الطيب بين الناس يحتاج تحليل=والعلم ثابت والرجاجيل قدام
وانا علي اعطي للامثال تمثيل=واقول لاصارة مفاهيم واعلام
النور واضح مادخل فيه تضليل=نور العقول اللي لها الطيب مقدام
نايف ولد من يركب الكنس الحيل=اللي على العيرات بالشرق والشام
حاز المفاخر مارضى يرقد الليل=من نار بن عروج في طيب لزام
والغزوة اللي تتعب الجيش والخيل= محدٍ غزاها غير مقدم بني لام
وابن الكثيري من سيوفٍ مصاقيل= من راس عودٍ من صعاصيع ضرغام
ودارة ودارة واليالي مقابيل=تظهر علوم الناس عامٍ بثر عام
ونايف برز مثل الجبل بالرجاجيل=احيا مئاثر كادت اتروح احلام
ابومحمد من صقورٍ مداهيل=يكفخ بجنحان السعد فوقنا حام
راس الطناخه من زحولٍ حلاحيل=مطنوخ والمطنوخ في صدره اوسام
وخواله العتبان ذباحت الحيل= وعمامه العروج ياطيب الاعمام
ياطى على الصعبات مايشكي الميل=ويدخل على الغبات لوكانت الغام
من نجد من نبع الرجال المشاكيل=اللي نهار اللازمه درع وحزام
قدام وجهه يفتحن المقافيل=من طيب قلبه يرتكز ساق وعظام
يطول عمر اللي عطى البن والهيل=قيمه ومعنى ماحصل فيه مثلام
سمر الدوب ومكثرات البهاذيل=ماوقفن معشوق من حطة الثام
ولوغاب نجم الجدي مانفقد سهيل=كلٍ يشوف النجم في لليل الاظلام
شيخٍ لك الصعبات كله تساهيل=تعتز من عزك صناديد وحشام

المدح الياجاك من اهل المدح يحق لك ان تفتخر فيه.. ونعم بشمر وساع الطعون كبار الصحون نشهد الله على حبكم لما تتميزن به من صفات العرب الحميده .. حياك الله في محلك ..

ياهلا وألف هلا حياك ياراع المثايل=
يارفيع الشان والتقدير بعد الإحترام=
مرحبا يالشمري إعداد همال المخايل=
يابعيدين الهقاوي يارفيعين المقام=
شفت بالهيلا بيوت مابها قولات قايل=
منك ياعلوش مثل الدر مافيها كلام=
تمدح الطيب بقاف وافين مابه هزايل=
وشايفن بالعين فعله يوم لبسته وسام=
نادر وإن هد ياعلوش جابلك الجزايل=
حر ومجرب مخاليبه كما حد الحسام=
من سلايل لام ياعلوش ياطيب السلايل=
ومن خوال لا تعزوت بالملاقا والزحام=
عز من صارو خواله كريمين السبايل=
دايمن طيب الولد من طيب خاله له لزام=
ومن عمامه باينن فعله بحزات الثقايل=
شايع بالطيب في شرق شهر ولا بشام=
كنه النجم المسمى للنجم راع الدلايل=
وكنه العد المسمى للضوامي والحيام=
والسلام ختام فالاول وفي ختم المثايل=
عد من كبر وصلى وعد من صام الصيام=