جرح قلبي وين أحصله مداوي=مثل جرح السيل في وادن نحاوي
إمتعمق في فؤادي ومتمكن=آه واويل المعذب والشقاوي
كل ماشفت العرب جمعا وفرحا=مثل من يونس بكبده ألف لاوي
في عيوني فقر للنوم ولذيذه=من جروح القلب والخل الهواوي
شوق عيني للهنوف أكبر طماعه=ماتقارن عندي بكل المناوي
يالله إنك تقلع الحب وزمانه=يدًخل الرجال في عسر الملاوي
أنعثر راع العزايم في شليله=وش يسوي يامبعت الهقاوي
هقوته مثل العطاوي في زمانه=يوم لبى عند ماصاحت مضاوي
يالله إني طالبك ياذو الجلالا=تشفي اللي ماتوانا فالدعاوي
يوم أيس من علاج أهل المشافي=ماله ألا الله ماغيره مداوي
قالها شاعر من الهيلا عتيبه=للبناخي عايش الحر النداوي

المشاركة الأصلية كتبت بواسطة محمد الذيابـــي (المشاركة 1267313) .. صح لساااااااانكـ يامبدع. ....

المشاركة الأصلية كتبت بواسطة عايض جزاء العصيمي (المشاركة 1267393) يالله انك تقلع الحب وزمانه×يدخل الرجال في عسر الملاوي صح لسانك يابو جبار والله انك صادق (مار انت وش تبانا نسوي) تحياتي وتقديري لك

المشاركة الأصلية كتبت بواسطة ذعير العالي (المشاركة 1268411) ابوبجاد صح الساااااااانك وبيض الله وجهك قصيده جزله من شاعر جزل

المشاركة الأصلية كتبت بواسطة ابن سلوم الهيلوم (المشاركة 1268445) صح لسااانك ي بن جبار

المشاركة الأصلية كتبت بواسطة قيس العازمي (المشاركة 1268592) صح لسانك يابن جبار ويقول الشاعر الهوى قد ذبحله شمري = والدجيما على موته شهود تقبل مروري