نومك طرب وانا بنومي هواجيس=ماساهرك باليل كثر الهمومي
اسهر ليا نامت عيون الهداريس=وباليل اراعي ساهرات النجومي
قالو جهلت وقلت جهل بلا قيس=الجاهل الي مايعرف اليمومي
اشوف عدلات الليالي مقابيس=ولا احد من الدنيا عظامه سلومي
تضحك وتخفي لك خفي الهناديس=تفطر لها يوم ويوم تصومي
اعمل وتلقا وافهم العلم بالقيس=دنياك لو زانت تراها نقومي
والعز فوق معسكرات السواديس=الي قصدت الي بالاشياء رحومي
قب تنازىآ بالنشاما كراديس=والطير في روجاتهنه يحومي
واليا توافق مشور السو وابليس=تبر منه عز ربي يدومي
باليل اصالي حاميات المحاميس=وبالصبح الاوي كل قبا قحومي
اربع سنين ودمع عيني اماريس=العين تسهر كن فيها هزومي
واليا ركبت فوق معالجات المضاريس=يبرد على قلبي لهيب السمومي
ضريبنا بالميل غمق ليا قيس=وطريحنا في مثبره مايقومي
ان جن بنا مثل النعام الاماريس=لا خف عجل مع رقاق الحزومي
استلحق الي يطلبون النواميس=الي من الاقصين وادنىآ اللحومي
لا خير في كثر الحكىآ والتماليس=هرج بلا فعل يجي به وهومي
لومي على الي ينقلون العبابيس=واهل الفرنج وكل رامي لحومي
ان جن بالميدان مثل الدواويس=وطار الغطىآ عن قانيات الرقومي
عرج باهلهن كنهن القرانيس=على الطريح مصوبرات كظومي
واليا سمك عج الرمك بالملابيس=المسعد الي حظ ربعه يقومي
حتىآ يزين لنا المثل والتوانيس=والكيف طاب لمن يفك القحومي
ومن لا يدوس الراي من قبل ماديس=عليه داسو العيال القرومي
ومن لا يقلط شذره السيف والكيس=يبدي عليه من اليالي ثلومي
والقصر مايصلح من على غير تاسيس=ومن لا تعلم ماتسر العلومي
كل القلم من كتنبا بالقراطيس = وركبنا من كثر الاقران تومي
للشيخ من يعطي الفقارىآ المفاليس = يبدل ساعه الفقر بعز يقومي
والحر لا دبت عليه النواميس = يشهر وعن دار المذاله يشومي
واليا اكترب من بعض الاشياء نسانيس = اعزم ولا بد الفرج بالعزومي
باب الفرج لبسك نضيف الملابيس = ينجيك بايام الكرب والزحومي
اوجس بقلبي مثل دق النحاحيس = الله يلوم الي لحالي يلووومي
يجلىآ صدا قلبي ضبيح المهاريس = لا قام شراب القهاوي يعومي
ودلال فوق النار دايم مجاليس = اكرامهن حق علينا لزومي
من صنعه الصبه وخمس التخاميس = بريه يعمل بها كل يومي
وبهارهن هيل بليا حواسيس = كيف يعدىآ للنشاما القرومي
عده لحماي العياد المراويس = والا الحصان الي بقينه وهومي
وصلاه ربي عد رمل الطعاميس = على شفيع الخلق يوم المومي

فكر وناضر يامحمد ترىآ الحال = نفسي وتاليها مع الله خبرها
العين كن لها عن النوم عذال = تسهر وغاد نومها عن حجرها
والكبد ماتقبل من الحلو فنجال = والمر لو هو عشرق مانقرها
دنيا هيال ولا لحقنا لها جال = وازريت اميز سهلها من وعرها
كان اقبلت ياحلو هاك التبهلال = وان دبرت سو علىآ الي حضرها
ماظن فيها واحد داله البال = احفظ لدينك وانتبه عن خطرها
تراه مثل الفي لابد ينزال = والشمس هي ويا القمر من فكرها
الحق ينقال والتفاخر بالاموال = لاهين في غفلاتهم من دورها
كم فرقت دوله حل واجيال = واليا ومرها الله عطتها نحرها
فعال نو الخير لاموه الانذال = كثر تخاليف العرب في صورها
يالله ياعالم خفيات الاحوال = يالي ذنوب العبد لا شا غفرها
طالبك انا الجنه وحسنات الاعمال = تقدر تفرجها الى جا قدرها
كم واحد يمشي مع الناس مهذال = يرعىآ سواه العاذره من بقرها
لا شاحنه علم ولا وارده حال = ولا يميز وردها من صدرها
ثوب النقا يرخص ولبسن الاسمال = سلم الرجال الي تلامع شهرها
ان كان مانتب في معانيك حمال = عمل الرجى يهويك مضلم حفرها
ذا قول عدل من غريبات الامثال = بيوت عسرات لمن لا قدرها
انا احمد الي بدل الشمس بضلال = وهانت مصاعبها ونقطف ثمرها
ماهمني دنيا ولا همني مال = الرزق يأتي مثل هاتف مطرها
شفي ومقصودي من الخيل مشوال = شقرا نواصيها كثير شعرها
وبالكف من غالي المطارق هوا البال = يروي بحزات القا من حمرها
وتجر توال اليل تسمع له اعوال = ودلال يلقىآ الكيف من هو نحرها
بريه يطرب لها كل شغال = والزعفران مع العويدي ذعرها
تهدي لماضين التجارب والافعال = زيزوم عيرات تعايل جررها
وتهدي لمن يثنىآ نهار التجيوال = مودع جياد الخيل تركب وعرها
والثالث الي باللقا يرخص المال = له ربعه دايم تناطف سفرها
وصده عن الي مع دروب الردا عال = يمناه عن طيب المعاني قصرها
وصلو على من صار للحق مرسال = عداد ماخضر الورق من شجرها

