|
عتيبة ومجلس الامة والتحالفات أرجو التثبيت..!
بسم الله الرحمن الرحيم
السلام عليكم ورحمة الله وبركاته أخواني الاعضاء أحببت أن اضع موضوع يتكلم عن أنتخابات مجلس الامة الكويتي والاحداث التي تحصل مع مرشحي قبيلة عتيبة والدوائر التي يقطنون فيها وأهم التحالفات التي تحصل معهم أتمنى من الادارة العزيزة ان تثبت هذا الموضوع حتى نهاية الانتخابات كي يستفيد الاخوة الاعضاء ومعرفة أخر أخبار القبيلة في دولة الكويت أولا: الدائرة (10) العديليه 1-منصور ذعار عبدالله عبا العتيبي *هذه الدائرة تعتبر دائرة عوائل الحضر ويوجد بعض العتبان الذي لايتعدون عدد اصابع اليد ثانيا:الدائرة (14) خيطان 1-حمود ناصر العبدالله الجبري العتيبي 2-وليد مناحي صنهات ساير العصيمي العتيبي 3-فارس سعد عيد عبدالله الحافي العتيبي 4-فيصل علي عبدالله المسلم العصيمي العتيبي *هذه الدائرة هي موطن عتيبة ومكانها منتصف الكويت وتعتبر من الدوائر التي يبحث عنها الطماعين واصحاب البيزنس مان فقد خربها الجيعان المطيري وبوردن ناكر الجميل والجويهل الذي صرح برصد 3مليون دينار من أجل هذه الانتخابات كيف ماتبونها تصير منطقة بيع الذمم بس ان شاء الله ربعنا لهم بالمرصاد فيصل المسلم - حمود الجبري -وليد العصيمي - فارس الحافي الله يوفقهم ثالثا":الدائرة (16) العمرية 1-ضيف الله نهار مسفر نهار العضياني العتيبي *لاأعلم سبب نزوله في هذه الدائرة حيث المعروف بأنها لقبيلتين لاغير الرشايدة والمطران وعدد بسيط من العتبان بس نقول الله يوفقه رابعا":الدائرة(21) الاحمدي 1-سعدون حماد عبيد مزعل المقاطي العتيبي *تعتبر الدائرة 21 من أكبر الدوائر في الكويت من حيث المناطق ومن حيث الناخبين فقبيلة العجمان تأتي الاولى في أكثر عدد ناخبين ويليهم العوازم ومن ثم العتبان ومن ثم القبائل الاخرى والعوائل الحضريه الله يوفقك ياابوحماد خامسا":الدائرة (22) الرقة 1-صالح محسن غازي مبارك العتيبي *هذه الدائرة عدد العتبان فيها مايقارب 480 من غير النساء الله يوفقه سادسا":الدائرة (24) الفحيحيل 1-المهندس : دعيج خلف العتيبي *هذه الدائرة أكثر عدد ناخبيها قبيلة الهواجر وقحطان والعوازم والعجمان والدواسر واخيرا" العتبان والعوائل الحضريه تنتظر قبيلة الدواسر وعائلة الدبوس قبيلة عتيبة كي تتحالف مع أحدهم وانا اقول تحالف مع أحضري اشوالك..! الله يوفقه محدثكم قحص من قلب الحدث أول بأول|189| |
...
