجال ماغير بشوت وازوال وافيه = تكمل مراجلها بغفوة حلومها
ناس على غفلات الاجواد هذه = على مجالسهم تشلخ الحومها
اهل النمايم فعلها الهرج بالقفا = واهل الشجاعه فعلها مع قدومها
هذا وياسامعها لا تلومني = والبنت في معشوقها لا تلومها
واختم كلامي بالصلاة على النبي = عداد ماتمطر همايل غيومها

المشاركة الأصلية كتبت بواسطة فيصل المسعودي صح لسانك يافارس برقا ولسان الامير عبدالمحسن التوم فيصل المسعودي

المشاركة الأصلية كتبت بواسطة جمراااااااااان بيض الله وجهك يافارس برقا ولاهنت وصح لسانك وصح لسان التوم (رحمه الله عليه) و اسكنه الله فسيح جناته تقبل مني ارق التحاااااااااااااااااااااااااااااااااااااااايا

المشاركة الأصلية كتبت بواسطة البرهان رحم الله الأمير / عبدالمحسن التوم رحمة واسعه لقد خلف له ذكراً عطراً وفعلآ يشهد به كل من عرفه فحق لعتيبه أن تفتخر برجال قل أن تجد مثلهم. االــــــــــــــــ1000ــــــــــف شكر فارس برقا وعساك على القوى يالغالي

المشاركة الأصلية كتبت بواسطة الروقي احمد والنعم فالأمير عبدالمحسن التوم الله يرحمه أمير وشاعر وكريم وشهم وش خلى من الطيب الا وخذاه الله يرحمه ، يمال الغناه يافارس برقا اختيار موفق

المشاركة الأصلية كتبت بواسطة الباسل الروقي رحم الله الامير عبدالمحسن التوم كان فارسآ وبطلآ وكريمآ وشكرآ لي فارس برقا على هذا الاطرى الجميل

المشاركة الأصلية كتبت بواسطة ((الدلبحي)) تسلم يمناك والله يرحم التوم تحياااااااااااااااااتي

المشاركة الأصلية كتبت بواسطة العمار اللة يعطيك العافية ويرحمك يالتوم

المشاركة الأصلية كتبت بواسطة ذيب المراقيب بسم الله الرحمن الرحيم مشكور اخوي / فارس برقا ومليون نعم بأمير الحفاه . وعليه رحمة الله . فقد اجاد في الشعر وفي جميع العلوم الطيبه اللي ترفع الراس . وحبذا لو تزيدنا فنحن في شوق لعلوم هؤلاء الطيبين . مع خالص التحيه,,,, ذيب المراقيب

المشاركة الأصلية كتبت بواسطة هبوب الريح الله يعطيك الف عافية و الف رحمة على خالي عبدالمحسن التوم و جعله في جنات الفردوس و جميع موتى المسلمين / هبوب الريح

المشاركة الأصلية كتبت بواسطة برق الحيا فارس برقا عساك تسلم وتدوم والله يرحم ابوغازي رحمة واسعة ويسكنه فسيح جناته بالفعل هناك رجال لن ينساهم التاريخ بالطيب والكرم والشجاعة والنخوة وهو من ضمنهم يرحمه الله وغيره كثر تقبل تحياتي وإعجابي برق الحيا