السلام عليكم ورحمة الله

السلام عليكم ورحمة الله وبركاته

بدون قلطه عليكم اطلب منكم الإذن


ياسلام الله على اهل الوفا وهل الوجوب

الرجال اللي وفا للعرب مكيالها

يالعتيبي لو تصلي لغفار الذنوب

خبر من ضلعان صلا ومن مسيالها

حياك الله واذنك معك يالقرم

مرحبا وأنا عن أهل الوفا حاضر وانوب=والرجال أهل الكرم ماجهلنا أفعالها
تشتهر بالذكر ضلعان صلا والجنوب=ويشهد الها رجل كلامته دوبه قالها

امس كان الشيخ في مجلسه ناره شبوب =كيف عود صاحب البشكه أودلالها
يوم جاب الطيبه سار في ربعه كذوب=مير اضنه حض بقعا وحض اعيالها[/align]

لاتزل النار في مجلسه وهو محبوب=والمشاكل عارف ن عمها من خالها
ومن يجيب الطيبه فعل يمناه (ا)محسوب=ونال فعل الخير راع المكارم نالها

يالعتيبي مالك أومال عسرات الدروب=كل عقده يالعتيبي يجي حلالها
لاتجي مزبن ولاينذري فيها حبوب=البقا فالحله اللي تدور إدلالها

ماعلينا عسر كنا نسقي بالغروب=قبل لا الدنيا تغير بدنيا ابدالها
ولاتزال أنحبها والها حب ن القلوب=لأهلها طابت وهي طيب ن منزالها

انت تبغا الشاه مضرع وتبغاها حلوب=ما تخاف الله تشرب حليب إطفالها
طيع شوري ونتبه للمفلي والركوب=والرجوله راعي المحقره مانالها

يالحصيني انت رفيقي وبن عمي ولا ودي يطول البيت

انا هذه اول محاوله لي وناى لست بشاعر لاكني متذوق للشعر اما انت فلاشك انك شاعر متمكن

ونا جازفت معك على قول المثل حسبنا السيل ينقطع لقيناه سيل الوادي الفحل

الختام ابي اتركه عندك الليل سرى

خوفي الله يعلمه وهو علام الغيوب=وانت وش كبرك غير النعاج (ا) وفالها
ماجهلنا في كلام الحقيقه والشعوب =والقيامه قربت وانتظر دجالها