لو كل ماخيّلت لي برق اعسه=يمديه ضاعت صيدتي في عجاجي
مغير اشد خطام شفي وامسه=واكبح جماح النفس وانهض حجاجي
واحوز عن شعب الوخامه ورسه=لو مت ضامي ماوردت الهماجي
وان شفت بالاسواق طلعه وهسه=اكف يمنايه وادّور خراجي
ماكل مايعرض على العين اجسه=انقا وعقلي فى الغداري سراجي
اخاف من شيءٍ ضميري يحسه=وانا غني عن مايعكر مزاجي
والهم عن نقالة الحكي ادسه=زينت له بين المحاني ملاجي
وان زاد بالسجات اغيب مرسه=تفرج الكربه وساع الفجاجي
واليا طرا اللي ينعش الروح حسه=اللي غرامه بين الاضلاع لاجي
سريت مع ليلٍ نسيمه ينسه=اصيح له باسمه لحالي واناجي
كن الحشا صتم( الشوازن) يبسه=والكبد لاغفها شضية زجاجي
اهرف هريف الذيب بارضٍ مرسه=واهيف مثل اللي طناها الخلاجي
وقلبٍ مراسيل المحبه ترسه=والله ليبطي مالقاله علاجي

المشاركة الأصلية كتبت بواسطة ضاوي العصيمي (المشاركة 258715) اخواني الكرام شعراء هذا الصرح الجميل بكم كل عام وانتم بخير ويسعدني ان اشارككم بهذه المتواضعه امل ان تجد منكم القبول ولكم تقديري لو كل ماخيّلت لي برق اعسه=يمديه ضاعت صيدتي في عجاجي مغير اشد خطام شفي وامسه=واكبح جماح النفس وانهض حجاجي واحوز عن شعب الوخامه ورسه=لو مت ضامي ماوردت الهماجي وان شفت بالاسواق طلعه وهسه=اكف يمنايه وادّور خراجي ماكل مايعرض على العين اجسه=انقا وعقلي فى الغداري سراجي اخاف من شيءٍ ضميري يحسه=وانا غني عن مايعكر مزاجي والهم عن نقالة الحكي ادسه=زينت له بين المحاني ملاجي وان زاد بالسجات اغيب مرسه=تفرج الكربه وساع الفجاجي واليا طرا اللي ينعش الروح حسه=اللي غرامه بين الاضلاع لاجي سريت مع ليلٍ نسيمه ينسه=اصيح له باسمه لحالي واناجي كن الحشا صتم( الشوازن) يبسه=والكبد لاغفها شضية زجاجي اهرف هريف الذيب بارضٍ مرسه=واهيف مثل اللي طناها الخلاجي وقلبٍ مراسيل المحبه ترسه=والله ليبطي مالقاله علاجي

صح لسانك

جزل ودائماً تمتعنا بالجزل


و بيض الله وجهك على على ماتقدمه من إبداع لنا



لك التقدير والاحترام