العنجهيّه اخَّرتنا... مادريتي يا إعربيّه* =اننا بالعنجهيّه غبنا في بحر الظلايم
مانفعنا كوننا بين الدول أمه غنيّه=عالمٍ ثالث ولا له بالمعالي من قوايم
لا زعلنا مات خيٍ منطعن بسيوف خيه =ولا طمعنا..رحنا نطلب من رضا بعض الخصايم
كيف نعلى و انتقدم وهي كسيره هالمطيه=ودامها النيه مطيه..حظنا يابنت نايم
النوايا في خفايا والوجيه الفين طيه=والحقيقه..شاب راسي مالقيتلها نظايم
جيت ابينلك امورٍ عن مدارك مختفيه=ودامها هالحين بانت..لك في قلبي الف لايم
ودي افهم ليه حالك في وصالك عنجهيه=مادريتي ان المولع تايهٍ وسط الغمايم
يتضح دربه بهمسٍ من شفاهٍ نرجسيه=ويحتفي اسمه بنطقك من وراى سود اللثايم
مبتداك..ولا رفعتي صارت الجمله وفيه=وان كسرتي..اه ساقي.. وش بقابي من ضغايم
ما دريت ان المحبه مثل حد الفيصيليه=لين شفت الوصل ميت ضايعٍ بين الرحايم
وانا كسبي في بعادك شعر وحروفٍ شقيه=نوب يجبرني واغني ونوب يوردني حمايم
وانا قافي لو توحّي في لحون الراعبيه=شفتي نصفه من جديدي ونصفه الثاني قدايم
مل صدرٍ لا تملا من ذعاذيع العذيه=..اشتعلبه الف طاري من تحاسيف وندايم
كنها لاهب نسمه.. تنفخ بجمر المليه=لين يضوي ويتشاعل وسط حدبات العظايم
ليلة البارح دعاني من دواع االدمع.. ميه=بين ربعي ماصحيت الا بعبره من كتايم
جيت اداريها وعيّت لا تطوّع لرِّجيه=ويل حالي احرجتني بين ..راعين العمايم
قمت اخم الرجل وامشي في دروبٍ سرمديه=معطيٍ درب الغداري..لا مكاسب.. لا سلايم
ثم رفعت الصوت كله..يا أجوديه..يا أجوديه=وش يفيدك لاقطعتي حلو طعمك عن صوايم
مادريتي ان القلوب المشتهيّه مبتليه=مادريتي ان ماغنمتك.. ماني محصل غنايم
قبل اعرفك.. كيف راسي من قدوع وشاذليه=ويوم صرتي في وريدي خاب ظني والعزايم
واخر شيٍ من لساني..خلّي عنك العنجهيه=لاننا بالعنجهيه.. غبنا في بحر الظلايم

المشاركة الأصلية كتبت بواسطة فيصل المسعودي مقووول الا صح لساااااااااااانك راااائعه منك ياغاااااااالي تحياتي

المشاركة الأصلية كتبت بواسطة نمر1 طول الله عمرك وصح لسانك

المشاركة الأصلية كتبت بواسطة مرزوق العتيبي ... صح لسانك يامشعل وبيض الله وجهك... على معانيك اللي لها طعم .... تحياتي

المشاركة الأصلية كتبت بواسطة ذيبان صح لسانك يا مشعل قصيده جزله كالعاده ومضمون راااااااااائع صح لساااااانك اخوووك

المشاركة الأصلية كتبت بواسطة الفراهيدي صح لسانك وبيض الله وجهك وننتظر القادم تحياااااااااااااااااااتي

المشاركة الأصلية كتبت بواسطة ابـن نـعـيـس صح لسانك قصيده رائعه تحيااااااااااااتي

المشاركة الأصلية كتبت بواسطة ((الدلبحي)) صح السانك ماقصرت تحيااااااااااااااااااااتي

المشاركة الأصلية كتبت بواسطة برقا وي باشه عطيب الضرايب فعلاً عطيب صح السانك قصيده رائعه بحق بيض الله وجهك اخوك عبد الله