أنا البارحه يوم إن خالي الضماير بـات= تسلّطّ علـى عينـي حريـبٍ يحاربهـا
حرمها لذيذ النوم والنـوم لـه لـذات = ليا حل فـي العينيـن فتّـر حواجبهـا
سرت بي ركايب هاجسي في زمانٍ فات= وكم مـن هواجيـسٍ تتعّـب ركايبهـا
أراجع كتاب العمر واقلّـب الصفحـات = وصفحـه مزيّنهـا وصفحـه مخربهـا
وياكثر مافيها صور نـاس وحكايـات = صور ناس وحكايات واشعـار كاتبهـا
زمان الصبا يوم الهوى طيّب النسمات = ليا داعـب الأنفـاس ريحـه يطيبهـا
بريح الزهور اللي لها بالهوى ميـلات = ليا هبت انسـام العصـاري تجاذبهـا
وانا مثل طير الروض لاطابت الأوقـات = يطـارد فراشـات الزهـور ويلاعبهـا
وروح الصبا غضه طريه لهـا فـزات = خدمها صحيح الجسم والجهل صاحبهـا
وما تدري إن العمر يمضي وله ساعات = سوالف ربيعـه فـي خريفـه يكذبهـا
هوى النفس يدفعها ويظهر لها الرغبات = وكم رغبـةٍ كانـت وخيمـه عواقبهـا
ولابد ماتصحى من الجهـل والغفـلات = ليا شابت اللحيـه وشابـت شواربهـا
وماتت زهور الروض واوراقه الغضات = وقبّل على الأغصان حطـاب يحطبهـا
لوإن المطر همّال مايحيي اللـي مـات = تشوف السيول تسيل والرمل يشربهـا
ليا اقفى ربيع العمر قفّت معه حاجـات = بعدها تلـد العيـن وش عـاد يعجبهـا
رسوم الديار الباليـه مابهـا طمعـات = ليا اقفى الربيع وصالي القيض يلهبهـا
وعمرك مطيه عودت تسرع الخطـوات = بعد ما اونست جرح المسامه بغاربهـا
نوت تنهي الرحله وتخلص من الحملات = وترتاح من هـذي المسامـه وراكبهـا
نصيبك من الدنيا رصيدٍ من الحسـرات = وهـذي هـي الأيـام وانـا مجربهـا
ولابدى مشرق شمسها يخلف الهقوات = ولابـد مشرقهـا يـعـوّد لمغربـهـا

المشاركة الأصلية كتبت بواسطة ابـن نـعـيـس صح لسانك ولسان الهذلي مبدع كالعاده يا فيصل تحيااااااااااااااااااااااااااااااااتي

المشاركة الأصلية كتبت بواسطة ((الدلبحي)) صح لسانك ولسان الهذلي اختيار موفق تحيااااااااااااااااااااااااااااااااتي

المشاركة الأصلية كتبت بواسطة فواز الشيباني اخي فيصل المسعودي صح لسانك ولسان الهذلي

المشاركة الأصلية كتبت بواسطة ماجد الهذلي مشكور يا فيصل بالفعل عبد الله الطلحي يعتبر شاعر الحكمه الأول وبيض الله وجهك على هذا الإختيار

المشاركة الأصلية كتبت بواسطة المبتدي تسلم يمينك يافيصل وصح السان شاعرها اختيار موفق تقبل تحياتي