سلام مني .. والمعاني .. ثقيله
 

,
,
سلام مني والمعاني ثقيله = واللي يبا يبرك لحمل(ن) يشيله
اللي مايقدر لايضيع حصيله = وأنا أحمد الله يوم ربعي عتيبه
,
,
أنا عتيبي ولي جد(ن) يدوس (أ) قدمه = درب المراجل وأنا صدري عليه الوسام
أدور الشاعر اللي مايخط (أ) قلمه = غير الحقيقه وله حشمه وقدر ومقام

ياسلام عليك يالايدا


كفوووووووو وفي لانتظار لشاعر يجاريك

يامرحبا ياشاعر(ن) يصخر القاف
ذكرني الشعار مطلق وصياف وربعي عتابه تحتمي كل ميقاف
وانا احمد الله يوم انا من عتابه
اللي تعزوى بجده مانقول ارخمه= وانا ادري ان الفعل ماهوسوات الكلام
ابشر بشاعر يثمن جابته من فمه = عطني علومك يا لايداءوالك كل احترام

الاخ مرزوق حياك الله
والابداع بوجودك يالغالي

الاخ مقعد الدغيلبي ابيض وجه
والله يعطيك العافيه

,
,
الك البقا ياللي كلامه جزاله
======= ماهومثل من يتبعون الجهاله
أبوه قدامـــه مجــود خــواله
======= وأنا أحمد الله كلنا من عتابه

,
,
اللي تعزوى بجده ما أحد (ن) يزحمه
========== والفعل بين ونور الصبح يجلى الظلام
أزهم على الطيبين وغيرهم ماأزهمه
========== أترك ردي العرب ماله علينا مــــــلام

الطيب للجواد جيلآبعدجيل
يالشاعر اللي توفي الوزن والكيل
وعتيبه الهيلاهل الكيف والهيل
وانا احمدالله كلنا من عتابه
ياذيب قود المعاني والطريق ارسمه= وسوق الجمل سوق والاجوده بالخطام
العرف مانجهله والغيب مانعلمه = لا كن مايستوي في الوقت حرب وسلام

الأيداء

يا سلام يا سلام قاف رائع

أنت والنشمي إبداع

تحيااتي

الايــــــــداء
والنشــــــــــــــــمي
مبدعــــــين ومحاوره أبداع

,
,
,
الطيب ينصا اللـي يعديـهم العيب . . . ماهو(ب) للي يخطي الدرب ويصيب
اللي يعـذرب في رجال المواجـــيب . . . وأنا أحمـــد الله كلــــنا فـي عتـــــابه
,
,
بعض العرب علمك اللـي ياصــله يفهـمـه
ــــــــــــــــــــــــــــــــــ ولا ؟ بعضهم يرد العلم قــــبله وشــــــــام
حطو له (أ) وسام . ما . يستاهل الاوسمه
ـــــــــــــــــــــــــــــــــــ ساوو به اللــي مكانــــه في عـــلو السنام

صح السنتكم


واصلوووووووو


طاروووق رائع من مصخرين القاف

00

الله الله على هالابدااااااااااااع


شعار كبار


وحتمنا سنستمتع بمتابعتهم




احترااااااااااامي

,
,
الأخـــــــــــــــــــوان

الدلبحي

ماجــــد

المورقي

أبن نعيس

خلف مرزوق

مروركم وسام على صدري وأفتخر فيه ,,,

اللي يعذرب في الرجاجيل منحوس
وان قاله الله ينحني حنيت القوس
وانا ادري الرجلين ماهي كما الروس
وانا احمد الله يوم انا من عتابه
اللي مايفهم لجت فرصتك لاترحمه = ذبحه يالايداءحلال وترك مثله حرام
اترك كلام(ن)وجوده صار مثل اعدمه=ماعادينفعك كلمة ليت يابن الكرام

الاخوان الافاضل
الدلبحي
ماجد
المورقي
ابن نعيس
خلف مرزوق
حياكم الله ياخويانا ومروركم شرف لنا وبيضان وجيه يالغالين

حنا قضات العدل مانقبل الميل
يشهد لنا التاريخ مع حرب وهذيل
الساس ثابت من جداره الي السيل
والجد ثابت وافتخرفي عتابه
الجمر ماهو تمر للي يبا يلهمه = علم بها اللي غشيم وجاهللآ في النظام
اللي حضر سدعن ربعه ورز اعلمه = وفارس يكفي من اعتابه نهارالزعام

صحت النتكم يالشعار

الايداء والنشمي شعر له مكانته

ويستأهل المتابعه من شعارين لهم وزنهم .

الاخ المورقي صح بدنك يالغالي
ومرورك شرف لنا وابيض وجه

الاخ الشاعر الايداء يشرفني اللعب معك
وبيض الله وجهك على الابيات الجزله وصح لسان مليون
ولاتهون يالغالي
وتقبل تحياتي اخوك النشمي
ولنا لقاء قادم انشاء الله

أنا أشهد أنكم شعار وهذا الشعر لايصدر الا من شعراء مقتدرين أمثالكم

يعلم الله أن أعجبت بهذه المحاوره ولهذا السبب علقة عليها .