انا يوم اتفكر فالقبايل واذكر الافعال = فعايل لابتي فوق النجوم اللي تشاهدها
لنا في قمة العليا مكانه دايمه واجلال = على وجه الحقيقه كل مانحظر نجددها
نترجم قولنا بافعالنا ونحقق الامال = طموحات الرجال اللي تترجم من سواعدها
حظرنا للمزاين بالعزوم اللي تهد جبال= بسمحات الوجيه اللي لها الاموال نرصدها
اخذنا المركز الاول مع النخبه بدون جدال = ونصف اغلى الجوايز باسمنا سجل تعددها
جوايز ماينافسنا على تعدادها رجال = وتحطيم الرقوم النا صفه محد ٍ يقلدها
اخذناها من ايدين الامير وعادة الابطال = لياجت بالتحدي واصعب الاوقات تاجدها
عتابه في وفاها والتميز تضرب الامثال= حقيقه مثبته فيها اكثر العربان تحسدها

جتني علومك يابن ذايب ومشكور=لوكان مافيها علوم (ن) غريبه
بشرتني بالفوز والفوز مخبور=الفوز هذا واحد من عتيبه
له وقفة معنا لو الناس طابور=اليا احتمى الميقاف ربك يجيبه
يجيك عينك عين ماهوب منكور=لافيه لاشكه ولافيه ريبه
واليوم جاب الفوز خمسين مقهور=عانه يهوبل في ظهور النجيبه
جابه على وضح النقا كل منعور=روس الرجال مطوعين الصعيبه
اهل الحلال اللي ليا دق بالبور=ضاقت به وساع الفجوج الرحيبه
طرش يحجب الشمس مع طلعة النور=مافيه ذود الا يسوقه كتيبه
الياعرض في ساحة العرض بالدور=فيه العجايب والوصوف العجيبه
يقف له الموجود لجنه وجمهور=تعطي خبير الصنف لين تغديبه
واختامها من شاعر كله شعور=مبروك للهيلا ولاهي غريبه
وامزاين ام ارقيبه الي امس مشهور =اليوم صار اسمه مزاين عتيبه

رز العلم فوق الطويل من الرجوم.=خل الهبوب تلاعبه بانسامها
عادة عتيبه فالمواقف كل يوم.=ترف فوق الطايلات اعلامها.
لله در عتيبه الهيلا عموم.=والله يديم امجادها وايامها
قوم" لكن والله ماهيب ايات قوم.=لو القبايل حقها فاقسامها
قوم" هقاويها تهوم المجد هوم=ماكن فالدنيا حد" قدامها
للفرس معها فرس ولا الروم روم =اوتاد الارض مع الجبال اقدامها.
مجلاسها الغيم ومراكيها النجوم.=وتكتب على صدر السماء باقلامها
من دونها كل الطيور اللي تحوم.=وصولها فالوقت ضمن احلامها.
امجادها مع غيرها مثل الحلوم.=ماتحصي الارقام مجد ارقامها.
جينا وفزنا بالخيار من القسوم.=وقفة زمان العام هذا عامها
وسومنا فازت علىكل الوسوم.=تسوقها هيبة عصى وسامها.
فالملتقى حزنا على جل الرقوم.=يوم القبايل له تشد حزامها.
من خلقت الدنيا على الزومه نزوم.=اهل العرام مطيرين عرامها.
ماهيب لحية يازباين من يسوم.=البل عضام المال حنا عضامها.
تسوقها الهقوه وتحماها العزوم.=وترعي بهيبتنا ديار اخصامها
معها لنا تاريخ بالفوز محسوم.=شاشات ذكراها تعيد افلامها.
من شانها عن طاري الراحه نصوم.=نرتاح معها لو يطول زيامها.
وعن كلمتن يهرجبها الجاهل نشوم.=يموت منها ويحيا باسقامها.
من الحقايق مايضيق الا الرخوم.=اللي يضيق من الحسد هندامها
الفضل للمعبود والدار محكوم.=والمملكه تنعم بامن حكامها.
من خير كف الجود مافيه محروم.=لو كلمة اللوم يهدر لوامها.
ماعاد باقي للفتن حض" يقوم.=لفت جنايزها بقطعت خامها
الله يديم النا الامن والله يدوم.=من في يده راي العرب وزمامها.
اقولها ياللي تردون العلوم.=مانقصت قدر العرب واقيامها.
ماني بلامخطي ولاني بمعصوم.=شرهت حديدتها على لحامها. *