. بيض الله وجهك ياقحص .. ونتمنّى للجميع التوفيق من الله .. ... ننتظر منك الاخبار اول باول .. .. |
مرزوق العتيبي
ووجهك يالقرم لاهنت على التثبيت |
الاخ العزيز قحص مشكور على اهتمامك واخبارنا بالمعلومات في حينها
ولكن نرجو منك توضيح الانتخابات لنا كيف طريقتها نحن نعرف ان سعدون حماد فاز هل يعني خلاص صار عضو في مجلس الامه ام سوف يخوض انتخابات ثانية نرجو منك التوضيح لنا شاكرين لك حرصك وتواصلك اخوك ،،،،،،،،،،،،،،،،،،،،،،،،،،،،،،،اثلث |
الاخ أثلث
بالنسبة لسؤالك عند نزول عدد كثير من قبيلة واحده يتم عمل القرعه ويقال لها الفرعية وهي انتخابات مصغرة بالاتصال على مجموعه من قبيلة عتيبة بحيث يكون من كل فخذ فيتم أعطائهم أوراق فيها اسامي المرشحين العتبان كي يختارو شخصين من القبيلة كي يدخل في الانتخابات لمجلس الامة وتنصب الاصوات على هذا المرشح الذي تختارة القبيلة أمس فاز سعدون بن حماد العتيبي بعدد كبير عن باقي مرشحي العتبان المشاركين في الانتخابات الفرعية وهي المصغرة. للمعلومه(تعتبر الانتحابات الفرعية جريمه يعاقب عليها القانون الكويتي ) وهذا دليل رغبت عتيبة بسعدون العتيبي كي يمثلهم في مجلس الامة الكويتي |
السلاااام عليكم,,
شكرا للمجهود الواضح لك اخوي قحص والله يقويك ويكثر من امثالك,, الله يطرح البركه بالمرشحين ويوفقهم لما فيه خير عتيبه واهل الدائره ولك مني كل التحيه والتقدير على المجهود الوافر,, اخوك-عتيبي صريح جدا |
...
.. الاخ : قحص بيض الله وجهك على الجهود التي تبذلها لخدمة المنتدى و القبيلة واله يوفق ابناء العمومه وينصرهم مودتي . |
بسم الله الرحمن الرحيم
الاخ قحص والاخوه الاعضاء الافاضل والزوار,, في البدايه احب اقول ان اخوي قحص طرح موضوع جيد وجدير بالاهتمام ولازم الكل يعطينا رايه واقتراحه وتوقعاته,,لان الموضوع هذه هو موضوع الساحه عندنا حاليا وانا مستغرب ان المنتدى عندنا لغايه الان ما تفاعل بالشكل المطلوب مع الحدث خصوصا انه يطغلى وبشكل ملحوظ بنسبه كبيره من المشاركات في جميع المنتديات سواء القبائل الثانيه او غيرها من المنتديات,, لدرجه ان بعض المنتديات يستضيفون فيها مرشحينهم ويتم عمل لقاءات لهم واخذ اسئله من الاعضاء والزوار,, نرجو من الاخوان المشرفين الاهتمام اكثر واكثر بالموضوع. اما بالنسبه لموضع اخوي قحص واللي تطرق فيه للمرشحين وحظوظهم بالترشيح في الانتخابات المقبله فانا اقول ان التركيز راح يكون على الدئره 14,,خيطان,, والدائره 21,,الاحمدي,, اما باقي الدوائر فانا اعتقد ان نسبه النجاح فيها للعتبان راح يكون بسيط في ظل وجود نسب واعدا كبيره بالنسبه للقبائل الثانيه في هذه الدوائر لكن الامل موجود وهذه مجرد توقعات بنيتها على معطيات ونتائج سابقه لهذه الدوائر بالنسبه للدائره العاشره: انا اعتقد هالمنطقه اغلب النجاح فيها راح يكون صعب لانها منطقه تعتمد على العوائل الحضريه والتيارات الاخرى سواء الليبراليه او السلفيه ندعو لاخونا منصور بالتوفيق والله يجعل النجاح من نصيبه انشاءالله وهو قادر انشاءالله يسوي مفاجاه وبالنسبه للدائره الرابعه عشر: بالنسبه للمرشحين لها 4 عتبان يعني لو تقسم عدد الناخبين العتبان على هؤلاء المرشحين الاربعه راح يكون لكل واحد فيهم 400 الى 500 صوت علما بان نسبه النجاح بهذه الدائره هو اكثر