الله يحسن عزا الشعب وقياداته=ويحسن عزا المملكه في موت نايفها
النايف اللي شموخه مثبتً ذاته=من ايمن الدار حتى ايسر طوارفها
ف امن الوطن باذلً كل اهتماماته=مواقفه كل شاهد حق شايفها
يوم ان الارهاب قام يرز راياته=واهل الفتن للوطن شالت قذايفها
بعد الولي ماحمانا غير وقفاته=بقواته اللي على امن الشعب كلفها
مالوم من هل من فرقاه عبراته=نبا وفاته مطمه مقدر اوصفها
لكن مومن وكل الناس مواته=لعل نايف ثمار الخلد يقطفها
الله يجازيه عشره اضعاف حسناته=وعن عاتقه كل زلاته يحذفها
ويعوضنا الله بمن ينقل مهماته=من الاسره اللي على الطاعه تكاتفها
والشعب فيها بليا حدود هقواته=ومعها عهود الولا مهوب مخلفها
والله يحفظ الملك ويقل عثراته=ويجبر عزا المملكه في موت نايفها

المشاركة الأصلية كتبت بواسطة فهيد الايدا المورقي (المشاركة 1303335) فهيد الرويس صح لسانك ورحم الله الامير نايف بن عبدالعزيز

المشاركة الأصلية كتبت بواسطة فيصل مطر (المشاركة 1303367) فهيدالرويس صح لسانك مليون مبدع دايماوالابداع لايستغرب من اهله بيض الله وجهك ورحم الله أسد السنه آمين تقبل مروري

المشاركة الأصلية كتبت بواسطة ابن سلوم الهيلوم (المشاركة 1303964) لكن مومن وكل الناس مواته000لعل نايف ثمار الخلد يقطفها فهد الرويس صح لسانك لين ترضى واسال الله ان يرحم فقيد الامه ويسكنه جنات النعيم

المشاركة الأصلية كتبت بواسطة عايض جزاء العصيمي (المشاركة 1303983) صح لسااااااااانك مليون يافهيد والله يرحمه ويسكنه الجنه تقبل مروري

المشاركة الأصلية كتبت بواسطة سعد المسـعودي (المشاركة 1304054) الشاعر : فهيد الرويس ... أولاً : أحسن الله عزاء الجميع ،، ورحم الأمير : نايف رحمة واسعه ،، ثانياً : شهادتي فيك مجروحه ،،،، وأعلم جيداً مهما تداخلت بمفردات وجمل الإشادة لن تضيف لك .. الجديد ،، ككونك وجزالتك مافوق ذلك وبكثير ،، ثالثاً : هنا ... ومما تفردت به .. بشكل أستثنائي ،، هو مسك العصى من الوسط ،، حيث لم يكون مانزف بالمضمون على حساب الشعر ،، وكذلك العكس ،، ... لله درك ،، ويديمك على هالشموخ يابعد رأسي وللشعر أحد أقطبته المشار لهم بالبنان ،، وصح لسانك ... عدد مايرووق لي إبداعك يالجزل ،، أحترامي

المشاركة الأصلية كتبت بواسطة راشد النفيعي (المشاركة 1304108) لايوجد عندي اضافه فقد كفى ووفا الشاعر سعد المسعودي ولاعندي اضافه على ماقاله سوى صح لسانك يارويس

المشاركة الأصلية كتبت بواسطة عزارم (المشاركة 1304228) صح لسااااااااانك مليون ياطيب والله يرحمه ويسكنه الجنه