ياخوي ياللي في النوايب عويني=ياشفرة السكين ياسلة السيف
واشيب راسي يابن ابويه وعيني=لا والله الي شيبت بي الصواديف
دب الحزن ياخوك والشوق فيني=وحدتني الدنيا بكثر المشاعيف
وغرتني الايام واخذت سنيني=اثر الزمن له ميله وله تكاليف
الوقت عنكم يافهد محتديني=دايم سهومه يم قلبي مراديف
ماد الحشى, والبال من مايجيني=يطلب بنات الفكر توجيبة الظيف
وارهن عليه بالجزل والسميني=وقمت اتغنى واستهل المحاريف
الشعر عود بحكمته محتويني=من خبرته صفيت الامثال تصفيف
على الهلالي والصخر والهجيني=عسر المعاني كل ابوهن معاسيف
من مبلغ ٍ عني كلام ٍ ثميني=قول ٍ غداله في الحنايا تصاريف
نصايح اللي في القسى مايليني=ولاردته دنياه ذب المشاريف
الطيب سهل النيل يالمبتغيني=في وقتنا الحالي ولافيه تكليف
من عقب وقت ٍ ناله الطيبيني=بالجوع والقسوه وحدالمراهيف
وان راد ربي ومرك إمسيريني=ترا البشاشه حشمة ٍ للمضاييف
وأكرم لحاهم بالدسم واليديني=والناس تعرف حاتمن راح ماشيف
وحلاوة الايام للرجل ديني=من لاحتزم تسقيه مر وتحاسيف
وان كان همك وسط صدرك دفيني=لابد ماتظهره بعض العواصيف
لاتبدي الحاجه وخاف ِ الكنيني=عند اللزوم إلا لراع المواقيف
واحذر ترا في الناس لك مقتفيني=ناس ٍ تولف خلفك العلم توليف
وليا بدت لك حاجة ٍ ماتزيني=عن صاحبك كتف يد الغيض تكتيف
اشره وعاتب بالكلام الحسيني=واتلى الزعل وياه مزح وسواليف
وترا القريب له حقوق ٍ وديني=خلك ستار إلزلته دايم وريف
ولو ركٌب له موجه وقفى, يبيني=مال السفينه ماقف الا على السيف
وغض النظر عن حرمة المسلميني=العين تزني و لك فعولك مناكيف
وبعض النسا غاوين متلاعبيني=لايخلفنك ظامرات السراجيف
هذي النصايح كان إبه لازميني=لزمتها من مجلس ٍ به عواريف
واهمهن وابدابهن باليميني=طاعة ولي ٍ تحت عرشه مكانيف
اللي يميت ويحيي الميتيني=واللي يصرف امر الانسان تصريف
والوالدين الله بالوالديني=اللي بذلو لجلك جميع المصاريف
ويساهرون الليل كالفرقديني=عليك من دنياك دايم مخاويف
هذا وتمت بالكلام الرزيني=مثايلٍ في الشعر من عالي النيف

لاتبدي الحاجه وخـاف ِ الكنينـي=عند اللـزوم إلا لـراع المواقيـف
واحذر ترا في الناس لـك مقتفينـي=ناس ٍ تولف خلفك العلـم توليـف

المشاركة الأصلية كتبت بواسطة حمود بن خيشوم العصيمي (المشاركة 1242707) لاتبدي الحاجه وخـاف ِ الكنينـي=عند اللـزوم إلا لـراع المواقيـف واحذر ترا في الناس لـك مقتفينـي=ناس ٍ تولف خلفك العلـم توليـف صح لسانك قناص القوافي جزله من جزل لاهنت

المشاركة الأصلية كتبت بواسطة المطوح بالصوت (المشاركة 1243228) الله اكبر صح لسانك يالصوينع

المشاركة الأصلية كتبت بواسطة عناد الشيباني (المشاركة 1243230) الله الله فارس الصوينع صخ الساااااااااانك ابدعت .

اخوي قناص القوافي ..
تسلم يدينك على النقل وصح الله لسان قايلهااا


تقبل تحيتي ,,
عالي بن دراج

المشاركة الأصلية كتبت بواسطة عالي بن دراج (المشاركة 1244860) وان كــــان هــمــك وســـــط صـــــدرك دفـيــنــي ** لابــــد مـــاتـــظـــهـــره بــــــعــض الـــعـــواصـــيـــف لاتـــبــــدي الــحــاجـــه وخـــــــاف ِ الـكـنــيــنــي ** عـــنــــد الــــــلــــزوم إلا لـــــراع الــــمــــواقــــيـــــف واحــــــذر تــــــرا فــــــي الـــنــــاس لـــــــك مـقـتـفـيـنــي** نـــــاس ٍ تــولـــف خـلــفــك الـعـلــم تـولــيــف اخوي قناص القوافي .. تسلم يدينك على النقل وصح الله لسان قايلهااا تقبل تحيتي ,, عالي بن دراج

المشاركة الأصلية كتبت بواسطة فيصل مطر (المشاركة 1243971) صح لسانك يافارس الصوينع لاهنت تقبل مروري

المشاركة الأصلية كتبت بواسطة سعد بن مطلق المقاطي (المشاركة 1244004) صح لسااااااااااااانك

المشاركة الأصلية كتبت بواسطة عايض جزاء العصيمي (المشاركة 1244655) صح لسانك ياقناص القوافي