سـلام رده صافيـه // سويتهـا وابـدي بهـا=تسمعوا يامـن حضـر // سـلام رده صافيـه
يازيـن درب العافيـه // ياطيبـهـا ياطيبـهـا=ونص الشهر خمسة عشر // يازين درب العافيه

تبا تبان الخافيـه // والـدار نعـرف ذيبهـا=واليا بدا نور القمـر // تبـا تبـان الخافيـه
الا القلوب الصافيه // تضحك وتظهر غيبهـا=وانا معي وجهة نظر // يااهل القلوب الصافيه

ترى الاشاره كافيه // قصه يصيـب مصيبهـا=واليا سريت اخذ الحذر // ترى الاشاره كافيـه
هات العلـوم الوافيـه // لـك عـادةٍ تجيبهـا=احذف حجر واقلب حجر // هات العلوم الوافيه

انا لبوسي ضافيه // جيب الحقيقـه جيبهـا=اخذ خبر واعطي خبر // وانا لبوسي ضافيه
ترى الليال الدافيه // كل العرب تمشي بهـا=وانته على جال البحر // وقت الليال الدافيه

دربيلنـا كشافيـه // دنيـاك مااعـرف غيبهـا=واحسابنـا طـرح وجبـر // دربيلنـا كشافيـه
اخلاف ماش خلافيـه // تقبـل ولاتقفـي بهـا=والريف اخير من الدهر // واخلاف ماش خلافيه

ياللي بنيت القافيـه // والنـاس ماتبنـي بهـا=حط الحجر فوق الحجر // ياللي بنيت القافيـه
بعض السوالف كافيه // واصبح بها وامسي بها=ياعود داخلك الكبر // بعض السوالـف كافيـه

بالوسط والاطرافيه // اعلـوم ماتـدري بهـا=دعوى يضيق ابها النحر // بالوسط والاطرافيه
ياللي عيونك غافيه // تفتـح ولاتغضـي بهـا=عبره من اكبار العبر // ياللي عيونك غافيـه

بعض العلوم الهافيه // مالك بها مالـي بهـا=توردك للموت الحمر // بعض الهروج الهافيه

سلام الله عليكم من هجوسن عرفهـا يـزداد=وانا الليله معي رمح ومعي حربه وجنبيـه
تهيض يالعصيمي واعرف المصدار والميراد=تبا علـم الهـوى لكـن غشتـك الهواويـه

الايامرحبا بك يالمسلم والسيوف حداد=عسى سيفك وجنبيتك في علباك مثنيه!!
احرفها واصرفها والبسها ثياب جـداد=لكن انته تسريها مع الـدار الخلاويـه

تقول وتعتزي لكن لايجمد عـلاك اجمـاد=ورى ماتنتبه للداب الاسود واخته الحيه ؟؟
تريّح ياعميلي واشرب الدله مـع البـراد=ترى ماكل رجـالٍ يجـب النـا بماريـه

تحـرّص يالعتيبـي لايبـان النقـد للنقـاد=بعد جيت الطبيب اللي يبا ينجض لك الكيه
انا مزهب لك البندق وانا لازم لك المرصاد=يقولون العرب فالناجضه ماهي كما النيـه

انا عمك وانا همك ولاترتاح فالمقعـاد=وانا رجال افندي ماخطبت الا الافنديه
تراني محترص لابد صياد الفهود يصاد=وتراكم كلكم في وسط جيبي يالحراميه

سمعت الاوله والعلم يبن العـم لاينعـاد=انا بنصحك وانت اختار في هذي وهذيه
ليا قلت لك عان الدرب تركبها بغير شداد=مرار اطيح في حفره ومر اطيح في ضيه

سمعت الاوله والثانيه ماني غريب بلاد=وانا ماني حونشي لعنبوكم يالحونشيـه
اكبسها والمسها واملي بطنهـا بالـزاد=وافصل ثوبها ها ثم الحفها السداريـه

ترى هذي غريبه عندنا ماجالها نشـاد=على راسك توقع قنبلتك الهندروجيـه
بغيتك تعرف المعروف ياحامد وياحماد=يابوتكبير كيف اطير انا لازمك بيديـه

