انا ما احب من كان يتغلاّ = ولا امشي فالطريق اللي مشابه
ليا منّه وقف قدمي وهلاّ = اجنّب عنه ما احسّب حسابه
اعرفه لو ضحك لي واسفهلاّ = يصيبه عجب ويكثر عتابه
ضحوك وضحكته فيها ايتسلاّ = يحسبني غشيم ٍ مادرابه
ولكن من فضل ربي تجلاّ = غروره هو سبب قل الحلابه
احب اللي صفالي ماتخلاّ= صدوق وهرجته فيها حبابه
فؤادي من كثر حبّه تملاّ = وعن غيره ترى مقفول بابه
حبيب ٍ صوب غيري ماتحلاّ= صدوق ومخلص ٍ وافي جنابه
معاه الحب سكر مايملاّ= وروحي في غرامه مستصابه
صحيح انه غزاني واستحلا = سكن فالقلب وودع له مهابه
سيوف الموت من عينه تسلاّ = وكل الزين مخفيته ثيابه
عطيته كل ما املك ثم ولاّ = وغاب ولاعرف سبّة غيابه.

المشاركة الأصلية كتبت بواسطة خلف بن مرزوق يابو محمد ابداع جزالة في جزالة ولاهي غريبه عليك صح لساااانك ولاهنت وتقبل تحياااتي

ابو محمد

لك اسلوب لايجيده الى انت

صح للسانك مدد وبلاعدد


اخوك

المشاركة الأصلية كتبت بواسطة فــزٌاع السلام عليكم ورحمة الله وبركاتة صح لسانك وجاد بيانك وعساك على القوّه اخوك ... فــزّاع

المشاركة الأصلية كتبت بواسطة مرزوق المغيري صح لسانك على هذا الابداع