ياراكب اللي بقلهن قد تثنا = فج العضود مدمثات المحاصير
لاهن لاقعس ولاهنب دنا = متيهات في ليالي المخاضير
الصبح من وادي الرشا ينشرنا = من بيت ابو خالد زبون المقاصير
يلفن ابو تركي زبون المجنا = هو شيخنا لا جت اليالي المعاسير
الشيخ مثلك مانزل شعر عنا = وادنا عتيبه حايل دونه النير
جانا الصعيري قال صولو وصلنا = صلنا نحسب انه على تدبير
اثر الصيعري فزعته ماج عنا = واقفن ضعونه عقب ماهن مناحير
جينا على ركن الحريب ونزنا = صرنا دواوير وصارو دواوير
ياكبر زبر جموعهم يوم جنا = ارواحنا ترخص وهي للمقادير
بايماننا صواروم يقطعنا = سقي القنيده من حقوق الشخاتير
من عقب هذا لا عتيبه وحنا = لا صلب بهم جد ولا بهم نيه الخير
لكنهم يوم انجلا السو عنا = هذا طريح وذاك ذب المعابير
لي لابه تشلع مع السن سنا = ان كان بالغارات ولا الطوابير
ناس الى حلو على القحص جنا = في منتهاه ننزح النمر والزير

ياراكب اللي مايـــــــــداني الصـفيري = همليع من نقوه الهجن سرســـــاح
امه نعامه واظربـــــــــوها بعيــــــري = جاني مشبهاني علىآ خف وجنـاح
عليه خرج من سلوك الحريـــــــــري = عصاه عود البروقه عقب مافــــاح
يسرح من الطايف ويمسي البصيري = سفايفه مثل الغــــــــرابين طفـــــاح
مزهبك ياراعيه تمــــــر ومضيــــري = واحذ تشب النار يجفل من الضــاح
والى ورد يشرب ثمانين بيـــــــــــري = غرافهن تسعيـــــن ودليهـــن مــاح
رجليه بالحره وصـــدره يســـــــــيري = ويشرب براسه من على جمه رماح
ياويش هو شي طويل قصيـــــــــيري = يسبق زعاجيل الهوىآ يوم تنمــــاح

ياتركي بن حميـــد وش ذا البعيــري = ماتجلبونه كان تبـــــغون الاربــــاح
لا عاد له خف وجنـــــاح يطيــــــري = انا اذكر الله كيف راعـــــيه ماطـاح
ياربعنا ياكبر كـــــــذب الاميــــــــري = وياحــلو مرويه علـــــط الارمـــــاح
كيف النعامه نوخـــــت للبعيــــــــري = انا اقول ذا كذب على الناس فضاح

ياراكب من عندنا نابيه شــــــــــــط = تشدي ظليم بالخلا صايعـــــــــه ذور
وقم الرباع ونابها مابعد نــــــــــــط = تكسر عصىآ الكور لو كان ماسـور
تشدي لكدري القحاطين قــــــــــرط = ان ضف ريشه عقب ماهو بمنشـور
فوقه غلام ولا اضلم الليل ماغـــط = ادل من فوق القطا صوب خابــــــــور
تلفي بني عمي ورا نجد بهبـــــــط = اهل البيوت الي كنها شمخ القــــــور
اهل الصحون بالمجاعه تقــلــــــــط = ذباحه مازاد نيـــه من الخـــــــــــــور
ان جيتهم ملزوم بالصوت تصعـــط = وعطهم مكاتيبي قبل تجدع الكـــــور
واخبر بني عمي ترا الشي بي غط = والنفس ماتصبر على الضيم والجور
عطو كما عطه حصـــــأن ليا عـــط = خطو الاصيل الي من الزاد مبـــــرور
لعينك يالي بالعويدي تمشـــــــــــــط = دقيق رمش العين كنه من الحـــــــور
ليته حظرنا يوم سو البلا شـــــــــط = نار الذليل وردها كل مســــــــــــــطور
ارخصت عمري عن جيش المخلط = ماهمني ناس يقولون حـــــــــــــــاذور
الغوج رديته علىآ غير يصفــــــط = على شنق كنه من القين مكســــــــور
كم فارس من راس رمحي تفرشط = مدحًّ راسه حط ّ في الحزم جافــــــور
عليه خفرات بالاسلاب تصعــــــــط = خلي عشا لمهرفل الذيب وطيـــــــــور

ساعه تواجهنـــــــأ بهاك الزبــــارا = واثر الحريب مظًّر قـــد له ايــــــــــام
جونا كما الدبـــــو علينا مغـــــــارا = حرد الايادي فوقهــن كــل همـــــــــام
دخانهن منقــــاد والعـــــج ثــــــارا = كن الطلاح البايـــده حــــــذف الازلام
راحت بابن هــــــادي تذب الخبارا = ادميــــه تاخذ ورا العــــــــــــدي دوام