انا مابدعي بالزور لكن سدد الاقصاد=علاك اديون واجد وانت قدامك فداويه
تعدل واعتدل قدام لانفرشك بالمجلاد=تبا تعطي كرى ولا تبا درب اليمانيـه

علومك يوم افكر في علومك مالها عداد=ولو حللتها ماهيب مبيوعـه ومشريـه
سقى الله ديرة المياسه اللي جابها المقداد=وانا مانيب راعي رعية ٍ ماهيب مرعيه

علومي ثابته ماني بسواتك مخلف الميعاد=تعرف الزيدي اللي ظاهرٍ من بطن زيديه
ليا منك بنيت الجدر ماني للجدر هـداد=ماحدك للمشاكل ياعتيبـي مـن عتيبيـه

صحيح انك من زيود اليمن واعجل المعواد=يقولون العرب ماعصبت راسك عتيبيـه!!
انا عمك ليا طال النهار وصار قدح زنـاد=بعد ضيعتها مابين حـر الشمـس والفيـه

انا جدي عتيبي تعرفه غصباً عن الحساد=عساك بقنبله تحرقك ياشاخ الحسوديـه
ليا شبيت نارك جالها الهمال والرعـاد=يطفي ضوء نارك ثم تسكب دمعك شويه

ياسلامي على الحضار فـي حفـل روق=ردة ً مـا يجـوز العـذر مـن دونهـا
يالعصيمي علوما ً ترفع الـراس فـوق=مـا تغنـي بهـا ليـلـى ومجنونـهـا

ياهلا مرحبـا عـداد نـوض البـروق=وعد مـن طـاف بالكعبـة وبركونهـا
دور الغاليـة يازيـد فـي كـل سـوق=غنّ لحنـك وخـل ّ النـاس ولحونهـا

لا تشين القلـوب ولا تضيـع الحقـوق=الامـانـه نرجـعـهـا لمامـونـهـا
يالسان الكذوب اسمع لسـان الصـدوق=تضحك النـاس لـو ّ الشـر ّ بعيونهـا

مالكم حـق صايـب ياوسـاع الحلـوق=ياهل الشجرة اللـي مالـت اغصونهـا
من يصدق لسانـك ياوسيـع الشـدوق=انطفـت جمـرة ً فـي راس غليونهـا

الشهادة مـن اللـي ماعليهـم طقـوق=يستـعـد ّون للكلـمـة ويحمـونـهـا
شرعنا شرعنا يقطع يميـن السـروق=الــدروب الوسيـعـة ماتشوفونـهـا

الجمل في قيـاده والبهـم فالـرّ بـوق=ويـن رعيانهـا مـاعـاد يرعونـهـا
خلّها لين بكـرة مـن منامـك تفـوق=الرحـى يالعضـالـة زان مطحونـهـا

كـل دقنـا ً تعـدّاه العلـوم امحـلـوق=ولا نصلـي الصـلاة اللـي يصلونهـا
شجرة ً تشرب الما من طوال العـروق=مـا يجيهـا اليبـاس ولا تقصونـهـا

لا حصل لك صبوح ولا حصل لك غبوق=كان مجنـون غيـرك نـاس بجنونهـا
ياعضالة تـرى مانـي بحـلاب نـوق=اعـرف اللـي ليـا درّت يحلبونـهـا

انت شاعر ولك رغبـة وميـزة وذوق=مير خـل البضاعـة وصـط كرتونهـا
يالعصيمي ترى مايحلـب الا الفشـوق=دوروهـا علـى الفـاقـة وتلقونـهـا

شيلها فوق راسك طوق من فوق طوق=وشنبى من قـدور النـاس وصحونهـا
العن ابليس ياراعي الحصان السبـوق=خلهـا خلهـا تمشـي علـى هونـهـا

حصلت غير راسي راس عشق امعشوق=وبركتهـا لذيـك الـروس وقرونـهـا
كان سلمت ولا جوها عيـال الشـروق=بشـرت بالعلـوم الـلـي تعزونـهـا

