سلام تسليمه على نهج الاسلام= تسليمتن تبر الكبود العليله
عداد من صلى وعداد ن صام = وعداد مالاحت بروق المخيله
وعداد ماهبت ذعاذيع الانسام= لو انها في حق ربعي قليله
تسليمتن تضفي على الآد قسام= وضيوفهم من كل دار وقبيله
العزوه اللي من قبل حكم الامام= تاريخهم يرويه جيلٍ لجيله
اهل الوفا والطيب من ماض الاعوام= واهل الكرم واهل الفعول الجزيله
افعالهم يبصم عليها بالابهام = ماينجحد فعل السلات ومثيله
شرابة الفنجال قدام الاخصام= ومروية حدب السيوف الصقيله
وفعل الرفيل اللي ماتمحاه الايام= ذرى وستر الجادل ام الجديله
يوم انهم قالوا تبا اعقال وخطام= قال اتركوها انا عقال الاصيله
وغيره من ارموز القبيله والاعلام= اللي تعد افعالهم مستحيله
وحتيش لو املا الدفاتر بالاقلام= ماحصيت فعل اهل الفعول الجميله
هذا وانا من عزوتن يوم الاقوام= كم فرقوا بين الخليل وخليله
عوازمٍ وقت اللقى درع وحزام= وزنادهم يقدح بخشم الفتيله
الهم مواقيفٍ صعيبات وعظام= ولهم مع التاريخ سيره طويله
من غير قاصر في هل الشرق والشام= كل القبايل كالت اللي نكيله
واليوم امن وآمان وايمان واسلام= تحت ضلال ام الغصون الضليله
الشجره اللي خيرها للبشر عامَ = آل السعود مزبنين الدخيله
الحكم حكم الشرع ماغيره احكام = وعنا يشيلون الحمول الثقيله
يالله تعز الحكم وتعز الاسلام= وحكمٍ على غير الشريعه تزيله
آمين يامن بالخفيات علام = يامن نساله عفوه ونلتجيله
واللي بقي مبروك يانسل الاكرام= يامن جمع كل الصفاة النبيله
نايف على اسمه والفرح والسعد دام= ياحظ من صارت لمثله حليله
الله يحقق لك بدنياك الاحلام= وعسى فرحك الليله وكل ليله
وختامها صلوا على خير الانام = اللي بعث نور ونذير ودليله

المشاركة الأصلية كتبت بواسطة محمد الذيابـــي (المشاركة 1260673) ,, صح لسااااااااانكـ ونعم بالقساسمه والعوازم,,

المشاركة الأصلية كتبت بواسطة عايض جزاء العصيمي (المشاركة 1260676) صح لسانك ونعم بالرجال

المشاركة الأصلية كتبت بواسطة جارالزمان (المشاركة 1260695) ونعم بالقساسمه والعوازم وصح لسانك وتقبل مروري

المشاركة الأصلية كتبت بواسطة خليل هليل الشيباني (المشاركة 1260698) صح السانكــ والقساسمه يستاهلون

المشاركة الأصلية كتبت بواسطة فهد العازمي العتيبي (المشاركة 1261006) َ صح لسانك يا ولد عاصي ويستاهلون الاد قسام المدح والثناء .

المشاركة الأصلية كتبت بواسطة فيصل مطر (المشاركة 1262546) وانت سالم وغانم وصح لسانك ياقيس العازمي تقبل مروري

المشاركة الأصلية كتبت بواسطة الغضنفر (المشاركة 1262553) افـعـالــهــم يــبــصــم عـلـيــهــا بــالابــهـــام مـايـنـجـحــد فـــعـــل الـــســـلات ومـثــيــلــه عــــــوازمٍ وقــــــت الــلــقـــى درع وحـــــــزام وزنـــادهـــم يـــقــــدح بــخــشـــم الـفـتـيــلــه صح لسانك. وابصم لك بالعشره انك امير الشعراء في المنتدى..تقبل مروري

المشاركة الأصلية كتبت بواسطة سنجار المري (المشاركة 1262996) صح السانك وافين يالعوازم ويالعتبان ويستاهلون الهيلا وقصيده من وزن الثقيل وتقبل تحياتي اخوك سنجار المري