تهيض ياضمير الشاعر اللي يبدع القيفان=من هجوس الرجال اللي ماتخلف وزن قيفانه
وأنا لا دق هاجوس الضماير دقت البركان=بنات الفكر تطلع والسبب ناره وبركانه
وأنا شاعر ليا منه بنا قافه على السيسان=وجاه المنتقد ماينتقد قافه وسيسانه
وهذا فضل من ربي عزيز الجاه عال الشان=كريم الوجه لو أركع ولو أسجد على شانه
ذكرت الاوله والثانيه بس الله الرحمن=ولابه خير في مجلس تغيب عنه رحمانه
وتبقا الثالثه طبعاً رسالة حب بالعنوان=رساله للحبيب اللي ماغير رقم عنوانه
وفي مضمونها مضنون عيني ماني أبخوان=لكن أنتي بقانون الهوى والعشق خوانه
أنا ياما وفيت وسقت قلبي بارخص الاثمان=على شان أرضي أغرورن بنفسك زادت أثمانه
وأنا ياما هديتك من ورود الفل والريحان = وأنا ياما هديتك من قصيدن فاح ريحانه
وقلت خاتمتك وقمت دوني تصفق البيبان=وتنسى اللي على شانك يشرع كل بيبانه
وتنسى انك معاهدني مايدخل بيننا شيطان=وأشوف أبليس واعوانه دخل وألفين شيطانه
وفرقنا على مالون لا رابح ولا خسران= وأنا ماقول ربحانه وأنا ماقول خسرانه
أقول الله يساعدني على النسيان والسلوان=ويلهم قلبي الملتاع نسيانه وسلوانه
وبعد الهجر جايتني وعذرك أن أنا الغلطان=لكن الواجب أتقولين أنا آسف وغلطانه
بعد عامن مضى لا تطلبين الصفح والغفران=أنا أدعس بالقدم قلبي ولو ينطق بغفرانه
أنا بطلت من حبن بلا معنى ولا برهان=أنا وش لي بحبن ماثبت فالوقت برهانه
هذا دربي ودربك مع طريق فلان ولد فلان=وأنا بعدك ولا وحده تجي فالقلب يافلانه

المشاركة الأصلية كتبت بواسطة فيصل المسعودي صح لسانك يالغالي على هالرائعه والجزله تحيااتي

بعد عامن مضى لاتطلبين الصفح والغفران=أنا أدعس بالقدم قلبي ولو ينطق بغفرانه

المشاركة الأصلية كتبت بواسطة بعيـد الـدار صح لسان الشاعر العملاق تحيااااااااااااااااااتي

المشاركة الأصلية كتبت بواسطة مقعد الدغيلبي ذياااااااااااااااااااب صح لسانك يامبدع وش ذا الكلام ياجزل بعد عامن مضى لاتطلبين الصفح والغفران=أنا أدعس بالقدم قلبي ولو ينطق بغفرانه

المشاركة الأصلية كتبت بواسطة مرزوق العتيبي ... . قصيده جزله من راس ٍ جزل ياذياب .. ... صح لسانك مدد اكبر من اي عدد .. واعذرني على التأخر بالتعليق .... علي بالحرام توني اشوفها :) ... تحياتي

المشاركة الأصلية كتبت بواسطة ابن عمكم صح لسانك وسلم بنانك قصيده جميله جدا