من 1700 من غير تصويت النساء وبالتالي فرص نجاحنا بهذه الدائره انا بوجه نظري معدوم الا في حالتين :: الاولى نجاح احد مرشحي العتبان عن طريق شراء اصوات الاقليات الثانيه نجاح الدكتور فيصل واللي انا شخصيا اتوقعه لانه محبوب من اهل الدائره سواء العتبان او باقي القبائل والعوائل الاخرى لانه صاحب كلمه ومبدا ويستاهل لازم الجماعه بخيطان يقعدون ويحاولون يقربون وجهات النظر عن طريق لم الشمل واعاده صفوف القبيله من جديد ووقتها راح يكون لنا كرسيين ثابتين اللي يحز بالخاطر ان جميع القبائل من غير استثناء يجرى لها انتخابات فرعيه ويتم اختيار مرشحين 2 ينزلون ممثلين عن قبيله لكن عندنا وخصوصا عند الجماعه بخيطان كل واحد راكب راسه ومعاند الثاني انا بخاطري اخواني الاعضاء يعقبون على سبب رفض مرشحي خيطان دخول انتخابات فرعيه وابي اعرف الاسباب في رفضهم لهذه الانتخابات علما بانها راح تكون لهم دفعه معنويه للدخول للانتخابات العامه وانا بانتظار الاجابات من اخواني الاعضاء على هذه النقطه بانسبه للدائره السادسه عشر: انا اعتقد ان النجاح فيها صعب لدرجه مستحيله لكن ندعو لاخونا ضيف الله بانجاح والتوفيق والله يسدد دربه ويوفقه بالنسبه للدائره الواحد والعشرون: عموما سعدون قوي باذن الله وفرصته بانجاح قويه وكبيره الله يوفقه ابو حماد ويجعل الكرسي من نصيبه بانسبه للدائره 22 هذه دائره تحالفات قويه خصوصا نا هذه السنه راح يحاولون العجمان باستعاده كراسي الدائره لهم والدليل التغيرر القوي اللي سووه بنزول مرشحين اثنين جدد من الكفاءات الشابه وراح يحاولون باستعاده الكراسي من الكنادره والمطران اللي حصلو عليها باخر دوره للمجلس نسبه نجاح العتيبي بهذه الدائره تعتبر متوسطه الا في حاله دخوله مع التجمع الشعبي اللي راح يتشكل من عده عوائل وقبائل عندها سيكون له فرصه طيبه باذن الله بالنسبه للدائره 24 هذه الدائره تسيطر عليها قبيلتين هما الهواجر والعوازم عن طريق تحالف قوي منذ مجلس 1981 ولم يستطع هذه التحالف ان يخترق الا سنه 96 وسنه 2003 والسبب باختراق هذه التحالف يعود بعد الله لعتيبه لان سنه 96 تحالفو مع الدواسر ونجح وسنه 2003 تحالفو مع الدبوس ونجح لكن للاسف في كل الحالتين لم ينجح مرشح العتبان,,والسبب في اعتقادي انه لا يوجد شخص في هذه الدائره من العتبان يقوم بخدمه اهاليها او ما في واحد معروف بالمنطقه وانا اقصد بالخدمه لان خدمه المنطقه تساعدك على الاحتكاك باهلها وبالتالي تجميع اكبر عدد من الناخبين بالاضافه لناخبي العتبان عموما الله يوفق الباش مهندس دعيج واتمنى يعقد تحالف ثلاثي مع الدواسر والعجمان وعن طريق القرعه لاول مره يخرج مرشحين اثنين ومن بعدها يتم تزكيه 2 من القبائل الثلاثه وبالتالي راح يكون هذه التجمع خطر كبير على العوازم والهواجر وراح يخربط حسابات المنطقه هذه اخيرا وليش اخرا نتمنى مجلس قوي يخدم اولا الشعب الكويتي ككل وكل عضو يخدم دائرته ونتمنى النجاح لمرشحينا وندعو لهم بالتوفيق ونتمنى من المجلس القادم ان اول مشروع يناقشه هو اللي وقفو عنده بالدوره السابقه الا وهو تقليص عدد الدوائر الا خمس دوائر او حتى دائره واحده بتوزيع متساوي ومناسب لكل دائره والله المستعان,,,,,,, عذرا على الاطاله ولكم مني كل التحيه والتقدير اخوكم -عتيبي صريح جدا |
..........
