هاض الفكر ثم قام يبدع قصيـد وقـال=خلوني اخـذ راحتـي واكتـب علومـي
طرى على بالي رجل الشـرف فالحـال=رجلن اليا عرض ببالي نسـى النومـي
اقوله ونـا فالمملكـه عايشـن رحـال=وذا مـت عساكـم تقولـون مرحومـي
ابذكر رجل يالربع يسـوى ميـة رجـال=فخر للقبيلـه شيخهـا شايـل اللومـي
هامنهو مثل هذا الرجل للعـرب مدهـال=كريمن يدلـه كـل غـادي ومنجومـي
نجي في محله وسع خاطر وشـرب دلال=وبيته من الضيفان فايـض ومزحومـي
اله لطمتن فالعين يعمـي بهـا العيـال=وله حربتن من صابته صار مسمومـي
هذا فاللقى فارس هـذا فعلـن الخيـال=هذا اللي قبل يشري ولايرخص السومي
هذا اللي ليامنـه نـزل طيـب المنـزال=يجي في محل العـز وبالعـز مغرومـي
هذا اللي اخذها غصب مافالكـلام جـدال=هذا عنده اكبار العـرب دايـم تحومـي
هذا صار للعربان فـي عصرنـا مقيـال=هذا من يصب المال فالديـن بالكومـي
هذا كل علمن طيبن صـال فيـه وجـال=هذا اللي نضد ابه الاجانيـب والقومـي
هذا اللي مع العالم تضرب بـه الامثـال=وبحر المراجل غاطسن فيـه ويعومـي
هذا عارف المخراج وعـارف المدخـال=هذا قوتن نضرب بها الفرس والرومـي
هذا اللي علومه كلبوهـا تسـر الحـال=يعامل جميع الناس بخـلاق وسلومـي
هذا ذخر سلطان البعير عريـب الخـال=هذا لجل قدره تجلس النـاس وتقومـي
هذا من يجوب الارض بعفرن عليها هلال=وشعلن نـوادر غاليـه قدمهـا يومـي
هذا اللي ظلاله مايقـارن بكـل ظـلال=هذا من وقف جنبه فلا هوب مهزومـي
هـذا دايـم الاول ليـا فـازو الابطـال=هذا من طمع بمجاهده بـات محرومـي
هذا من بعيدين المرامي وسيـع البـال=هـذا بالعلـوم الطيبـه دوم مهمومـي
هذا من هل العليا خليفي صخور جبـال=هذا من بني شيبان شجعـان وقرومـي
هذا ربـع طيبـه مايكيلـه ولا مكيـال=هذا بكل شين شيـخ بيـن ومرسومـي
هذا اللي يقول الصدق والصدق اله ينقال=هذا نـادرن مافيـه مثلـه ومعدومـي
هذا اللي قصيدي فيه ماسد مهمـا طـال=ولو قلت مهما قلت انا اقـول مظلومـي
هذا راية عتيبه هو اللـي لهـا شيـال=هذا الله يطول عمـره سنيـن ويدومـي
هذا الشيخ لا قالو لك الشيـخ ذا فنجـال=ما اخذها بصك ولا قراطيس وختومـي

المشاركة الأصلية كتبت بواسطة أبن مسلم (المشاركة 233683) صح لسانك يامقبول الشيباني ويستاهل المدح فنجال تقديري لك

المشاركة الأصلية كتبت بواسطة خلف بن مرزوق (المشاركة 234932) ... .. قصيدة وااافية من وااافي وهذا فنجال المدح يستاهله والله يبيض وجهك موودتي ز

المشاركة الأصلية كتبت بواسطة ابن مشيب (المشاركة 235638) يستاهل ابوخالد هذا المديح , فقد كان يرفع اسم عتيبة في سباق الخيل , مع حكام البلاد , وكذلك يرفع اسم القبيلة في مزاينات الابل , ويحصل على مراكز متقدمه , ولهُ يد بيضاء خيره , وكم من محتاج فك بعد الله ضيقته , نسئل الله ان يطيل في عمر ابوخالد فنجال بن سطان البعير صح السانك ودام ابداعك يامقبول , كالعادة متميز في نظم القصيدة تحياتي

المشاركة الأصلية كتبت بواسطة مرزوق العتيبي (المشاركة 235656) ... . صح لسانك يامقبول ويستاهل المدح فنجال .. ... اخوك ...

المشاركة الأصلية كتبت بواسطة مطر (المشاركة 240059) هذا الشيخ لا قالو لك الشيخ ذا فنجـال ما اخذها بصك ولا قراطيس وختومـي صح لسانك قصيده رائعه

المشاركة الأصلية كتبت بواسطة نواف العصيمي (المشاركة 257944) ابذكر رجل يالربع يسوى ميـة رجـال فخر للقبيله شيخهـا شايـل اللومـي صح لسانك أخوي مقبول لك التقدير والاحترام

المشاركة الأصلية كتبت بواسطة السميــــــري (المشاركة 263957) .. صح لساانك .. يامقبول .. مبدع .. لاعدمنااك .. قصيده جزله من جزل .. ويستااهل من سويت له الابياات ... .. وننتظر المزيد من .. دمت للهيلاا ..

المشاركة الأصلية كتبت بواسطة أبو نجر النفيعي (المشاركة 263991) .. .. ابن مشيب :) صح السانك يا مبدع ابيات رائعه وجزله ودمت للابداع .... اخووووك ..

المشاركة الأصلية كتبت بواسطة نمر الذيابي (المشاركة 260619) قصيده رائعه في رجل رائع

المشاركة الأصلية كتبت بواسطة ابوبراك (المشاركة 265665) صح لسانك يامقبول الشيباني ويستاهل المدح فنجال تقديري لك اخوك ذيب الشيباني

المشاركة الأصلية كتبت بواسطة الدلبحي (المشاركة 265790) صح لسانك يامقبووول ويستاهل فنجال كل علم غانم تقبل مرور اخوك تركي الدلبحي

المشاركة الأصلية كتبت بواسطة تركي العريض (المشاركة 270984) يستاهل ابو سلطان

المشاركة الأصلية كتبت بواسطة سعيدان (المشاركة 288003) صح لسانك يامقبول قصيدة طيبة من وجه اطيب ويستاهل المدح ابو خالد اخوك سعيدان الشيباني