ياللي تصب الحبر في بطون الاقلام = عادتك هذي من قديم مخبوره
وقدام لاتكتب على البوك مرسام = تاخذ مع الاقلام عشرين صورة
واليا كتبت تزيد وتنقص ارقام = خطك عجزنا لانفسر سطوره
تلوي سلوبك لوية السيم لاقام = يلوى على بعضه ثمانين دوره
في منهج التعقيد الك فن واحكام = ولك ناس منهم تستمد المشوره
وبالكذب والتزوير تنتج لك افلام = وتصنع من انصاف المواضيع ثوره
تلبس علومك لبسة الجسم للخام = لكن عيت تنستر ستر عوره
حنا ترانا ماتضيعنا الاوهام = وقلوبنا بذكر الاله معموره
قدامنا النصاب بالنصب مادام = مهما فعل نعرف خوافي اموره
وصاح دوك العلم والوعد قدام = لاتنفق والصبح مابان نوره
قامت على الطاله تطاولنا الاقزام = انشهد ان الوقت دارت عصوره
دنياك هذي روحت مثل الاحلام = وصارت علينا يالسنافي دبوره
راحت مراويح القطا عقب ماحام = وقامت هبوب المستثيره تكوره
وروح جناحينه تعداه قدام = ومن يلحقه لاوصل بالجو طوره

المشاركة الأصلية كتبت بواسطة عبدالله جبارالعتيبي (المشاركة 1241546) صح الله لسانك يامجول قصيده وافيه من رجال وافي بيض الله وجهك

المشاركة الأصلية كتبت بواسطة أبو جميل العتيبي (المشاركة 1241650) قصيدة جزلة صح لسانك

المشاركة الأصلية كتبت بواسطة غالب الذيابي (المشاركة 1241652) : : : : صح لسانك .. : : : :

المشاركة الأصلية كتبت بواسطة حمود بن خيشوم العصيمي (المشاركة 1241673) صح لسانك يامجول شاعر مبدع تعمل من الحبه قبه تحياتي لشخصك الكريم

المشاركة الأصلية كتبت بواسطة فيصل مطر (المشاركة 1241795) صـــــــــــــح لســــــــــانـــكـ

المشاركة الأصلية كتبت بواسطة ماجد السميري (المشاركة 1241800) صح لسانك يامجول ويامرحبابك في منتدى ربعك تراحيب المطر شاعر جزل ومميز تستحق المتابعه والاحترام لك ودي وشكري