ترك عشيـــر عشرته يـــوم او دون = ثم يبدل بك عشـــــير وينـــــســـــــــاك
شف لك قطـامي على الشد مامـــون = درع القفـــــــا ماينهض الراس لحذاك
اللي الى اوحى الناس فيك يهرجون = حامي على عرضك ويدمح خطايـــاك
انا رفيقي لو يجي دونه الـــــــــدون = مانساه لو اني على حـــــوض الادراك

ياسابقي صكو عليك القبايـــــــــــل = الحظر والبدوان راحــــو نحيـــــــــــــه
قوم من العارض الى سوق حايــل = لا قرب بهم جد ولا بهم مرحميـــــــــه
قامت تروجن بينهم بالشلايـــــــــل = تعاونوا عقـــب النقا بالحميــــــــــــــــه
ياقومنا لا تكثرون العــــــــــــذايــل = اشوف لي شق توسع ارفيـــــــــــــــــه
ياعنك جتنا من عزيز الحمايــــــل = ماسلت لو شره تلاحق ضـــــــــــــويه
العمر بيد الله منشي المخايـــــــــل = حق على الراعي صلاح الرعيــــــــــه
نرد الخطر والعمر لا بد زايـــــــل = عقب الخطر نشرب ركايا عذيــــــــــــه
ان كان مانرخي ارقاب الاصايـــل = والا منازلنا غــــــــدت جاهليــــــــــــــه
بصنع الفرنج مطوعــــه كل عايل = فود لنا ماقط جتنا حذيـــــــــــــــــــــــــه
ومصقلات تودع الراس مايـــــــل = من صنع مفراص وساع هويـــــــــــــه
ان كان ماترث ايدينا فعايــــــــــل = يحرم علينا شربه الشــــــــــــــأإذليـــــه
والزعفران وحب سمـر الجدايــل = وحط االشحــم وسط البيوت الذريــــــه
الحر لا صكت عليه الحبايــــــــــل = يشهر وتاتي له من الله فضيـــــــــــــــه
عادتنا نروي حـــــدود السلايـــــل = بايماننا في محتظـــــــر كل هيـــــــــــــه
حريبنا يسهر ونومه ملايـــــــــــل = والىآ نسىآ يوم نجدد كويـــــــــــــــــه
وصلاه ربي عد مازل زايــــــــــل = علىآ نبي الدين سيد البريــــــــــــــــــه

من يوم صندوق الحشـا بالخفا بان = والعين سهرت بين هم وهوجـــــــــــأس
البارحه جفني عن النوم سهـــران = كني عليل مسهره بعض الاضـــــــراس
علىآ جواد ضالع غب الاكــــــوان = فيها اختلط حبل الرجا هو والايــــــــأس
جندرتها من صوف سلك وريمــان = وانا لها عن لذه النـــــــــوم حــــــــراس
ماني مجندرها على زود الاثمـــان = الا ليـــــــوم فيه الاريــق يبـــــــــــــــأس
لاجا نهار فيه روغات الاذهــــــان = باغي عليها باول الخيــــــــــل نــــوماس
عرجا اليا ماطبحن خلف الاظعــان = والسوق مابين الاجاويد مقيــــــــــــــاس
ياعبيـــد قيس ماعلى الروم ضمان = رزقك مع اجلك حط في طلح قرطــــــاس
ماخط لك مافات شوف بالاعيـــــان = وبعض الاوادم مامعه ميــــــــز وقيــــاس
لا حاسد يمنع ولا يرزق انســــــان = الا بتدبير الصمد والي النـــــــــــــــــــاس
ثم انصح الباقي ترا القصر خربان = ماعتز قصر ما يوثــــــــق علىآ ســـاس

البارحــــه بالحلم كنـــــــي مـــــورا = جا حلم ليل يوم عـــــــــبر ولا شيـــــــف
اوجست هاجوس على الصدر مرا = منه الفــــــــــؤاد معلق بالمخاطيــــــــــف
وابدي كنين الروح داخل وبـــــــرا = من نقض مايفتل وفتل بتكليـــــــــــــــــف
ان جت من الله ماعدو يضــــــــرا = ومن دبرته قلت دبور المصــــــــاريـــــف
يارازق اللي في رجــاك يتحــــــرا = من مـــدّ جـــودك ياوسيــــع المحاريــــف
مادون ربك واحد لك يســــــــــــرا = للرب حكـــــــم للمعــأني وتصريـــــــــــف
قم يامحمد سو حلو ومــــــــــــــرا = رسم الى جوك النشاما هل الكيـــــــــــــف
مع منسف عند المناره يجــــــــرا = واشناق حـــــــيل صفوها له ذواريــــــــف
واعمل بخير ولا تجـــــازي بشرا = وارج الفرج من عند واالي المصاريـــف
واجهـد بتقوىآ الله لدار المقــــرا = العبــد طرقي ركابه منــــــــــــأكيـــــــــــف
فيها لبيـــب العقل مابه يغـــــــرا = دنيا خراب ولا عليها تحـــــــــــــــاسيــف
رفيقك الغالي منـــــه لا تبــــــــرا = وادمح اموره لو تعبث عجــــــــــــاريــف
نوب تذرىآ به ونوب يتــــــــذرا = سوي عمرك في اليالي الشفاشيــــــــــــــف
جر القلم واكتب لنا الي تــــــورا = سلام احلىآ من حليف المشاعيـــــــــــــــف
مني لتابع هوىآ كل عـــــــــــرا = وربع على قب المهار الشوحيـــــــــــــــــف
ذولي يسرحهن وذولي تســـــرا = وذولي مشيحات وذولـــــــــي منـــــــــأكيــف
سلاحهم مخ العــــــــجم والمجرا = ودهم الفرنج مفرقات المواليــــــــــــــــــــف
زيزوم غلبــــــــأ كل يوم يجــــرا = اطرافها تاطىآ الغبىآ والمشاريـــــــــــــــف
اخشع تواضع لا تكبــــــــر تزرا = ماشفت ميلات اليالي مراديــــــــــــــــــــــف
اجهـــد بدينك واتبع لا تغــــــــرا = لو امهلت لا بـــــــد رحلـــــــــــــــه وتخفيـف