انتهى التمر من روس النخل والعـذوق=مابقـى الا سبـاع تحـدد اسنونـهـا

سلام الله عليكم من ضميرٍ دق به هوجاس= يهندب والعصيمي عارفٍ قصـة هناديبـه
لقيت إبليس أخو مره يدبر في عقول الناس= وأنا عقلي سليم ولالعبـي فـي ملاعيبـه

هلا يامرحبا في حفل قومٍ يرفعون الرأس=رجالٍ يالرياحي تعطي اللافي مواجيبـه
تعوذ من بليس ليا لقيته وإترك الوسواس= وخل اللي يشيل الكيد يقبل به ويقفي بـه

أنا مأبغاك يامستور تلبس للعلـوم لبـاس= يعذرب فيك بكره واحدٍ نـاسٍ عذاريبـه
وأنا مأبغى صديقٍ كل يوم يجرد الأمواس= يشذّب في عراقيبي وأشذّب في عراقيبـه

أنا ماقلت لك دخّل جحا في بيت أبو نوّاس= أبو نوّاس يعط العلم مايحسـب عواقيبـه
ألا ياصاحبي ماينبني بيـتٍ بليـا سـاس=ليا منا بنينا البيت نصبح به ونمسـي بـه

ولا يامطوع الهادي لاجيت مطـوع العبـاس= حديثٍ مـارواه أبـو هريـره لايجينـي بـه
بنيت البيت مير أحرص وحط الباب والحراس= قرب منه الحرامي وإن دخل فتـش دواليبـه

ترا حنّا العرب والإسم واحد والطبوع أجناس= أحد يبدي عذاريبه وأحـد يخفـي عذاريبـه
وأنا ماودي إن السلك يجرح لين يضرب ماس= ليا راحت وجت ماللصحيب آكود أصاحيبـه

لاشفت من العرب رجلٍ يرحب بك على الإفلاس=لاتضحك لو ضحك سنـه ولاتسمـع تراحيبـه
ليا دن الجرس للحرب دنـت باقـي الأجـراس=وبعض القوم مايلقى المكان اللـي يصلـي بـه

علامك قمت تنشرها مع العالم بدون قياس=ترى طرقٍ تغني به مع العالم نغنـي بـه
أنا قلت إلك لاتفهم غلط يالشاعر الحساس=أملنا فيك زين وكل علمٍ زين تحري بـه

لاوالله مانشرت النار لو يقبس لهـا المقبـاس=جريده صادره من سوق عمك وأنت تدري به
لياراح الكلام العاطفي حبرٍ علـى قرطـاس=زهمتك لين أشوف العلم وش مخطيه وإمصيبه

علامك محترق ماكنك إلا بن في محماس=وأنا وأنته ماننزل فالشعيب اللي عوى ذيبه
ولاياصاحبي لايلتوي حبل الرجا واليـاس=ترى المجنون ولعهـا وطفينـا مشاهيبـه

أنا مألعب يابو تركي مع اللي يلعب الدسـاس=أحد السيف وأضربه وأشد الخصم وألوي بـه
لكن إجلس معي ساعه وترضى باقي المجلاس=ترى ماهمنا المجنون لو كـان إنفـرا جيبـه

يطول الليل والمطرود ملحوق=هلا يامرحبا والليل باقي
انا خابرك يامستور صندوق=ولك صدرآ من الارزاق ضاقي

يطول الليل واله رعود وبروق=يدوم لك البقا واملاء السواقي
انا حاضر معك واطلع بها فوق=تبان الشمس ونسد الرواقي

انا ماذم لا برقا ولا روق=جمالآ لا تقاد ولا تساقي
يجي فالمعركه سابق ومسبوق=نشوف اللي سبق بعد السباقي

ولا ياشاعرآ غنيت بطروق=ابى الامان ودور فراقي
على هونك وسوق القافله سوق=وجنب عن منكسة الطواقي

على وسق البعير اشداد مسروق=وراح امن الكويت اليا العراقي
انا اعرف للجمال ابطون وحلوق=تذوق العيشه اللي ماتذاقي

