تسلم لي الضحكة ليا صرت فرحان=وادلعك واقول محلا سنونك
يا وردة ٍ يطمع بها كل بستان=يا نسمة ٍ تحمي سماك وتصونك
يا مصدر الالهام .. حنّاث الايمان=يا مغربل المقفين واللي يجونك !
خلفك رعية حب من غير رعيان=خلفك اوادم راحو اليوم دونك
اشغلتني يا مشغل الانس والجان=جننتني وابوك لابو جنونك
لو القصايد تفتح اليوم بيبان=تسرح وتمرح لين تذبل جفونك
واخاصمك وازعل على شان من شان=اتحط لي لا هنت موقع في كونك
بنشدك وارسل ردك الحر في (آن)=وان ما اعجبك زود على (الآن) (اونك)
ما تدري اني لو تسليت طفشان ؟=واني لعنت الساعه اللي بدونك ؟!
استغفر الله .. مير تعبير زعلان=واستغفر الله من تجمد شجونك
يا ليتي ميّت ولا اعيش حرمان=واشفق على حبك وتكثر طعونك
سامحك رب الناس يوم انت غلطان=والله يقويني واغادر سجونك
صحيح لا شفتك تبسمت لو كان=قلبي طلبك العون وما شفت عونك !

تسلم لي الضحكة ليا صـرت فرحـان=وادلعـك واقـول مـحـلا سنـونـك
يـا وردة ٍ يطمـع بهـا كـل بستـان=يا نسمـة ٍ تحمـي سمـاك وتصونـك
يا مصدر الالهـام .. حنّـاث الايمـان=يا مغربل المقفيـن واللـي يجونـك !
خلفك رعية حـب مـن غيـر رعيـان=خلفـك اوادم راحـو اليـوم دونــك
اشغلتني يا مشغـل الانـس والجـان=جننتنـي وابــوك لابــو جنـونـك
لـو القصايـد تفتـح اليـوم بيـبـان=تسرح وتمـرح ليـن تذبـل جفونـك
واخاصمك وازعل على شان من شـان=اتحط لي لا هنت موقـع فـي كونـك
بنشدك وارسل ردك الحـر فـي (آن)=وان ما اعجبك زود على (الآن) (اونك)
ما تدري اني لـو تسليـت طفشـان ؟=واني لعنت الساعه اللـي بدونـك ؟!
استغفـر الله .. ميـر تعبيـر زعـلان=واستغفـر الله مـن تجمـد شجونـك
يا ليتـي ميّـت ولا اعيـش حرمـان=واشفق علـى حبـك وتكثـر طعونـك
سامحك رب الناس يوم انـت غلطـان=والله يقويـنـي واغــادر سجـونـك
صحيح لا شفتـك تبسمـت لـو كـان=قلبي طلبك العون وما شفت عونـك !