السلام عليكم

اليوم عندي ابيات مجاراه لقصيدة الشاعر عبدالله مشخص الشيباني

في منقية الشيخ عبدالله الغدرا اللي من ضمن ابياتها

حنا عتيبه شاننا شانن عظيم
00000رجالنا يهزم من القوم عشره

وحبيت اجاريها من اعجابي بها ليس الا

والله لجاري قاف بن مشخص واقيم

000000للمدح في الغدرا من الشعر اوفره

اعوذ بالرحمن من كيد الرجيم

000000واستغفر الله واستعينه واشكره

فكري ليا امطر يحيي العود الهشيم

000000وينبت من اصل العود ميتين شجره

واذا بغيته يسبح البحر الطميم

000000قايد سرايا والقصايد عسكره

وعبدالله الغدرا شموخه مستديم

000000وامجاده اكثر من سنينه واشهره

متميزن بالجود والصدر الحليم

000000وجزل المراجل في رضاه مضيره

وفي مجلسه للعود الازرق ضل غيم

000000والكيف والحشو السمان منحره

تفخر به الهيلا والاصحاب ويضيم

000000اللي يخالف لون قلبه مظهره

ويعرض بشعل تطرب الفكر المحيم

000000متميزات اوصاف والوان وبره

حاولت اسوق القاف من صلب الصميم

000000من حب بن مشخص وقافه ودرره

ونا عتيبي شاش راسي للفهيم

000000اللي قرا اليامي نوادر دفتره

وسلامتكم