تدور حق مير اصبحت محقوق=وطارتبك جناحين البراقي
لكن اهل الخطا والغدر والبوق=جماجمهم على روس السناقي

ليا طار الصقر بجناح غرنوق=ترى كلآ يحذفه بالمداقي
صفقت الرزق يابو رزق مصفوق=ولا تشرب حليب اهل النياقي

ولا ياصاحبآ فالدرب مرفوق=يطاق العلم والا مايطاقي
تبى وترجع ونص والراس محلوق=وانا واقف لها مالان ساقي

[color=#0000FF عــبــد الله الــمــســعــودي
[/color]

هاضني ليلة الجمعة سنة تسعين=غير تسعه على تاريخنا الهجري
المعلم تعب بين الحجر والطيـن=والأفندي عن الأحوال مايـدري

لو قرينا على صم الجبال تلين=سورة الراجفه والشفع والوتري
لو بدالي حقيقه قلتها ذا الحيـن=بدري الليل يا أهل الملعبه بدري

[color=#0000FF عــبــد الله الــمــســعــودي
[/color]

صارت الحبحبه حمراء على السكين=مابقى غير طش القشـر والبـزري
المهندس يعرف الصـم يامسكيـن=حط لك في شعيب منى مية كبـري

أمتلا الخرج منها ومتـلا الجيبيـن=يوم حظك دعالـك ليلـة القـدري
وش جرالك وجالك وين ساري وين=مر سكر ومر العن من الصبـري

[color=#0000FF عــبــد الله الــمــســعــودي
[/color]

كل شيٍ يبين وما أكلت أم قريـن=لازم أنه طلـع فجنوبهـا نبـري
أنت طالب رسبت العام في درسين=لو تعد الـك الأقـلام والحبـري

لقمة ابليس تعلجها على اللحيين=والحوادث تصوّب والدهر يبـري
هرجةٍ مادرى عنها حسن وحسين=عوّذ ابليس علمنـا بكـم تكـري

[color=#0000FF عــبــد الله الــمــســعــودي
[/color]

ياذهب بعد ما اشتدت عليك يدين=أحد يبتاع واحدٍ ياذهـب يشـري
البلح والملح فالصاع أبو صاعين=وش تدور تمد يديك في شمـري

كل ديره لها نـاسٍ تسـد الديـن=من بعيد الرموس يجيبها فكـري
وش يحدك على القشرا حداك البين=ولا أنا بالرديـه ماطلـع ذكـري

[color=#0000FF عــبــد الله الــمــســعــودي
[/color]

أنت ياخادم الدنيا نسيـت الديـن=لو نهز الجذع ضلا البلح يـذري
ذكرك أسود من الغدرا وحب التين=لو أوصفك في بيتين من شعـري

قاضي الحق واحد والشهود اثنين=ان نشدناك وش سوابك المصري
قلت ياذيب درب الغانمين يميـن=مير مهبول لا تتعب ولا تـزري

[color=#0000FF عــبــد الله الــمــســعــودي
[/color]

طيب الشكل والمضمون ماهو زين=مثل ما فالبحر للمـد والجـزري
الحمامه تنادي راعـي المارتيـن=عند عش الطيور النبق والسدري

[color=#0000FF مــــحـــمــــد الــــســــنــــــانـــــي [/color]

سلامي بعد صفو عتابه فريقيـن=فريقين والميدان قصرالسلامـي
حبيب ومستورالعصيمي على وين=لو إستلحقوا معهم رشيد الزلامي

هلا مرحبا ترحيبةٍ تقضي الدين=معي محتزيها ماسرقها الحرامي
حبيب وأنا جينا نكحل لك العين=ومن غاب غاب ولايجيه الملامي

[color=#0000FF مــــحـــمــــد الــــســــنــــــانـــــي [/color]

يدوم البقـا ياطيبيـن القوانيـن=وأنا لي نظر فأهل الثلاث الأسامي
مناوين ياعتيبه وش إللي مناوين=أنا يالعصيمي مافقدت إحترامـي