يالله يا اللي ماش حال يكـــــــــــوده = رب لطيف تصرف الريــح تصريـــــف
ان ترحم اللي وحدوا به جنـــــــوده = احد صلح واحد تحدر على السيــــــف
حنا الي كل تمصلح بقــــــــــــــــوده = نصلح بقب كنهـــــن الشواحيــــــــــف
طريحنا سحم الضواري تـــــــــروده = الى ركبنــأ لينــــــأت المحــــــاريــــف
نزلت يم القهب باوســـط نفــــــــوده = واصيح للغلبــــــــا بروس المشاريف
اهــــــــل ديار موثقين حـــــــــــدوده = واهل مهار يلعـــــــبن الغطاريــــــــف
من حـــده البرقـــــــــا لشرقي نفوده = حامينها الغلبـــــــا بروس المراهيـف
وانشد سعد من خالهم ويش فــــوده = اللي يصرف له من الحكي تصـــريف
ماجاب طهطــأم حصأن يقـــــــــــوده = ولا مهره تبرىآ لجيش منـــــــأكيــف
ان خاف قرب جدهم من جــــــــدوده = وهم على عامر عصـــــــــاه مواليف

ياسابقي غــــــــأشن عتيبه منك لوم = مثل الربيع الي غشــىآ جد كلــــــــه

ان كان تطيري سابق لك من اليــوم = فرس عتيبي ورد شــــــأهــد لـــــــــه

انا برمحي باول الخيـــــــل ملحــــوم = ولا انت رمحك عنــد ساره تشلـــــــه

ان كان رمحك باول الخيل ملحــــوم = فانا برمحــــــــي حامي نجـــــد كــــله

انتم كما ضلع طويل ومــــــــزمـــوم = وحنا خلقنا الله نجـــوم تهـــــــــــــــله

ان كان تطري النجم فالنجم مفقــوم = النجم يدوي والجبـــــــــل راسي لــــه

يازبـــــن كرب فوق مايطرد النــــوم = حــــرايــر يازبــــن مثل الاهــــــــــله
مرباعهـــن مابين ظلم والاكمـــــــوم = ومن السفايـــــــــف يرمحن الاظلـــه
ملفاك شيخ بالقسىآ يذبح الكـــــــوم = شيخ وشيخان القبايــــــــــل تــــدلـــه
تلقىآ محمــــد زبن من جاه مضيوم = زبن الذليل الي مخيـــــــــف محلـــــه
والىآ لفيت الشيخ يازبــن ملـــــزوم = تعطيــــه مرسومي بواسطــه سجلــه
وان كان جيت النضو يازبـن ماسوم = رد الخبر والنـــــضو يازبن خلــــــــه
جانا من الشايب مكاتيــــب وعلــــوم = حي الكتاب الي لفا حشمه لــــــــــــه
الشايب الي ينقل الكبر والــــــــــزوم = باغي لحكمي مير انا عاصي لــــــــه
الله يغشك يوم غشيتنا الـــــــــــــيـوم = تقرا الكتاب ولا تهـــــاب المظلــــــــه
جزاه من عندي من الخيل خثــــــلوم = مثل البرد من مــــــــزنه مستهــــــله
ان كان تذكر سابق لك من يـــــــــوم = فرس عتيبي ورد شاهــــــــد لــــــــه
انا برمحي باول الخيل ملحــــــــــــوم = ولا انت رمحك عند ساره تشلــــــــه
اديت انا اربع قحص والخامس التوم = بقعود زبن الي بغـــــي ماحصل لـــه
لا والله الا روحـــو ربعنـــــــأ قــــــوم = تنافضت من بينهم بالاجلــــــــــــــــه
والحرب شب وشبشبــــه كل شغمــوم = من اشتبه مخ الفرنجي عصىآ لــه
اعرف ترىآ من طاح ماهوب مرحوم = اكود من رب المــــــلا شافع لــــــه
شافي وجرمان غدوا باول القـــــــــوم = خلو مطوعهم وانا شاهد لــــــــــــه
خلو مطوعهم علىآ غوجه التــــــــوم = عزي لمن حط الرىآ مسنــــد لـــه
وانتم كمــأ حوت علىآ الشط لاهــــوم = وحنـــــأ الله خلقنا للواهيم علــــــه
وانتم كما ضلع طويل ومزمـــــــــــــوم = وحنا خلقنا الله نجوم تهـــــــــــــله
وانتم كما طير البحر ذاك ابا الحـــــوم = وطير البحــــر مايذبحـــه غير ظلـه