مداخلاتك لاتخدم القبيله ولاتحث على وحدة ابناءها فالرجاء الابتعاد عن مثل هذه المداخلات التي تتعارض مع اهداف المنتدى وسياسته . الاداره |
احترم راي الادراه ولها مني كل التقدير والاحترام,,
وادعو الاداره للقراءه السليمه مع الفهم وعدم الاستعجال بالحكم,, اللي ذكرته بالمداخلات واقع يا اخوان وكثير يشاركني الراي فيه,,وايضا كثير يعارضي فيه وهذه من حقهم وانا احترم وجهه نظرهم هذا للتوضيح وشكرا اخوكم-عتيبي صريح جدا |
اقتباس:
الاخ عتيبي صريح جدا" بعض الصراحه ماتقال في ذا المنتدى لانه ليس انت او العتبان فقط يقرأونه بل يوجد حمقاء يحبون ان يتصيدو بالماء العكر وصراحتك ان كانت لاتخدم القبيلة ولاتطبق بيت حبيب العازمي العتيبي الله يطول عمره ياعتيبة من يفرق صفكم رمه وبوه |
اقتباس:
انت تعلم بان الاقليات التي ذكرتهم يبيعون الاصوات يعني نشتريها حنا ولا يشتريها المطيري ناكر الجميل ولا الحضري الجويهل اللي راصد الملايين لشراء الاصوات حتى الممثل علي المفيدي يعلموني عنه هو وعياله يبيعون اصواتهم اقتباس:
فقبيلة مطير في الدائرة 17 جليب الشيوخ وصباح الناصر (تل ابيب) 6 مرشحين كلهم مطران في هذه الدائرة ولم يعملوا انتخابات فرعية وعندك الدائرة 15 قبيلة الرشايدة فيها 10 مرشحين ولم يعملوا انتخابات فرعية اقتباس:
صرح المرشح ضيف الله نهار العتيبي بأنسحابه لوجود الانتخابات الفرعية بهذه الدائرة يقصد التي جرت في قبيلة الرشايدة وتزكية اثنين وقبيلة مطير تزكي ثنين فقرر الانسحاب من الانتخابات |
اقتباس:
لاهنت ياقحص و بيض الله وجهك على هالموضوع...... وبالنسبة للعتبان اللي نازلين في هالدائرة , أتمنى اللي يفوزون فيها د/فيصل ووليد مناحي...... الدكتور فيصل له كلمته في المجلس والكل(وخص الحكومه ونزله سعدون بخيطان) يحسبله ألف حساب,,,,, وأبوعبدالله طير شلوى رجال طموح وأخوانه يفزعون مع الجميع وأخص عبدالله وعبداللرحمن بالنسبه لفارس الدلبحي والله اني ماأعرفه ابن الحلال. بس حمود الجبري وماأدراكم ماحمود الجبري .. رجال فزعته للي قريبين منه بالحيل بالحيل...مهو خدوم لعامه عتيبه....وماطاح راعي المزارع في الانتخابات اللي راحت الا من فعايله ....وزيدك من الشعر بيت يكفيك ابن عمه سكرتير عند الدكتور .... بس أقول ياحر قلبي على الأصوات اللي بتروحله على الفاضي....خساره |175| وبالنسبه لبوردن (ناكر الجميل) أبشرك انسحب من الترشيح غير مأسوفا عليه....... وان شاء الله المجلس هذا يكون عدد أعضائنا ثلاثه أوأربعه على الأقل ........ (ولي عوده أخرى ان شاء الله) دمتم بحفظ الله ياتاج راسي عتيبه |189| النفيعي |
http://www.q8vote.com
الفزعه ياعتيبه 14 - الدائرة الرابعة عشر (خيطان) 21 - الدائرة الحادية والعشرين (الأحمدي) 24 - الدائرة الرابعة والعشرين (الفحيحيل) |
لاهنت ياالدهينه
على التعليق والمشاركة الرائعه انه ماانسحب الا بعد ماسمع كلام يوجعه لاهنت |
بسم الله الرحمن الرحيم ..