ولا يالسناني صرت مثل أم ظرفين=عيونك على المشرق وقلبك تهامي
ليا جيتنا يا ضيف تلقى خبر زين=ولن رحت جعلك في بعيد المرامي

[color=#0000FF مــــحـــمــــد الــــســــنــــــانـــــي [/color]

أنا يالعصيمـي ماتقلـب بوجهيـن=لكن أنت ناسي فضل عشرين عامي
جوازك جديد وفيه نخلة وسيفيـن=وناوي تبرّى من شروط النظامـي

تبان الرسالة من رموز العناويـن=علامك تجي ضامي وصدرت ضامي
ليا كان مال السيف مقضب وحدين=يبي ينكسر قـدام كسـر العظامـي

[color=#0000FF مــــحـــمــــد الــــســــنــــــانـــــي [/color]

أنا ما تياسر والجماعه مياميـن=تفقد حزامك ياجويد الحزامـي
يقولون مابشهار غير المجانين=وقلبك على شأن المجانين حامي

صبرنا على الأيام صبرالبعاريـن=وهالحين إصحي بالقلوب النيامـي
أنا خابرك وأعرفك من عام الألفين=ولكن صبرك لين أتمـم صيامـي

[color=#0000FF مــــحـــمــــد الــــســــنــــــانـــــي [/color]

لياصارمافالرجـل ذمـه ولاديـن=يبشـر بسوءالعاقبـه والختامـي
أنا خابرك من عام خمسه وتسعين=معنيّك مشوار الفـروت القدامـي

[color=#0000FF عــبــد الله الــمــســعــودي
[/color]

واحدآ جابوه وودوه مدري كيف قال=من هو اللي دف مستور واندفه وراه
اخوياه ايدورونه وهو رايح لحال=ما خبرت اللي يبا يروح ويكب اخوياه

ما خبرنا اللي يضيق سريع الانفعال=من يقول العلم جاني منين جاه
واشكل الاقوال يا ذيب ما هي راس مال=من ظما لو يشرب البحر ما يروي ظماه

[color=#0000FF عــبــد الله الــمــســعــودي
[/color]

الخبر والعلم تحت العمامه والعقال=والعقال مع العمامه فوق راسك هذاه
من زعل قلة سعه يشتري له وسع بال=قبل يقعد له زمانه على راس الحصاه

ما على راسي يقع ما على روس الرجال=والعميل الوافي الناس ما تنقص وفاه
الزعل طيب ومكروه في بعض الحوال=والامانه ما تضيع على طول الحياه

[color=#0000FF عــبــد الله الــمــســعــودي
[/color]

انت عندك طبيعه من جدودك والخوال=لا غيبه تعجب الناس من قدر وغطاه
ان عطتك اكتوفها ما تربطك الحبال=وان توجه لك نحرها تلحفت العباه

وان بدالك عوجت العوج في رقاب الجمال=مير من عارض بما عونه السيل امتلاه
من تملت له غروبه ؟؟؟؟؟؟؟؟؟؟؟به محال=كل ما اوحى له منادي ينادي قال هاه

[color=#0000FF عــبــد الله الــمــســعــودي
[/color]

ما معي ماعون والوادي الممطور سال=وانت كيف يسيل واديك وخيالك صحاه
والحبوب الصم لو قيمة الحبه ريال=ما بلعها غير من تطحن الحبه رحاه

لو زهمت ابكم يجاوب على هذا السوال=كيف عاقل يلتبس ثوب ما فصل علاه
لن وصلك العلم عندك محايل واحتيال=حيلة الحصني ليا شاف سبع الليل جاه

[color=#0000FF فــــــيــــــصـــــــل الــــــريــــاحـــي [/color]

سـلام فـي ليلـةٍ مـا مثلهـا فالليـال=يُقطف لها الورد ويخطط لها مـن سنـه
الشعر حكمة وينبع مـن عقـول الرجـال=قالوا هل الميسـرة قلنـا هـل الميمنـه

يا مرحبا يـا مسلّـم عـدّ وبـل الخيـال=من جاب له سيّـةٍ محـدٍ عطـاه احسنـه
يا فيصل الوقت يمشي مثل مشي الجمـال=واليا لقيت الجمل قـود الجمـل برسنـه

