ياسلامة قلبك اللي لاعه المكتوب لاعه = صدق من قال المجنب في طريقه مايخلا
كل رجل ٍ ماينال المجد من مكسب ذراعه = يمتلي قلبه من اهل المرجله غيره وذلاّ

بعض خلق الله ياباتل مابقى عنده مناعه = مايفرق بين طعم الحنظله واللي محلا
والجبل ماغيرت لفح الهبايب بارتفاعه = ومن طلع راس الجبل زالت همومه واسفهلا

كان قابلت السنافي ماتضايق من طباعه = ممتلي كله شهامه وان حكالك مايملا
وكان قابلت الردي يبدي لك بقل السناعه = ون نصحته لاتمادى بالخطيه... ردّه الاّ

الوداعه سلموها رجل مايبخل متاعه = يبذل المجهود فيها وانبداله ضيف هلا
وانت قلي ليه ضاق الكون من بعد اتساعه = بين سكان الحديده بين سكان المكلا

والله اني ماتلكع لايجي داخلك راعه = مير جاوبني على قد السؤال ..ولاتضلا!!
كان تحرجك الاجابه قول مامعي استطاعه = وانتبه ياطيّب المجنى تزيد الطين بلا

انتها الموضوع ياباتل وقفلنا الاذاعه =والفهيم اللي يعرف الدرب لا يمكن يزلا
مايزل الدرب غير اللي معاند في ضياعه = والمعاند في ضياعه ودك انه مايدلا