الاياقلم سجل بوجه الورق واظبط = مثايل هجوسٍ دوب دارت شرايطها
لها عام واكثر ماستهاضت ودارت قط = وذاليوم جاها اللي شعاها ونشطها
شعتها معان اللي على الراهيه يقلط = سنا ناره بعال المراقيب شاعطها
عتيبيٍ ابدالي علومه وزاد وحط = على ايامه اللي غربلته بتسلطها
وشكا من الغرام اللي لعبه ولطه لط = من الحب اظنه رايحن في خرايطها
ولاياصحيبي كان وقتك عليك اشتط = وعلى غيرك من الناس راحاه باسطها
تصبر لابد تدور الايام لاتارط = لابد السعد عنك التناكيد يهبطها
لاتزعجك ناسٍ فالرخاء تخرط وتمرط = خباث النوه اللي بذانا مهايطها
لاجات الحقيقه يظهر الصدق ماينغط = عزاز العرب ماتلتف في ملقطها
ورجم الهوى من رام راسه وفوقه نط = عليه الشروط ام الغرابيل يشرطها
ومدامك بلشت وعمت بحرن بليا شط = وغدت بك هنوفٍ زاهي الزين شايطها
انا معك اباقف يالرفيق بثلاث نقط = بجاه ووجاه وفزعةٍ مانفرطها

لجات الحقيقه يظهر الحق ماينغط=عزاز العرب ماتلتفت في ملقطها

المشاركة الأصلية كتبت بواسطة فيصل مطر (المشاركة 1268956) لجات الحقيقه يظهر الحق ماينغط=عزاز العرب ماتلتفت في ملقطها صح لسانك يابوجلال رااايع والي أعرف عنك اروع من كذا بكثير تقبل مروري

المشاركة الأصلية كتبت بواسطة حاكم الغنامي (المشاركة 1269204) صح لسااااااااااانك صوت وصدى ولا اروووع لاهنت يابن جلال

المشاركة الأصلية كتبت بواسطة فايز بن سرحان الثبيتي (المشاركة 1269207) بالفعل ابداع وقافيه ولا اروع صح لسانك يابن جلال وصح لسان خويك فهيد "

المشاركة الأصلية كتبت بواسطة عايض جزاء العصيمي (المشاركة 1269219) صح لسانك ولسانه قصائد رائعه لاهنتوا

المشاركة الأصلية كتبت بواسطة محمد الذيابـــي (المشاركة 1269380) .. صح لساااااانكـ مليووون..

المشاركة الأصلية كتبت بواسطة ذعير العالي (المشاركة 1269382) صحت السنتكم جميع

المشاركة الأصلية كتبت بواسطة سامي المهياء (المشاركة 1269444) صحت السنتكم جميعا