حي الكتاب الي لفا به العفـص مرشوم = حيه وحي الي مشا حشمه لــــــــه
ساعه قريته شفت ماعفت مرســـــــوم = رد النقا تركي وهو منحي لــــــــه
ياسابقي غاش عتيبه منك لــــــــــــــوم = مثل الربيع الي غشىآ نجد كلــــه
كدي علىآ العتبـأن خمس عشر يـــوم = قعدان والجمال بيــــتي هــــــل لـه
اطلب عسىآ نجد من الوسم ماســــوم = حتىآ تقرب حلــــــه صوب حلــــه
وان كان رمحك باول الخيل ملحــــــوم = فاانا برمحي حامي نجــد كلــــــــــه
من شافنا بالحــــلم يقعــــد من النــــوم = ومن شافنا بالعلم بطنــــه يهلـــــــه
عدونا لو جض ماهوب مليــــــــــــــوم = والي وراه يجض من جضـــــه لـه
حربك ليا جانا نقلنـــأه بســـــــــــــهـوم = وترىآ حربنا لو جاك ماحتلت شله
وان كان تطري النجم فالنجم مفقــــوم = والنجم يدوي والجبل راسي لـــــــه
مانشتحن للحرب والحرب مفهــــــــوم = وياسعد منا باللقا فزعــــــــه لــــــه
ماخلقت الدنيا ولا الناس في يـــــــــوم = واللي تمنىآ حربنا مضحي لــــــــه
وان كان في نفسه فلا هوب مليـــــوم = نعم الشوارب وافي الشبر كلــــــــه
متوسط مابين عتبان وبقـــــــــــــــــوم = والله اعلم في دق سلكـــــــه وجلــه

يالله يا المطــــــلوب يارايف الحــــال = يامن له الشكـــــــوىآ على كل حالي
انك تسامحنا بسيــــــأت الاعمـــــــال = وتفغر دقاق ذنوبــــــــنا والجــــــلالي
طالبك نو تالي اليل همـــــــــــــــــــال = يسقي الرغاب ويمتطن الهجــــــــالي
يصبح بها راعي الدبش طيب الفـال = والعسر والمكـــروه عنه استحـــــالي
ياراكب حمرا تفوح اشهب الــــــلال = والي عليها من قـــــروم العيــــــــالي
نصه بني عمي قديمين الافعــــــــال = اهل المواقف في نهار القتـــــــــــــالي
تلقىآ لهم يم الحـــوم نزل وحـــلال = اهل نجور من طربــــــــها تلالــــــــي
هل سربه قــد ودبوهن بالاعجـــــال = اصايل ومـــــــكرمــأت بغـــــــــــألــي
مترقع فيها الحم تقــــــــــل سيـــــال = قحـــص تسن لحيــها للحبـــــــــــــالي
من ناسهن من ضدهن جنّه ارسـال = مايحتري الاول مفزاع تــــــــــــــالـي
تركض بشبان مداغيــش وعيــــــال = ضارين في هداتهــــم للفعــــــــــــالي
تركض على راع التفق ثابت الحـال = مولع ضوه علىآ القحف مـــــــــــالي
طاه والمولىآ عليه التوكــــــــــــــال = يوم القا نرخــص عمار الغـــــــــوالي
ترعىآ بنا قطعننا غب الافعـــــــــال = لا جالوا البـــدوان عنــــا شمـــــــــالي
باق القبايل ماتغطي لنا افعـــــــــــال = وهذي فعايلنا علىآ كل حــــــــــــــالي

خط القلم واكتب لنا ياسليمــــــــــــان = اكتب لنا جعلك تطـــــــــب الجنـــاني
جعلك تطوف البيـــت مع كل الاركان = وتصلي الجمعه بهـــأ دور ثـــــــاني
لنا رفيــق مانبيعه بالاثمــــــــــــــــان = عبد مطــوع شاعر مطربـــــــــــــأني
قم كيف الطبخه ترىآ بان لي شــان = مشتان في شان وشان عنــــــــــــاني
بريــه من سوق صنعــــــأ ونجــران = يعبـــــــأ لها بالهيل والزعفـــــــــراني
نخسر لها لو كان تغلـــىآ بالاثمــان = لا هابهـــا خطو الصبـــــي الهــــداني
بصين يبدي فيه ذربين الايمـــــــــان = بكفوف عيـــــــــأل قروم ذهـــــــــاني
ياراكب من فوق سلسات الاقـــــران = فج العظـــــود وساسهــــــن عمـــاني
ملفاك من يروي شبا مقــــدم الـزان = عيد الركــــــــأب الي بها الخيل واني
شيخ لفا بالطيــب من روس قحطان = عاداتهم فك الحسب والعوانــــــــــــي
مطلوبكم ياشيخ به زود حقــــــــران = والذل مايرضاه عـــــــــــرب المجاني
لوان مطلوبكم ياشيخ علىمثل ماكان = خفت مداريجه علينا وهـــــــــــــاني
ادرىآ كلامي عن عــــدو وسفهــان = لزازه المجلـــــــس وجيه الحصــاني
للهـــرج ميدان وللرامــــي نيشــــأن = ومفتاح صنــــدوق الضمير اللســاني

