سلام الله على الهيلا على ربعي هل المنزال=هل المنزال والهيبه تجيب العز بيداها
تفضل يا ولد عمي على البن وعلى الفنجال=انا بنشدك يالايداء عن الديره ومرعاها

هلا يامرحبا ترحيبة الرجال بالرجال = علومك طيبه والسالفه قدامي أقراها
ياراع المجلس اللي فيه نار وصفتين دلال = ترى الديره على خبرك مربعتن قراياها

يدوم الك البقا يالي ترحب والليال اطوال=لاكن الله على فعل العرب ذاليوم جازاها
يقولون العرب ياصاحبي والمعرفه نتقال=ابه ناس(ن)تسلط فوقهم واللهِ يبلاها

لك الله مانبدل دارنا في دارهم منزال = ونكره دارهم وبليس بالرجلين ياطاها
ومن ياقف قدم صاروخ وسلاحه عصا وعقال = يقولون العرب مجنون وفعوله مانرضاها

لك الله لو تجمّعنا جميعاً والعلوم اجزال=نسوق اسيوفنا للديره القشرا ونجلاها
ومن ياقف قدم طفله ترا فعله هذاه اخبال=يشوف انّه ولد شِيخه وهو رجال يرعاها

ليا منا جمعنا الجمع نرقى مانجي محوال = نعدي فالجبال النايفه لو طال مسراها
نجنب عن ديار اللي على راسه يحط الشال = ندور ديرة أهل العز والنوماس ماحلاها

ولا ياربعي اللي من تورسلكم يضيق الحال=يضيق الحال في ربعه ويا مقرب معشّاها
ترانا دربنا واحد وحنا هيبة الخيال=لاكن الناس يالايداء بدت تختلّ في ماها

المشاركة الأصلية كتبت بواسطة الايداء1 , ,,, أخي وعزيزي أبو نجر صح السانك ولقد أستفدت من اللعب معك .. ولنا لقاء قادم أنشاء الله ,, لك مني كل الود ,,