الشامـي الـلـي حــب لــه شامـيـه=وغـنـالـهــا يـابــنــت يـامـرعـيــه
ماهـو لـك الله مثـل حـب الروقـي=للـي عـشـق لــه مـهـرتً روقـيـه
وقامت تهـزع لجـل سـود عيونـه=وحـذف شماغـه والحـق الطاقيـه
وغـنـالـهـا يـابـنــت ياالـمـزيـونـه=ياللـي علـيـك مــن المـهـا مـاريـه
يابـنـت قـــومً يـرفـعـون الـبـيـرق=وافعالـهـم تشـهـد لـهــا العـبـريـه
يــوم الفـعـول الـلـي تـعـد وتـذكـر=أيخـضـبـون الـسـيـف والشـبـريـه
ووجيهـم تحمـا الدخيـل ان جاهـم=ويـكـرمــون الــجــار والـطـرقـيـه
فلـي شـعـرك وحـولـي فاالسـاحـه=وهــزي ردوف ًهــزت الأرضـيــه
انتي منى روحي وطـب جروحـي=وانـتـي هـنـاي وشيـخـة الحـنـيـه
يضـيـق صــدري لافقـدتـك لـيـلـه=ولا اصبحت قمت اجاوب القمريه
يالعـنـبـو بـعــدك وحـــر افـراقــك=حـبــك طـعـنـي طـعـنـة الجـنـبـيـه
والله يـلــولا حشـمـتـي لـربـوعـك=انــــي لــقــول افــلانــه المـعـنـيـه
لاكـــن اقــــدر لابــتــك وغـلـيـهـا=واغلـيـك يــأم النـظـره السحـريـه
انـا فــدى رمـشـك ومحجرعيـنـك=وفــدى حـمـار الجـمـره السفلـيـه
الـلـي وراهــا مـثـل حــب الـولــو=تسطـع سـوات الشمـعـه الغـازيـه
لاتعلـنـيـن الـبـعـد عـنــي سـاعــه=والشـكـر والعـرفـان لـــك مثـنـيـه

المرشدي بأبياته الشعبيه=هيّض علي جروحي المخفيه
وجاوبته بصوتٍ يشد السامع=بأبيات شعرٍ كلها منقيه
مشعل شكى من حبّ خله وأسهب=في مدح بنت اللي لهم جاهيّه
من روق عزوتها ونجد المربى=من لام مشعل لاعشق نجديه
وانا عشقت الجادل الغندوره=الفاتن الدلوعه النشميه
فيها دلع طفل ورجاحة شايب=فيها طناخة راس وسنافيّه
فيها الجمال اليوسفيّ الباهر=اللي ماشفت مع الخلايق زيّه
عيونها تذبحني وتحييني=لبيه يانظراتها العفويه
لاسلهمت بالرمش كنها تنعس=ماعندها رحمه ولا ماويّه
حوراً هدبها جرح اللي تحته=في خدها من رمشها ماريه
وباقي الوصايف ما اقدّر اوصفها=خليتها في خاطري مكنيه
جرّيت لأجل عيونها موالي= وأردفت للموال بهجينيه
وعنّيت رجلي لإجلها كم مره=اروح والمرواح عكس الجيه
اروح وأنا مسفهّل حجاجي=كني وزيرٍ ماسك الماليه
وأرجع وانا ضايق صدر متكدّر=كني فقير مطالبٍ في ديّه
خلوه ربعه يوم كبر مصابه=وفقد جميع الراحه النفسيه
هذي مجاراتي وهذا حالي=وسلامي مني مقتفيه إتحيّه
للشاعر اللي هاضني ببيوته=وكتبت نفس الوزن والقافيه

ثارت هواجيس الشعر جبريه=بالوصف مثل الثوره السوريه.!
من بعد ماغنو عيال الروقه=ابيوت شعرٍ بالجزل مطلـــيه
مشعل وجاراه ابن عمه ماجد=ومع طرشهم بسوق لي منقيــه
كل(ن) تمثل في وصايف خله=ومن الغـرام اقلــوبهم مبليـه.!
طرو علي اللي خذت تفكيري=الجـادل المملوحـه الحـوريه
اللي وصايفها تحد الشاعر=لو يعتـزي بجنونه الشعـريه.!
ام النسب وام الجمال الهايل=ومن افخم اثياب الشرف مكسيه
اليا مشت جرت وراها العالم=حتى بـ مشيتها مهي عاديـه
كن البسيطه لا أونست ماطاها=تخفي لها علاقـةٍ طــرديه
وجديلها مثل الظلام الدامس=يدفي عن ارياح المساء الشتويه
والخصر يعزل جسمها من نحله=يمكن شبر.! والّا يزود شويه
فـ/أعيونها نظرة غرور وهيبه=اتخدر اللي يحتمــون الهئيه
اعن البني متميزه بالشامه=اللي يميـن الشفـه الـورديه
افراقها شمس الظهر فالكنه=ووصالها عندي سوات الفيـه
اخذت قدمي عيني خفوقي واقفت=ماهو عطا ولاهو (أ) بجبريه
وفوحت لاجل عيونها قيفاني= في دلـة الابداع من مافيه
عبرت عن مايجتول في صدري =والعذر ناره للعوارف حيه

المشاركة الأصلية كتبت بواسطة فهد العازمي العتيبي (المشاركة 1275403)  صحت آلسنتكم جميع مجاراه رائعه وأبدعتوا فيها .

المشاركة الأصلية كتبت بواسطة عثمان الثبيتي (المشاركة 1275410) صحت السنكم جميعً ياعتيبه شعار مافيكم حيله

المشاركة الأصلية كتبت بواسطة محمد الذيابـــي (المشاركة 1275415) صحة الالسن جميع كما يوجد خلل بالنظام جار العمل على اصلاحه قريباً..

فلـي شـعـرك وحـولـي فاالسـاحـه=وهــزي ردوف ًهــزت الأرضـيــه

المشاركة الأصلية كتبت بواسطة عبدالمجيد النفيعي (المشاركة 1275706) فلـي شـعـرك وحـولـي فاالسـاحـه=وهــزي ردوف ًهــزت الأرضـيــه المقصد في الجنادرية مثلاً !!!!!!!!

المشاركة الأصلية كتبت بواسطة علي الثبيتي (المشاركة 1275426) العود طلاب حسب ونسب وحده من الثلاث تكفون ياعتابه هههههههههههههههههه صحت السنتكم ابدعتو ياعتابه

المشاركة الأصلية كتبت بواسطة عايض جزاء العصيمي (المشاركة 1275439) صحت السنكم جميعا

المشاركة الأصلية كتبت بواسطة فيصل مطر (المشاركة 1275708) والله ثلاثي رهيب عنادالشيباني مشعل المرشدي ماجدالروقي صحة السنكم جميعا مجاراه رايعه جدا ومن اروع المجاريات وسلاسة البعد عن تنافس التحدي والانسجام اظفا عليها الروعه زياده وصح السنكم مجددا والله يعيدالشام لاهله تقبلو مروري

المشاركة الأصلية كتبت بواسطة قيس العازمي (المشاركة 1275467) صح لسانك واللسنة شعراء الروقه ولاهنت