يــامــا حـلا ياعـبـيـد فـي وقت الاسفار=جـــذب الـفــراش وشــبّ ضـــوّ المــنارة
مع دلــة(ن) تجــذا على واهـــج النار =ونـجـــر إلـى حــرّك تـــزايــــد عـــبــــاره
في ربعة(ن) ماهيب تحجب عن الجار =لا مـنّ خـطــو الــلاش مــا شــبّ نـــــاره
الــنـــــجـر دقّ وجــاوبــه كــل مـــرّار =مــالــفـّـــه الـمــلـفـوف مـن دون جـــاره
وأخـــيـر مـنـهـا ركعتين(ن) بالاسحار =لاطـــاب نــوم الـلــي حــيـاتــه خـســـاره
تـلــقاه في يوم(ن) يضيعن(ن) الافكار =يـوم(ن) عـلـى المخلوق ما اطول نهاره
وقـم فـي قـصـير البيت حشمه ومقدار =لــــو جــــار فــادمــح له ولو به خساره
تـرى النــبي وصّى على الجار لو جار =خـــــذ الـحـــذر يـاعـبـيـد عـقــب النذاره
رافـق قـويّ الــديـن حـفّــاظ الاســرار =يـنـفـعـــك فــي يـوم(ن) يـجـي به كراره
تـرى الـهـوى والغيّ هن شرّ الاشرار =ومــن داس عـار الـنـاس داسـوا لعاره
جــنـّب رديّ الــكــار مــافـيــه تـعـبــار =مــافـيـه مــن فــعـل الـمـنـاعـيــر شاره
جــنـّب عـنـه خـلــّه لـقـصّـاف الاعمار =واحـفـظ وصــتـاتـي يــارفـيــع الــمناره
واسـلـم ودم بـالـخـيـر يا طـيـر غـيمار =وصــلـّـوا عـلــى المختار ما غار غاره

قــــــال الذي بـيـّـن من القلب مكـنـون =فــي حـنــكــة(ن) بـالصــدر ما بان لحـذاك
إتــرك عشير(ن) عشرته يوم أو دون =ثمّ(ن) يـبــدّل بـك عـشـــيـر(ن) ويـنـســاك
إشـتـف قـطـــاميّ على السدّ مامـــون =درع الـــقـفــــــا مـا ينهض الراس لعـــداك
اللــي ليا اوحى فيك ناس(ن) يقولـون =حامى على عرضـــك ويــدمــح خـطــــاياك
أنـا رفـــيقي لو يجـــي دونــه الــــدون =ما أنســـــاه لو اني على حـــوض الادراك
يســـتاهل البيضا والاخـــيار يوحـــون =والا الـــردي خــلّـــــه يـبــاري بـيـســـراك
شـم للعلا واترك هوى كـــلّ مــزيــون =لا تعــتـني بالـــغــــيّ يـــازبــن مـن جـــاك
ترى الهوى ضرب المعادي بمســنون =ورّد(ن) على الـتــــالي إلـى قـــام يـنــخـاك
وترى الهوى في يوم طاعن ومطعون =بـيـوم(ن) تـغـــاب الشمس من كل الافــلاك
هذا الهوى يعتزّ ربعه ضــحــى الكـون =فــعـــل(ن) وبـــه نـعـم(ن) الــى قيل يقراك
ياعـــبـيـد خـذ مـنـي من القول موزون =واســلــم ودم مـــا غـــرّد الــورق بالــراك

ذاقـــول مـن غنـّـى ومن هاض ما خـفى =بدت لي وغيري جـــاهـــل(ن) مادرى لـــها
إصــحى تكن روع(ن) إالى شفت حادث =تـــزري تمـيـّــز حرمــها من حــلالـــــهـــــا
إلــى اوجعك ضرسك خذ القاز واقلـــعه =وإن كـــــان فــي عــيـنـك فـ دوّر دوا لــهــا
تــرى حـــلاة الرجـــــل لا شــــقّ يــرفــا =ذرب(ن) يــمــيّـز فــتـلــهــا وانـحــلالــــهــا
عــيـب(ن) على اللي بدّل الهدر بالرغــا =ولا كـــــــلّ من يبــــغى المـراجــــل ينالـهـا
وانــا ما بــلاي الا ســباع(ن) تـقـانـبــت =تـنــاطــــف مــلا كـمــها وجــرّ العــوا لــها
ومــن شــبّ نـــار الحرب للنار يصطـلي =كثـّـر مــقــــــابـيســــه وزاد اشــتــعالـــهــا
كــم غارة(ن) منـّـا على فــاقة الضــحى =يشـــبـك عــلــى روس الـمــعـادي ظـلالـها
غزينا على الطرســـــان من دون صارة =أخــــذنــــا مــغـــاتــيــر(ن) نــذّبـح عيالهـا
كــم جادل(ن) من غبنـّـا تذهل الغـــــــطا =ترفـــــع صـــــلــــيب الصوت تبكي عيالهـا
وكـــم مهـرة(ن) قـبـّـا تجــيـنا قــلاعــــة =رمينــــــــا براكــــــبها وفاخـــــت حبالـــها
أقـــــوله وانا من لابـــة(ن) تنثر الدمـــا =منـــــــاة الحـــــرايب دايــم(ن) في قتالهــا
ذقـــنـا حـــلاويــهــا وذقنا مــــرورهـــــا =ولو هي صفت يوم(ن) سريع(ن) زوالهــا
ولا تــفــــرحــوا ياشـامتين من الــعـــدا =إن طـــــالـــــت الــدنيــــا يجيـــكم بدالـــهـا
حــــقّ عـــلينا الهجن تمـشي مســــيمة =وخـــــيـل(ن) أصـــــــايل معتبين الحذا لها
لعيــــــــناك يانــجــد المسمّى بـفــعـلــنا =والاّ مــــنــــازلــــنـا فلا احــد(ن) يـنــالـهـا
إلـــى قــــالــوا الحكّــام رزّوا بيــــارق =نـنــســف عـلــى شــيــب الغــوارب ثقالهـا
ولا عــنـدنــا فـي حـلّـة(ن) عنـــد حاكم =عــلـى الــراي حكّام(ن) طوال(ن) حبالهــا
هـــذا وصــلّـوا يا حـضـور على النـبي =أزكــــى قـريــــش وكـلــمـة الـحـقّ قـالـهـا

