مساكم الله بالخير جميعا..



اعتذر لـ انقطاعي عنكم برهه من الوقت..

ياعتيبه علموني وش حصل عند السفاره=والله انا مع جميع الخلق سيرتنا حميده
المصيبه حاصله في القاهره دار الحضاره=ياملكنا يابومتعب ياحكومتنا الرشيده

السوالف ماعليها عج والدعوى حزاره=حزروها ياعتيبه وانتوا رجال الشديده
الرجل لا سلم داره وش يبى في دار جاره=ابشر ان ذي حمكة العربان والحمكه جديده

المشاركة الأصلية كتبت بواسطة محمد زعمان الوايلي (المشاركة 1290113) مساء النور هلا بك يارجل السوالف ماعليها عج والدعوى حزاره=حزروها ياعتيبه وانتوا رجال الشديده الرجل لا سلم داره وش يبى في دار جاره=ابشر ان ذي حمكة العربان والحمكه جديده

يامحمد لوتطيح الطاوله والا الستاره=تعرف الموضوع كله هاتها جمله مفيده
السباع السحم ماتقرب ثعالبة الجحاره=ربك الوالي يابن وايل ويفعل مايريده

المشاركة الأصلية كتبت بواسطة أبن نافه العطاوي (المشاركة 1290117) صح السنتكم واااصلو ابداعكم متابعين

الستاره طايحه والوضع ممنوع الاناره=خلوا الموضوع سكته خلوا الانظار سيده
بس لو تلد عينك من يمينه من يساره=شفت وش يعني اللبن لا خظ يطلع لك زبيده

المشاركة الأصلية كتبت بواسطة محمد زعمان الوايلي (المشاركة 1290119) الستاره طايحه والوضع ممنوع الاناره=خلوا الموضوع سكته خلوا الانظار سيده بس لو تلد عينك من يمينه من يساره=شفت وش يعني اللبن لا خظ يطلع لك زبيده

فيه لعبه من غباء لكن لعبه من شطاره=والمثل يقول ماضد الحديد الا الحديده
انت لو تعرف تقيس الطقس واوضاع الحراره=يمكن انك باخر الايام تطلع بالجريده

المشاركة الأصلية كتبت بواسطة بدر بن ثعلي (المشاركة 1290120) صحة السنتكم ,, وعودا حميدا يا بن عاضي

المشاركة الأصلية كتبت بواسطة سهيل 1 (المشاركة 1290127) بدع ورد .. صح لسانك يا العضياني والحمد لله على الوصول .. وصح لسانك يا الوائلي .. وردك وافي .. يا ليتهم يسكرون السفارة بالمرة .. ذولا ما ينفع معهم ألا العين الحمرا ..

المشاركة الأصلية كتبت بواسطة السـلطان (المشاركة 1290134) العضياني + الوايلي صحت السنتكم واصلوا وحنا متابعين ومستمتعين

من لعب لا يلعب الا بالشطاره والجداره=لجل لا ترجع سواليفه على راسه عصيده
والعرب في ذا الزمن مثل المواتر والاشاره=خضرت يمشي شجاع ان حمرت وقف بليده

المشاركة الأصلية كتبت بواسطة محمد زعمان الوايلي (المشاركة 1290141) من لعب لا يلعب الا بالشطاره والجداره=لجل لا ترجع سواليفه على راسه عصيده والعرب في ذا الزمن مثل المواتر والاشاره=خضرت يمشي شجاع ان حمرت وقف بليده

انتي تدري وش تعني لعبة القطوه وفاره=شي واضح ياسعيد ألعب مع الجاره سعيده
اكثر العربان صاروا مثل وطاي الخباره=بس طعني لاتسمع بالشياطين المريده

من بنا له بيت فالدنيا قصر ولا عماره=والله انها ماتفيده والله انها ماتفيده
غير كلا" حسب ماسوى مع جاره وداره=والله انه يعيض الامه يالسنافي فالفقيده