كل ما نادا على العليا منادي = ركبنا الميمون دايم في الطليعة!!
لين صارت للعتيبي شي عادي = كنها في نفوسنا سلم وطبيعة!!
مابدينا غير في روس المبادي = وأن نزلنا في المنازيل الرفيعة!!
زودنا في العلم الابيض مايزادي = وفعلنا ماغيرنا احدٍ يستطيعة!!
من سروج الجود إلى سرج الجوادي =في نحور القوم دقلتنا سريعة!!
عزوةٍ ما خلت الدور الريادي= من قبل يوم الرغامة والوديعة!!
أنتسيّد في المواقف ما نسادي = وقد عطونا المجد والتاريخ بيعة!!
ويوم وصل لعلم مقرعة التوادي = وصلنا بالفوز وصل بلا قطيعة!!
ورثنا اللي يوم سلات الهنادي = في طلبها نرخص الروح ونبيعه!!
قسمنا في الاولة ماهو بغادي = كل عام لسان واقعنا يذيعة!!
ياسنام الطيب مركزنا الشدادي = واجبه مدفوع وصعابه مطيعة!!

يالجنة التحكيم من غير تحكيم=ذعذع لجايزة الموسس هوانا


لا تتعبون بفرز طايل وتقييم
=ما يأخذ الاول لاجينا سوانا


للجايزة فينا عزيمة وتصميم=مهما تعلت عاليآ مستوانا

مثل ما تحجب شمس الاشراق بالغيم
=عنها نحجب الي بجهده نوانا


وعقب التحدي مثل ما تجفل الريم=يجفل من الساحة ليا من لفانا


قبيلة عتيبة علي الملازيم=ما فوقنا الا ربنا الي عطانا


اسم تسامت به جميع المفاهيم
=واشرق بكل انحاء البسيطة نبانا


نحطم ارقام المقاييس تحطيم=الفوز دايم كأن وده رضانا
 

امجادنا فيها دروس وتعاليم=للي طموحه مثل مجدآ بنانا


عادتنا ماجت تمني وترهيم=نفتل شواربنا ونكرم لحانا


انا ليا جى طاري الهيلا بطاريهم فخور=
كسابت الامداح واهل المجد واهل المرجله
يشوش راسي والمشاعر ماتهيد من الشعور=من طيبها تحيي الفواد وكل هما" تقتله
كلا" لدرب الطيب والطاله معه رخصةعبور=هقواتهم للفوز دايم بالنجاح مكلله
يعلقون الاوسمه بايمانهم فوق الصدور=ويحققون اللي يبون ويكسبون الاوله
ماقلتها من كبر ولا طيش ولا من غرور=اقولها من طيب نفس وفعل طيب" نفعله
حنا ليا حان التحدي والتنافس مانبور=ميقافنا دايم يجمل والحضوض مجمله
طالت يمانينا على العليا مع طوال الشبور=المركز الاول لونه فالثريا ناصله
في كل عام يمر للتاريخ سجلنا حضور=بافعالنا داخل ملفات الزمان نسجله
وفي جايزة عبدالعزيز لنا مع الادوار دور=باذوادنا اللي دونها العمر الثمين نسبله
حمر ومجاهيم ومغاتير" لهن فالارض نور=البل ذكرها الله فأيآت الكتاب المنزله
هاذي حقيقه قلتها ماهيب من طيش وغرور=انا فخور ابمجدكم ياهل العلوم الاوله