اعلن مرشح الدائره 14 خيطان : ماجد ابوردن المطيري . انسحابه من خوض الانتخابات البرلمانيه في هذا العام ، وقد بين في تصريحا له في صحبفة الوطن الكويتيه انه لن يستطيع تكملة خوض الانتخابات البرلمانيه لهذا العام بسبب ، تعرضه لبعض الشائعات والتهديدات من بعض ابناء الدائرة . وحنا نقول يابوردن دور غير خيطااان وانزل فيهااا . خيطااان لعتاااابه من قديم ... ولكم اجمل التحاااايااا |
انسحاب ابوردن كان متوقع وذلك لاسقاط فيصل المسلم
عشان ما تتوزع اصوات المرتشين والبياعين وتكون لاثنين فقط احس ماتكون لثلاثه يعني لو موجود ابوردن وفلان وعلان تبي تتوزع الاصوات على الثلاثه هذول لكن وبعد انسحاب ابوردن بقى فلان وعلان اللي صارت نسبه نجاحهم قويه لاتفرحون لانسحاب ابوردن ياعتابه افرحو اذا نجح الدكتور باذن الله اكيد عرفتو منو فلان؟؟ ومنو علان؟؟ وتقبلو تحياتي |
باذن الله تعالى ان الدكتور : فيصل المسلم
في الصدارة للمركز الاول باذن الله تعالى من دون شك ... ولا يؤثر عليه من يشتروون الاصوات .. |
عسا لنل حظن يقوم فالاولة والا التالية
|
عتيبي صريح جداً كتاباتك كريهه وقلمك منافق ..
ولا تقعد تلمع لفلان على حساب فلان ترا كلهم بني عمك .. وخيطان مرتاحين فيها لأن اللي بيفوزون عتبان ان كنت خايف خاف على الضاحيه .. وانا ارد واقول اشك انك عتيبي |
صاج ياراعي البرصا من اول الموضوع وهو مناقض نفسه مرة يمدح اهل خيطان ومرة يقول اهل رشوة ومره يمدح فيصل المسلم ويقول مابقي الا 2 مرتشين ويقصد وليد العصيمي وحمود الجبري وبعدها يمدح وليد واخوانه اهل الفزعه عبدالرحمن وغيره وهم اللي يديرون عملية الشراء اللة يصلحك ويهديك كلهم عيال عم وفكنا من التفرقه اما سعدون ياراعي البرصا ابشرك ما عليه خوف دام الله ثم اهل الضاحيه معه
|
يالربع انتم تناقشون في عتيبة الكويت
وهذالاك ينعدون بالاصابع ومن هاك اليوم يوم شفتهم قلت ابدن ماعاد لي ربعن في الكويت ارجوا حذف الموضوع. |
ياصنيتان راعي الدوادمي وراك معصب عتبان الكويت اكثر من 25 الف بس ناس لهم كلمة ومناصب واهل حمية واهل المركي ان كان تعرف معناها وانتم ماعندكم الا التهزي والبربره فالعليمات
وبعدين قول خير او اصمت واذا الموضوع مو عاجبك لا تدش |
نقول دائماً وابداً
كلنا واحد سواء في السعودية او الكويت او المريخ كلنا ربع وكلنا نرجع في النهاية في عتيبة والمنتدى وضع لجميع العتبان اينما كانوا ونتمنى لعيال عمنا في الكويت التوفيق تحياتي |
الله يصلحكم
نتمنى لقبيلة عتيبة التوفيق أما من يكثر الحكي ويطعن في عيال عمه ويقول اهل شراء اصوات فعليه ان يلتزم الصمت أفضله وانا قريت كلمة قالها واحد من الاصدقاء ويقول صوت واحد وابا اقطع طيب وعيال عمك الثانيين محتاجين الصوت الثاني ولا مافيك حميه اللي مافيه حمية لربعه مافيه خير خلوها حلقه بااذانيكم وارجو من الادراة الموقرة اللي تشوفه كلامه فيه حقد وكراهيه لقبايل عتيبة وفخوذها بأن تضربها ضربه قاضيه وانا اتكفل بالباقي انتبهوووووووو قحص رجع ويويلكم بدأ الردار يشتغل ويبا يكشف كل اللي ماينتمون لهذه القبيلة العظيمه |
