يالله باب السعه لـلداعي تفكه =لاضاقت الارض والبيبان مصكوكه
لاصار حتى من الدنيا يبا الفكه = ويداري العبره اللي كنّها الشوكه
فالنوم حلمه يزين ويبني بلكـّـه = واليا صحى واقعه هده ببآزوكه
والصدر بيته وهمّه شايلٍ صكّه = وياما صدورٍ من الآحزان مضكوكه
ياوقت قلبي ترى ماقلت لك بكّه = ولا قلت لك خلّه الـ هالعالم أضحوكـه
خيبت ظني بمن له فـالحشا دكـه = شخصٍ فرقني لقاه وضحكة حنوكه
تدري وش اللي يخليّ فالصدر تكه = لاشفت صاحبك قامت تلذع سلوكه
شكراً لبقعا على اللوعات والصكه = مع كل صكه تجيب دروس محبوكه
عرفت منها رفيقٍ ماسك السكّه =وعرفت منهو رفيقي .. لافضى بوكه
اللي ليا جا لزومي وجهه يحكّـه = ويجيب الاعذار معلوجـه ومعلوكـه
واليا انفرت قربته غبط على العكه = ماعاد يسوى بعيني صحن شكشوكه
لاصار من دون ضيفه بابه يصكه = ماهو بمبروك .. ولا إنثــاه مبروكـه
يالله لاتبتليني.. مثله .. وفكـّـه = اللي يدينه بحبل الشح مشروكـه
وبيني وبين الكفو ماتلحق الشكه = والا الردي ماحسبت لكثرة شكوكه
وان ضاق صدرك عليك بعمره لمكه = والأجر للمحتسب لادقته شوكـه

المشاركة الأصلية كتبت بواسطة عايض جزاء العصيمي (المشاركة 1255809) صح لسانك مليوووووووووووووووووووووووووووووووون تحياتي

المشاركة الأصلية كتبت بواسطة قـنـاص الـقـوافي (المشاركة 1255843) صح لسانك ولاهنت تحيتي لك

المشاركة الأصلية كتبت بواسطة محمد الذيابـــي (المشاركة 1255939) ,, صح لسااااااااااانكــ ولا هنت يالغالي,,

المشاركة الأصلية كتبت بواسطة محمد مذكر المغيبي (المشاركة 1256210) صح لسانك ملللللللللللللللليون والله انك اجدت بكل ماتعنية الكلمة وصح لسانك مدد وياليتك فكيتها من المقدمة اللي شككت بي في شموخها جميلة جميلة جداً تقبل تحياتي

المشاركة الأصلية كتبت بواسطة شاعر الدرع العربي (المشاركة 1261996) صح لسانك وعلي شانك يالعالي قصيده تشكر عليها شاعرنا تقبل مرووووووري

المشاركة الأصلية كتبت بواسطة نايف المغيبي (المشاركة 1262090) صح السانك يابن عالي كتبت واجدت