الصدر منّي ضاق واونست حاشور=واونست في قلبي هموم(ن)قويات
من حيي اللي راح له مدة اشهور=ما جاء خبر من حي منهم ومن مات
ضرّب على ريمان يا مفلح الكور=على العماني حط كل الكلافات
جوّد عليه القش تراه مذعور=من قوّ جريه فيه بوصيك حوصات
وان جيت تقهر صلف ماهو بمقهور=واثن الرسن في يدك ثلاث ليّات
واركب على ريمان مع طلعت النور=وانحر تهامه والديار البعيدات
وليا وصلت الخبت تلقا لك انشور=تلقا الدبش وبيوت ربعي مقيمات
ملفاك ابو فيحان وابشر بفرفور=وابشر بكيف(ن)بالدلال المعذات
يصب كيف الراس وابريق منحور=واليا خدر شاهيه دنّ البيالات
عندك لبو هاد ي وفوزان مذكور=والكل منهم زايد(ن)بالشكالات
وانشد عن ادهيران تراه مامور=يبرالهم في منزله دايم افوات
تلقا الشحم والهيل والبن منثور=يحطها راعي العلوم العجيبات
تلقا عيال ابوي يا مفلح احضور=اعيال ابوي اهل الفعول القديمات
سلم علاهم كلهم لازم اتدور=قل يا جماعه وشبكم رحتو اشتات
اللي غرس فبحار ويعمّر اقصور=سكان قوق ابحار تبني محلات
واللي كماك احمود راحو بشعثور=وياعزوتي ما كان ضليتو افوات

المشاركة الأصلية كتبت بواسطة سعود النفيعي ونعم والله يابو مفلح ونعم فالنخشه كلهم من دون قصور فعتيبه وبيض الله وجهك وماقصرت يالذيب وتقبل تحياتي أخوك سعود بن مزيد بن مشرع البسيسي النفيعي

المشاركة الأصلية كتبت بواسطة ذياب صح السان جدك يابو نجر أنا اشهد أنه شاعر وجزل الله يرحمه ويرحم اموات المسلمين أخوكـــ / ذياب

المشاركة الأصلية كتبت بواسطة .@.صقر عتيبه.@. صح الساااااااااااااان جدي يابو نجر وتحط الموضووع ولاتعلمنا الله يجزاك خير مشكوووووووووووووووووووووووووور تحيااااااااتي للجميع اخوكم:فيصل فلاح فالح ضيف الله النخيش النفيعي

المشاركة الأصلية كتبت بواسطة غرابيل الدهر ياسلااااااااااااام الله يرحمه ويسكنه فسيح جناااته عز الله ان هذا هو الشعر ولا بلاااش ,, يمكن يخوننا التعبير وتعجز الكلمات يبو نجر عن وصفه ومالنا حيله وماعلينا ملامة لاني قريت قصيدة تعد من افضل القصائد اللي قريتها بحياتي صحح كلك يبو نجر وشكلك طالعن على جدك تحياااتي

المشاركة الأصلية كتبت بواسطة فيصل القثامي تلقا عيال ابوي يا مفلـح احضـور**** اعيال ابوي اهل الفعول القديمـات والله ونعم قصيدة جزلة ومعاني قوية رحمك الله يالشيـخ فالح لاهنت يبونجر على النقل كل التقدير القثـامي

المشاركة الأصلية كتبت بواسطة ابومحمدالنفيعي لاهنت يابو نجر صح السان جدك قصيده جزله ومعاها قوي لاهنت

المشاركة الأصلية كتبت بواسطة مرزوق العتيبي .. . قصيده فيها من معاني الوفاء وصلة الرحم الشي الكثير رحم الله القائل واسكنه فسيح جناته ولاهنت يافيصل ونطالبك بالمزيد. ... اخوك ....

المشاركة الأصلية كتبت بواسطة الـشـقـاوي الله الله رائعه بيض الله وجهك يابو نجر على نقل القصيده والله يرحمه ويسكنه فسيح جناته تحياتي

المشاركة الأصلية كتبت بواسطة فيصل المسعودي صح لسان جدك ابو نجر ونسأل له من الله الرحمة والمغفرة والعتق من النار تشكر ابو نجر على نقلك الطيب تحياتي

المشاركة الأصلية كتبت بواسطة السميــــــري (المشاركة 235672) قصيده مكتوبه بماء الذهب جزله + معنى + لفظ+= ابداع لاهنت على القصيده الطيبه من جدك الله يرحمه ويرحم جميع اموات المسلمين ماشـــــــــــاء الله عليها

ونعم والله يابو مفلح ونعم فالنخشه كلهم من دون قصور فعتيبه
وبيض الله وجهك وماقصرت يالذيب