سرنا لينبوع الصخا مكرم الجار=اللي سعى لرعيته بالصلاحي
نقاض مايفتل حيول وامكال=يصمت ولو هو يسمع العلم صاحي
جبنا له الي كنها ظبي الاقفار=مركوب من يروي شباق السلاحي
واقبل لنا بالعلم واقفى بالدويدار=وجانا من الافندي جواب قراحي
قالو جواب لا حكي به ولا صار=الله يعين اهل العقول الصحاحي
جانا بعذر وقلت انا الرب ستار=رزقي على مذري هبوب الرياحي
الرزق ياتي مثل هتاش الامطار=ماله مصك ولاش دونه سلاحي
ان كان تسمع من اهل الكذب والعار=ودع بنا رازق خفوق الجناحي
عندنا على هجن من البعد ضمار=من القفل يشدن النعام المداحي
تودع حصا الرشراش بالدويطار= الا ونقدع روسهن باللواحي
خذو عليهن ساعه وقم مغوار=وعن الوعر عطو بهن السماحي
كم ليله سرنا على الهجن ومهار=نطلب من الي خزنته ماتباحي
حنا كما حر مرابيه الاوعار=يشهر ليا شاف الجفا عنه راحي
حنا مسقيه العدو كاس الامرار=ومعشيق بالضيق برق الجناحي
ياما نزلنا منزل غب الاطار=السبر ينطش والجهامه ضواحي
كم ذود مصلاح على رعي الاقفار=ناخذ قلايعهن بروس الرماحي
والطرش جاك مشوح عقب ماذار=هج الحلال وغثبرو بالصياحي
فزو من المجلس على شبه النار=تناولو سلم القوايم صحاحي
لحقو عيال ماتمالو بالاشوار=ضارين في نثر الدمي بالرماحي
وكم خير في مطرد الخيل قد عار=هدات حر تعجب الي يناحي
ياما حديناهم على الموسم الحار=من ضرب ربع يبعدون المناحي
كان الخطا منكم ثنينا لمعذار= وان كان منا طالبين السماحي
مابيع ديني بالخدايع والافجار=المال يذهب واخر العمر راحي

ياراكب من فوق بواجه الخلا= من البقل مابنات مواري فطروها
رعول من الراكب جزوع من العصا=خطر على هزاتها قصم كورها
ركابها من ربعنا خابرينه=دليله الظلما اليل غاب نورها
ان ابن هادي ريف هشاله الخلا=ريف الهجافا في ليالي عسورها
في مجلسه تلقا علوم طرايف=وحيل تطاها كل يوم قدورها
حنا طلبنا الصلح منكم ولا حصل=دنياك مايبقى بها الا صبورها
ترى الحرب شقا للعين ماهو براحه=تسهر ويقزى نومها من حجورها
وليا حربتونا فحنا حريبه=منا قصار اقصار شبورها
تضدوننا بالكثر وحنا نضدكم=باكوان منا ماتجبر كسورها
نقفي وحنا عيننا في حريبنا=نعقب لهم نمرا تعاقب سبورها
اما نوافق غره تيفي لنا=والا مقابيس تقسم شرورها
يرجا لفزعتنا الى جاك منا =بدهم الفرنج الي وساع قرورها
كرامه الي تشوق لحربنا=لو انتحو عنا بعيد نزورها
ما اذمكم ياربعنا نعم بكم=انتم سباع الهيش وحنا نمورها
وانتم كما ضلع صبور على الشقا=وحنا حرار في مشاذيب قورها
ساعه تجييكم خيلنا عارفينها=معاريض والا معطيكم نحورها
وساعه تجينا خيلكم عارفينها=نحد السبايا لين تركب وعورها
كم ادهما دهوم نجرها=تحاكوبها غيابها مع حضورها
تصبح مداس الخيل من غب كوننا=تشبع حناديها وباقي نسورها
ماينفع الا الصدق والفعل النقا=وباقي الحكايا بايهات امورها
عاداتنا لطم المعادي على النقا=والا العميله رائعه مانذورها

