اربع قصايد فتل .. وازريت اراضيك=لا انقضت لي بيتٍ والا قلت مسموح
دنيا تعدّك .. يا حبيبي تعدّيك=بالله هوّنها على قلب مجروح ...
لا يرتكز علمك على بيضة الديك !=مالك ومال الديك يا هيه مصلوح !!
كلمة حبيبٍ كل سوالفه تحكيك=ما ظنتي تزعلك لو كنت مشفوح
اي والله احبك وانا ميتٍ فيك=واللي فتني فيك ما قلتها امزوح
يمكن يخاف القلب واكذب واهدّيك=مير الحقيقه داخل الصدر وتفوح
فاح العبير اللي يعطـّر طواريك=حاولت ادس الحب والحب مفضوح
ليتك تحب اللي على الناس مغليك=حتى لو ان (فيصلك) ماهوب مملوح
عاشقك واعشق يالمدلّع دعاويك=وابدع على شانك .. لو القافيه ( اوح ) !
دوك ( القصيدة ) كلّها بين يدّيك=خطابٍ موثق من الروح والبوح
اربع حروف الحب منّي تراضيك=واقرِب وبوس الخد والكل مسموح