السلام عليكم ورحمه الله وبركاته,,
اولا:ياجماعه اللي قاعد اكتبه هني لكم كلام مافيه نفاق ولا فيه مجاملات واذا الكلام يزعل احد فيكم احب اقوله ان هذه واقع ومحد ينكره وبالنسبه للدائره 14 فانا اعتقد انشاءالله انها محسومه لنا باذن الله بس اتمنى ان يكون الدكتور واحد فيهم ويكون الثاني اي واحد سواء كان حمود او وليد لانهم وجهين لعمله وحده,, اما بالنسبه للدائره 21 يوم قلت للربع هني اتمنى على سعدون انه ينسحب ويترك المجال لغيره من الشباب وانا قلت هالكلام قبل اكثر من اسبوعين,على اساس انه سعدون لايمكن انه يتحالف مع العوازم وذلك بسبب مواقف سابقه بينهم ولو انه انسحب كان الكرسي مضمون لنا لكن سعدون فضل مصلحته الشخصيه على المصلحه العامه للقبيله واكبر دليل هي الاخبار الاخيره لتحالفه مع احد المرشحات المطيريات واللي اتمنى انه مايكون صدق واذا صار هذه بالفعل فهذه النهايه له وانا كنت متوقعها وقايل لكم من زمان سعدون انتهى ومستعد يدوس على اي شي حتى لو على كرامه قبيله بس المهم انه يوصل في حاله التحالف اتمنى اشوف راعي البرصا شايل صوره المطيريه واسمها على صدره ويفتر عند المدرسه انا بس بعرف ردكم على هذه التحالف ؟؟ |
عتيبي صريح جدا"
بالنسبة لتحالف فهذه اشاعة تم تسريبها من قبيلة الاعلام وسعدون بن حماد الله يعينه ماسلم من الاشاعات وعتبان الكويت يدرون وش قالو عنه قالو عن سعدون 1- سعدون طارد ابوه وموديه لدار العجزة 2- سعدون يبغى يحط لشيعه حسينيات . . .الخ واشياء كثيرة قالوها عن سعدون كلها اشاعات يبغون يأثرون بالناخبين حتى لايصوتون لسعدون وانتم تعرفون من أقصد بقبيلة الاعلام أرجوا من الاخوة في الكويت عدم ترويج ذا الاشاعة المقرضة |
اقتباس:
الاخ ابوصنيتان وش فيهم عتبان الكويت صارو خواجات وش تبغاهم يسوون حدتهم الدنيا يبغون العيشه والرزق ومعاشرتهم للقبائل المحيطه بهم قبل في نجد ولا الحجاز تلتفت يمينك ويسارك كلهم ربعك وعيال عمك وهرجك ماتغير بس فالكويت تلتفت يمينك ويسارك تلقاء الخواجات طرش البحر البعض البعض البعض البعض البعض البعض البعض البعض البعض اقول مهوب كلهم البعض منهم |
عزاة ياعتيبة تعالوا اسمعوا اللي يقول انه عتيبي صريح اللي يبي يمشي كلام ابن جامع امير العوازم علينا نجحوا غير سعدون او ماحنا امتحالفين معكم تدري ليش يقولن هالكلام علي شان في بعض العتبان وهم قليل علي الدقه او كلمة توديهم وكلمة تجيبهم وبعضهم مثلك يرضون بالتدخل في شؤن العتبان حتي من عوار وصوار واخيرا كلنا عيال عم ولا يكون لدينا حكم مسبق علي الاخرين لشي ما ولكن ليبقي شي من العزة للنفس عندك