ذا قول من هوجس ومن ياح ماخفا=يهيض بعبرات تبيح كنينتها
من ونه ونيتها تجرح الحشا=محال حضر في يدي شاغلينها
تدور الدواير باليالي وغرني=سريع ترددها وصكيت سنينها
دنياك لو هي ساعفت يوم كدرت=حيول تحل الحيل ومفارقينها
على الرغم ماهي بالثميني وبالهوى=جري المغربل والعرب عارفينها
على مسايرها كثير همومها=وعلى شين سيرتها العرب عاشقينها
دنياك لو توريك يوم مسره=صفق موج بقعا لين تملا جرينها
من شاف في كسر اليالي وجبرها=هي المنجل الخافي جفاها ولينها
مخلوطه عسر اليالي ويسرها=صروف اليالي دققت في طحينها
كم خير يجلى صدى عضه البلا=تضحك له الدنيا وتخفي رطينها
ياطالب الدنيا فهي تستغرك=كم فرقت من مرضع عن جنبها
وجربت من حلو اليالي ومرها=وازريت اميز هزلها من سمينها
وانا حالف لا ابيعها بيع مرخص=معيف ولو غيري حد راغبينها
حرج محرجها وجا زبونها=على سومه الغالي حريص ظمينها
اقع مهره قبا وسيف مجرب= وشلفا للقوات العدا محتسينها
ومناسف يعدا بها كل ساعه=يامر الولي يلقونها محترينها
ومن صنع بغداد دلال نظايف=نجورها باليل يسهر دنينها
على جال نار للمسايير دايمه=وثلاث حاجات لها جامعينها
اكرم لنزهين الشوارب على القسا=خص مروي حربته مع سنينها
والي جمع مال ولا ادى نوايبه= لعل ماله غوشه وارثينها
هذاك مثل الديك يذن ولا سجد=ينفع بها غيره ونفسه يهينها
وبالقلب دقاق تعومس به الدوا=حار الطبيب بعله ناقلينها
تشب السعاير بالضماير وتلتظي=كما يهش قصبا بالضوا مولعينها
انا واوجعي من بكره هيضتني= في ليله الجمعه تزايد حنينها
تجر صليب الصوت مما جرى لها=تجره من الوجلى وفرقا ضنينها
وتجرعت من عين سفوح وتزايدت=كما مزنه غرا حقوق غشينها
على اخوي ماشفت الغضب في حجاجه=يقدم لها قدام يقدم ضهينها
عبد اذا ارسلته عقاب الى شهر=نمر الى جا الخيل فرق ضنينها
وش خانه الدنيا ولو به رغبنا=جربناه ناس قدمنا جاربينها
وزبنت مع من يمنع ولا عنه مانع= ربي عن الزلات نفسي يعينها
ياغافر الزلات تدمح لي الخطا=الاعمال ملائكه الرضا حافضينها
حاسب محاسبها وعطيت كتابها=شمالها والا جعل في يمينها
ياقلب هود واطرد الهم بالنجم=الافراح من عند الولي مرتحينها
طلبت من يمنع ولا عنه مناع= ربي وباقي اسبابهم عايفينها
لزمت حبل الولي الواحد الصمد=لاخاف رعب القلب وايقن ذهينها
والقتل من عقب الامور الحوادث=تنقض لوالب قالة فاتلينها
ولا صرت الاقلام مافاد من حكي=كودا على طلابه طالبينها
من لا يصافي مايصافي صميدع=صبور على عسر اليالي ولينها
ومن لا يغالي لاخذا بنت طيب=يعينه على ضيم اليالي جنينها
ومن لا يخاشر بالقليل ابن عمه= لا جاه من ضيم اليالي سنينها
وصلو على المدثر المؤمن التقي=اكرم بتقوى الله وتقويم دينها

ان صاح صياح براس القاره=وغارت على حص الوبر عدوانها
الجيش زرفل والجموع انحازت=وعيت على المدب عصب عينها
وحنا لحقنا فوق قب قرح=كله لعين البل وحلو البانها
وش عذرنا من دون حلوات البن=لا ضيعت بالمعركه حيرانها
لا من عج الخيل ثور دونها=ورمن تواديها بحث اثفانها
انا على قبا قحوم قارح=خطر على الحنكان ذرعانها
الى تلاقا ذيلها مع راسها=تسمع ضريس ضروسها امتانها
كن المعارف يوم تنهض راسها=ثليل عذرا كاسين امتانها
تثلث على رجل تقول مكسوره=حليت عيدان السلم سيقانها
يالصانع البيطار واسمع مني=دع بالك المسمار يخطي شانها
الله ياقها نهار الهيه= من عين رماي حفظ علمانها
مع سربه يذهل لميع سيوفها=وقصارها تلوذ في فرسانها
الموت معهم وارد ومصدر=والروح كنه واقف ديانها
كم واحد بالقاع يسهج طايح=عليهبيض حرقن اوجانها
وياما طرحنا دونها من فارس=عقب الشجاعه ياكله سرحانها
ترعى بنا العرا ويكبر نابها=وتنزح العدوان عن حدانها
وتنزل بها في كل وادي مخظر=ترعى وسو الموت عند اركانها
في نجد ترعى ماتعلق عاني=بسيوف هند ماضي برهانها
يشهد لنا واد الرشا بافعالنا=وتشهد لنا نجد وحصا ضلعانها
قول بليا فعل عيب واضح=والصدق مايمحاه طول ازمانها