ماتضيق ويلتوي حبل نشبات العرب=غير ربك يفرج كروبها ويحلها
تصعب وتخرج عن السيطره بعض الكرب=ويتحيًر فكر الانسان كيف يفلها
ويتجاذب حبل تازيمها كل من قرب=كل يمنى من حفا الوقت ختل إتلها
لنترب كفٍ رهاوي عجب كيف انترب=كيف يرجع لو يفكر وكيف يعلها
من شرب من كأس الامرار عده ماشرب=لو شفاه اليابسه تنتخي مابلها
كل عله حصلوا طبها حتى الجرب=والحماقه شلت الطب وأعمت خلها
لو تأنوا فالمناويخ قادات السرب=ماوقفت حملة هل المائله في ظلها
ياترى كلٍ يجنب ويعطي له درب=والدروب البارحه كل ذهن يدلها
قلتها ماهي شماته ولاداعي طرب=قلتها لاجل الهواجس دنت في حلها
سوق الاسهم ماتعافا بعد يوم انضرب=والهوامير عبثوا في التجاره كلها

المشاركة الأصلية كتبت بواسطة سعيد مرزوق العبد (المشاركة 1297326) يتشرف سعيد العبد ان يكون اول واجد يقولك صح السانك وانتظر جديدك

المشاركة الأصلية كتبت بواسطة مرزوق حمدان العتيبي (المشاركة 1298079) .. . صح لسانك ياحمود .. ابدعت والجزاله غير مستغربه .. ..

المشاركة الأصلية كتبت بواسطة وصل الشهيب (المشاركة 1298267) الأخ الأستاذ الشاعر حمود بن خيشوم قصيده هادفه وجزاله غير مستغربه من أهل الجزاله سلمت ودمت وصح لسانك تحياتي