عز الفتى راس ماله من مكاسبها *** يا مرتضي الهون لا عزٍ ولا مالِ ذللت بالروح لين ارخصت جانبها *** وانا عتيبي عريب الجد والخالِ قومٍ تدوس الأفاعي مع عقاربها *** ولها عزايم تهدّ الشامخ العالي |
خلكم على هالقصايد وجاملو بعظكم,,
ترى حنا ماذبحنا الا المجامل,,رايك احترمه يالنفيعي وعلى راسي بس لازم نعرف ان هذه قناعه عندي ان سعدون انتهى ولازم نعطي الفرصه لغيره ماهوب العوازم اللي يحركونا ولا غيرهم مع احترامي للجميع بس وانا اخوك الانتخابات لعبه ولازم تلعبها صح عشان تفوز وبعدين انتم شابين على العوازم وهاذاك اليوم مجتمعين عند سعدون ويهابدون وهو يهابد معم وماخلو كلمه ما قالوها عن العوازم واخر شي حضرته رايح عندهم وقاعد يترجاهم عشان يتحالفون معاه والصور موجوده بكل الجرايد اصلا لو فيه ذره كرامه ماراح لهم لا يجماعه لاتناقضون نفسكم امس تسبون العوازم واليوم سعدون رايح يترجاهم لا تخلون مصلحه شخص تلعب بقبيله ولاتخلونه يحاول يجركم في صدامات مع القبائل الثانيه صحيح اننا نفتخر اننا عتبان بس لازم نحترم القبائل الثانيه لاننا اولا كويتيين صحيح الحميه مطلوبه بس العصبيه مرفوووووووضه ولاتنسون ان سعدون طعن اول شي بالعجمان وفضحنا معاهم وثانيه سبب عداوات كثريه له بسبب مواقفه الطفوليه مره مع العجمان ومره مع العوازم اصحو ياعتيبه وفكرو بعقولكم الحين خشمك خشمك لو هو عوج بس الانتخابات الجايه عتيبه يوجد فيهم من هم اكفئ من سعدون هذه وجهه نظر ان اصبت من الله ,,وان اخطئت مني ومن الشيطان ولكم كل التحيه اخوكم عتيبي صريح جدا |
يالربع اختلاف الرأي لايفسد للود قضيه...........
بالنسبه للدائره 21 الأحمدي....والله اني تمنيت سعدون حماد يفوز بالفرعيه لعده أسباب منها معرفه أهل الدائره 21 من الحضر والشيعه بمواقف سعدون معهم وهذا الشئ لمسته أنا عن قرب....كان أغلب حضوره في ديوانيته في خيطان يوم الثلاثاء منهم..... ولديه قاعده قويه من الحضر والشيعه تخيف الآخرين وهذا شي يحسب لصالحه.....خصوصا أن هناك تسهيلات ممنوحه له. ثاني شي ....دام ان الرجال فاز في الفرعيه ...المفروض اننا نوقف مع رأي الجماعه.....خصوصا ان جميع القبائل الأخرى في هذا الدائره تتمنى سقوط سعدون في الفرعيه ويحسبون له ألف حساب.....ماسألتوا نفسكم ليش مايبونه ينجح.....لدرجه ان منتدياتهم افردت موضوع خاص لفوز سعدون في فرعيه العتبان وأزيدكم من الشعر بيت: في الندوه النسائيه اللي سواها سعدون يوم الثلاثاء....قامت احدى الناخبات الشيعيات وأخذت تثني على مرشحنا وأنه صاحب مواقف مع الجميع ولا يفرق بين شيعي وسني كلهم ابناء دائره واحده ون شاء الله راح يفوز في الانتخابات....... الدائره 14..... ان شاء الله انها لربعنا....وما تطلع لغيرنا...... ياربعي ياعزوتي......لازم نوقف صف واحد خصوصا ان الانتخابات على الأبواب واتركوا الكلام اللي لايودي ولا يجيب..............وخلونا انتحيزم يابني عمي تحياتي |
اقتباس:
|197| لاتـــعـــــلــــــــــــــــــــــيق |