[color=#0000FF فــــــيــــــصـــــــل الــــــريــــاحـــي [/color]

اعيونهـا للجنـوب وقلبـهـا للشـمـال=واللي على بالهـا نعلـم ونـدري عنـه
الرجل ما يامن الدنيـا علـى كـل حـال=والمشكلة كـان جالـه باللسـان الْسنـه

أحسن لك الشمس والا احسن تجي فالظلال=ترى السبـب منـك يارجـال ماهومنـه
ما ينزل السوق غير اللي معه راس مـال=والبيع والمشترى والربـح مـا يضمنـه

[color=#0000FF فــــــيــــــصـــــــل الــــــريــــاحـــي [/color]

أنا ولد شمس مانـي ولْـد روح وتعـال=وانته رفيقـي لكـنّ السـرّ مـا تخزنـه
اليا نصبنا علمهـا فـوق روس الجبـال=المستحيلـة علينـا ممكـنـه ممكـنـه

أنته ولد شمس شمس اللي يعقْد الحبـال=لا عـاد فـي تالـي الأيـام تستامـنـه
احسب حسابك ترى ما يضحك الا الخبـال=تفقّد الهرج يـا فيصـل وهـات احسنـه

[color=#0000FF فــــــيــــــصـــــــل الــــــريــــاحـــي [/color]

بعض البنوك افلستْ ما عاد فيهـا ريـال=لا عاد تفرح على الشجعـان هـنّ وهنـه
ياللي تحوّل عروق الكبْد صـوب الطحـال=دكتـور لكـنّ بعـض الدكتـره ملعـنـه

نارد عدود الروى والحبل فـوق المحـال=واللي يقفّي مـن الأصحـاب مـا نطعنـه
تسأل وان اسأل وجاوبني بقيس السـؤال=واللي يغنـي نغنـي لـه بقيـس الحنـه

[color=#0000FF فــــــيــــــصـــــــل الــــــريــــاحـــي [/color]

ها شب نارك وحط الوسم فـوق الغفـال=والله يعيـن الكريـم بسفرتـه وصحنـه
بيني وبينك مجـادل فالحصـا والرمـال=ما باقيَ الا الهـدى يبغـى لهـا دركنـه

تبا تدخّل ولا شفـت الـك فيهـا مجـال=واليـا تدخّلـت حطيـنـاك فالمطحـنـه
الله يكـرم عليكـم يـا كـرام السـبـال=امرار تمشي معي وامـرار فيـك احرنـه

[color=#0000FF فــــــيــــــصـــــــل الــــــريــــاحـــي [/color]

أراقب اللي نـزل واللـي يشـد الرحـال=والمطحنه جالهـا بيـن الهنـود ادخنـه
مالـي بدالـك ولا تلقـى بدالـي بــدال=لكنـك اعقـل وخـل الجـنّ والجنجنـه

حنا نصلي جماعـه وانـت خلـك لحـال=مسلم واصلّـي ولا يوجـد علـيّ الْعنـه
سكّر سموعك ولا تسمـع لقيـل ٍ وقـال=وان صار منك الخطا تدفع عليـه اثمنـه

[color=#0000FF فــــــيــــــصـــــــل الــــــريــــاحـــي [/color]

با قوّم الثـورة الكبـرى علـى الاحتمـال=حتى قلـوب الهنـود يجـي لهـا دندنـه
اليـا مشيـت ابعـدال آبشّـرك بالعـدال=لابدنـا نعـرف الكحّـة مـن الحنحـنـه

يبـا يطيـر الهـوى بعمامتـك والعقـال=ياللي ثلاثيـن عـام تعيـش بالمسكنـه
ياليتها كـان ماتـت قبـل تذخّـر عيـال=وان عطـرت فالهـا بالعـود والمدخنـه

تسلم على المشاركة ويسلم ولد عمي بعد

ضــــــــــــــــــــــــــــــــاري

الفراهيدي مشكور=وبيض الله وجهك