تقول ياعتيبي الصريح : لازم نعرف ان هذه قناعه عندي ان سعدون انتهى ولازم نعطي الفرصه لغيره : وقصدك نعطي يعني العتبان ياخي سعدون ما اجبر احد الرجال نزل الانتخابات الفرعيه ونجح يعني اغلب العتبان يبون سعدون والديمقراطية حكم الاغلبية
احترام الراي ياعتيبي مو باالاجبار والالزام مثل قولك لازم نعطي فرصه لغيره وشكرا |
السلام عليكم
ولله كلامك سليم 100% ياعتيبي صريح \\وزيدك بعد وقوفه ضد العتبان في الجمعيه \\وبعد لو ناجح غيره بالفرعيه مضمون الكرسي 100%لان فيه تحالف عوازم \\مو الحن نجوح50%والمجنون يمسكونه اهله |
السلام عليكم
اولاََ:وش الضجه اللى مسوينها فرقتو عتيبه كل واحد يدافع عن فخذه ياخى كلكم عيال عم سواء نجح فلان ولا فلان كلنا معهم ثانياَ:بانسبه لسعدون حماد فباذن الله ناجح اذا ماتحالف مع العوازم اما خيطان اشك انهم مراح يتفقون منزلين اربعه ياخى نزلو 2 واحد من برقا واحد من روق 3من برقا ليه ياخى 1 وروقه منزلين واحد اللى هو فارس يناس كل العتبان 2000 والمتفرقه 6000 يعتيبة خيطان طلعو 2 ورتاحوا كل واحد من العضاء راكب راسه ندعوا الله ان يهديهم |
علي الحرااااااااااااام ثم علي الحراااااااام ثم علي الحرااااااااااام ان عتيبي صريح جدا ماهو بعتيبي
ياخي كلامه يغث ويعل يامسلم لاتدمج نفسك معنا الله لايعطيك عافيه انت وسوالفك تبي تشق صفوفنا يالمخزي .. اشطبو عضويته الله يغثه المنتدى ماوقف على هالشاكله يطبل للعوازم شكله عازمي وميت على التحالف ويقول العتبان يهابدون وسعدون يهابد رح بس صل ركعتين للبوذا حقكم ابن جامع استغفر الله بس الله لايوفقك انت وبن جامع .. دددددبل كبدي ياجماعه يسب ربعنا بخيطان ويقول وجهين لعمله ويسب سعدون .. ذولا يشرفونك ويشرفون اللي انت منه ياخلو.....؟ |
اقتباس:
ماشاء الله عليك أول مشاركة في ذا الموضوع يامرحبا بك نورت المنتدى ان شاء الله نشوف أرائك في مرشحي العتبان لاهنت |
اقتباس:
بالنسبة لسعدون بأذن الله ناجح يعلموني يقولون الحضر جايه فزاعه لسعدون يارياجيل والله ان الحضر صارو اطيب من بعض ابديوك أما التحالف بين العوازم مهوب لازم نتحالف معهم خلهم هم واصواتهم يكفي ان سعدون بن حماد من غير قبيلته يجيب 3000 وشوي علموني من المرشح اللي يجيب العدد الهائل ذا محد غير سعدون الله يوفقه لاتعبت طال عمرك عساك عودت من الديرة اللي انت فيها أخواني الاعضاء ارجوا ان يكون النقاش باالانتخابات وعدم التطرق بالسوءات المرشحين كلنا خطائين محد معصوم من الخطا |
اقتباس:
وعليكم السلام ذا بسبب أثار الانتخابات السيلوجيه أما تقول بأنه كل واحد يمدح فخذه فهذا غير صحيح بل نحن ندعو للوحده وليس للتفرقه التي يطالب بها الرمم انا مع قول الشاعر حبيب العازمي ياعتيبة من يفرق صفكم رمه وبوه |
بيض الله وجهك ياقحص ..
ونتمنّى للجميع التوفيق من الله .. |
| الساعة الآن »10:33 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd